BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقش ازاماتى وبامانىڭ كەسىرىنەن كوشەدە بوساندى

استانا. 6 ٴساۋىر. baq.kz – اقش-تىڭ لۋيسۆيل قالاسىندا اق ٴۇي قوجايىنى باراك وبامانىڭ كورتەجى ٴوتىپ كەتكەنشە كولىكتەر كەپتەلىپ، جۇكتى ايەل پەرزەنتحاناعا جەتە الماي جولدا بوسانعان.
 

911 قۇتقارۋ قىزمەتىنە قوڭىراۋ كەشكى ساعات 17.15 شاماسىندا تۇسكەن. حابارلاسقان ادام كوشەدە جۇكتى ايەلدىڭ بوسانىپ جاتقاندىعىن حابارلاعان. ول كولىك كەپتەلىسىنىڭ سالدارىنان پەرزەنتحاناعا جەتىپ ۇلگەرمەپتى. ابىروي بولعاندا، سول كەپتەلىستەگى كولىكتەردىڭ بىرىندە مەدبيكە بولىپ، ايەلدى امان-ەسەن بوساندىرىپ العان.

جەدەل-جاردەم اراعا تەك 10-15 مينۋت ۋاقىت سالىپ كەلدى. ولار انا مەن بالانى دەرەۋ اۋرۋحاناعا جەتكىزگەن. قازىرگى تاڭدا ەكەۋىنىڭ دە دەنساۋلىعى جاقسى دەيدى دارىگەرلەر.

ايتا كەتۋ كەرەك، وبامانىڭ كورتەجى بۇعان دەيىن دە اياعى اۋىر ايەلدىڭ جول بويىندا بوسانۋىنا سەبەپكەر بولعان ەدى. وقيعا وتكەن جىلدىڭ شىلدەسىندە لوس-اندجەلەس قالاسىندا بولعان. كولىك جۇرە الماعان سوڭ ايەل مەديسينالىق ورتالىققا جاياۋ بارماق بولادى. الايدا، ول نەگىزگى جولدى كەسىپ وتە الماي، كوشە بويىندا بوسانعان.


islam.kz
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي