BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىدا مودەرنيست-جازۋشىنىڭ 80 جىلدىعى اتاپ ٴوتىلدى

استانا، baq.kz. اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا جازۋشى، سىنشى-دراماتۋرگ اسقار سۇلەيمەنوۆكە ارنالعان سالتاناتتى ەسكە الۋ كەشى ٴوتتى. بۇل تۋرالى قر مادەنيەت جانە سپورت مينيسترلىگىنىڭ ٴباسپاسوز قىزمەتى حابارلايدى.

ەلىمىزدىڭ مادەنيتىنىڭ تاريحي قاراشاڭىراعى سانالاتىن ونەر ورداسىندا جازۋشىنىڭ شىعارماشىلىعىن ٴسۇيىپ وقيتىن وقىرماندارى، پىكىرلەس، سەرىكتەستەرى جانە جاستار جينالدى. كورەرمەندەر ونىڭ تۋىندىلارىنان ۇزىندىلەردى، جەكە ورىنداۋىنداعى تۋىندىلاردى، كينوفيلمدەر فراگمەنتتەرىن اسقان ىقىلاسپەن تىڭدادى. ەسكە الۋ كەشىنىڭ جۇرگىزۋشىسى، رەجيسسيور ٴارى قويۋشىسى رەجيسسەر، سسەناريست، ٴارتىس، تەلەجۋرناليست، پروديۋسەر، مۋزىكانت الي شەر سۇلەيمەن بولدى.

«بۇگىن ٴبىزدىڭ رۋحاني وي ەركىندىگىمىزگە، قازىرگى تاڭدا كوزىمىزدىڭ قاراشىعىنداي ساقتاپ وتىرعان تاۋەلسىزدىگىمىزگە جارىق سىيلاپ كەلگەن جانە ونەگەلى ومىرلەرىمەن بىزدەرگە ۇلگى بولارلىق 60-جىلداردىڭ ۇرپاقتارى وتىر. 60-جىلداردىڭ تۇلعالارىنا ونەگەلى قاعيدالارعا نەگىزدەلگەن تاربيە ٴۇشىن العىس ايتقىم كەلەدى. بۇل ٴوز كەزەگىندە ٴبىزدىڭ ەلدەگى جوعارى مادەنيەتتىلىكتىڭ، تاۋەلسىزدىكتىڭ بەرىك تۇعىرلىعىنا اسەر ەتتى» - دەپ اتاپ ٴوتتى الي شەر سۇلەيمەن.

وتكەن عاسىردىڭ ورتاسىندا جازۋشى-مودەرنشى اسقار سۇلەيمەنوۆ ٴوز شىعارماشىلىعىمەن زامانداستارىنا ۇلكەن اسەر ەتتى. ونىڭ ادەبيەتى بوستاندىققا، تاريحي تامىرلاردى، ۇلتتىق وزىندىك ەرەكشەلىكتى ساقتاپ قالۋعا شاقىردى. اسقار سۇلەيمەنوۆتىڭ قالدىرعان مۇراسىندا كوپتەگەن اۋدارمالار بار. ونىڭ ەڭبەكتەرىنىڭ ارقاسىندا ٴقازاقتىلدى وقىرماندار ەرنەست حەمينگۋەي، ميحايل بۋلگاكوۆ، بەرتولد برەحت شىعارمالارىمەن تانىسا الدى. قازاقستاننىڭ زاماناۋي قازاق ادەبيەتى مەن ونەرىن اسقار سۇلەيمەنوۆتىڭ شىعارماشىلىعىنسىز ەلەستەتۋ قيىن.

سونداي-اق، الي شەر سۇلەيمەن قازاقستان رەسپۋبليكاسى پارلامەنتى سەناتىنىڭ ٴتوراعاسى قاسىم-جومارت توقايەۆتان، قازاقستان رەسپۋبليكاسىنىڭ رەسەي فەدەراسياسىنداعى توتەنشە جانە وكىلەتتى ەلشىسى يمانعالي تاسماعامبەتوۆتەن كەلگەن قۇتتىقتاۋ حاتتارىن وقىپ بەردى. ساحناعا اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ ديرەكتورى ا. قاليەۆا، قىزى ق. سۇلەيمەنوۆا، د. جولجاقسىنوۆ، جاقىندارى مەن تۋىستارى، سونداي-اق مۇرات اۋەزوۆ، ٴومىرزاق ايتبايەۆ، عادىلبەك شالاحمەتوۆ شىعىپ ٴسوز سويلەدى.

كەش اسقار سۇلەيمەنوۆتىڭ سۇيىكتى تۋىندىلارىنا نەگىزدەلگەن كونسەرتتىك باعدارلامامەن ٴوز جالعاسىن تاپتى. قۇرمانعازى اتىنداعى قازاق مەملەكەتتىك اكادەميالىق حالىق اسپاپتار وركەسترى، اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ سيمفونيالىق وركەسترى، قر ەڭبەك سىڭىرگەن قايراتكەرى سۇندەت بايعوجين، اباي اتىنداعى قازاق مەملەكەتتىك اكادەميالىق وپەرا جانە بالەت تەاترىنىڭ جەتەكشى ٴسوليستى زارينا التىنبايەۆا ونەر كورسەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي