BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

امانگەلدى كەڭشىلىك ۇلىنىڭ «قازاقتى ٴسۇيۋ» اتتى شىعارماشىلىق كەشى ٴوتتى

استانا، baq.kz. «نۇر وتان» پارتياسىنىڭ ۇيىمداستىرۋىمەن «رۋحاني جاڭعىرۋ» باعدارلاماسى اياسىندا بەلگىلى كوركەم ادەبيەت سىنشىسى، پۋبليسيست امانگەلدى كەڭشىلىك ۇلىنىڭ «قازاقتى ٴسۇيۋ» اتتى شىعارماشىلىق كەشى ٴوتتى.

قالامگەردىڭ 50 جىلدىق مەرەيتويىنا وراي وتكىزىلگەن ٴىس-شاراعا ەلىمىزدىڭ زيالى قاۋىم وكىلدەرى، بەلگىلى اقىن-جازۋشىلار جانە قوعام قايراتكەرلەرى قاتىستى. سونداي-اق «نۇر وتان» پارتياسى ٴتوراعاسىنىڭ ٴبىرىنشى ورىنباسارى ماۋلەن اشىمبايەۆ كەشكە ارنايى بارىپ، مەرەيتوي يەسىن قۇتتىقتادى.

كەشتى تانىمال ساتيريك-جازۋشى كوپەن امىربەك جۇرگىزدى. العاش بولىپ قۇتتىقتاۋ ٴسوز العان ماۋلەن اشىمبايەۆ ٴوز اكەسى ساعات اشىمبايەۆ پەن توي يەسىنىڭ اكەسى كەڭشىلىك مىرزابەكوۆتىڭ اراسىنداعى دوستىققا توقتالدى. سونداي-اق ول امانگەلدى كەڭشىلىك ۇلىنىڭ قازاق ادەبيەتى ايدىنىنداعى ورنى ەرەكشە ەكەنىنە نازار اۋدارىپ، ادەبي سىنشىلىق اياسى كەڭ ونەر ەكەنىن تىلگە تيەك ەتتى.

«امانگەلدى كەڭشىلىك ۇلى اكە ٴىزىن لايىقتى جالعاپ، قازاق ادەبيەتىندە وزىندىك ورنى مەن قولتاڭباسىن قالىپتاستىرعان قالامگەر. ونىڭ سىن جانرىنداعى ەڭبەكتەرى مەن ەسسەلەرى ٴوزىنىڭ تەرەڭ مازمۇنىمەن وقىرمانداردى قالىڭ ويعا جەتەلەيتىنى ٴسوزسىز. وكىنىشكە قاراي، ٴقازىر قازاق ادەبيەتىندە سىنشىلىق جانرى بۇرىنعى دەڭگەيىنەن تومەندەپ كەتكەنى جاسىرىن ەمەس. كەزىندە مۇحامەدجان قاراتايەۆ، سەرىك قيرابايەۆ سياقتى ۇلكەن جازۋشىلارىمىز قالىپتاستىرعان ٴداستۇردى بۇگىندە ساناۋلى جاندار عانا جالعاستىرىپ كەلەدى. بۇگىنگى مەرەيتوي يەسى سولاردىڭ ٴبىرى دە بىرەگەيى دەپ اۋىز تولتىرىپ ايتۋعا ابدەن بولادى»، – دەدى ماۋلەن اشىمبايەۆ.

سونىمەن قاتار ساحنا تورىنە بەلگىلى مەملەكەت جانە قوعام قايراتكەرى مىرزاتاي جولداسبەكوۆ، بۇگىنگى قازاق ادەبيەتىنىڭ قاينار بۇلاقتارى تولەن ابدىك پەن قاجىعالي مۇحانبەتقالي ۇلى باستاعان قالامگەرلەر شىعىپ، وزدەرىنىڭ اقجارما تىلەكتەرىن ارنادى.

ايتا كەتەيىك، امانگەلدى كەڭشىلىك ۇلىنىڭ مەرەيتويى رەسپۋبليكالىق كولەمدە اتالىپ وتۋدە. بۇعان دەيىن اتىراۋ، قوستاناي، تۇركىستان وبلىستارىندا ارنايى كەشتەر ۇيىمداستىرىلىپ، وقىرماندارىمەن كەزدەستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي