BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقىن رۋسلان نۇربايدىڭ جىر كەشى وتەدى

 استانا. 28 اقپان. baq.kz – بۇگىن قاراعاندى وبلىسى اكىمدىگىنىڭ جانە قاراعاندى وبلىسىنىڭ مادەنيەت، مۇراعاتتار جانە قۇجاتتاما باسقارماسىنىڭ قولداۋىمەن اقىن رۋسلان نۇربايدىڭ جىر كەشى وتەدى، دەپ حابارلايدى ۇيىمداستىرۋ كوميتەتى.

 اقىننىڭ «ٴبورى ولەڭ تۇر بولمىستىڭ كوشىندە ۇلىپ...» اتتى جىر كەشى بۇگىن قاراعاندىنىڭ «شالقىما» كونسەرت زالىندا وتەدى. جىر كەشىندە اۆتوردىڭ «ار-رۋح» كىتابىنىڭ تۇساۋكەسەرى ۇيىمداستىرىلعالى وتىر.
قازاقستان جازۋشىلار وداعىنىڭ مۇشەسى، اقىن رۋسلان نۇرباي 1974 جىلى قاراعاندى وبلىسى (بۇرىنعى جەزقازعان)، اقتوعاي اۋدانى ىستىبۇلاق اۋىلىندا دۇنيەگە كەلگەن. 2003 جىلى حالىقارالىق «شابىت» فەستيۆالىندە ٴى-ورىندى يەلەنىپ، لاۋرەات اتاندى. ولەڭدەرى قاراعاندىدا جارىق كورگەن بىرنەشە جيناققا، «قالام قۇدىرەتى» ادەبي الماناعىنا، «دۇنيەگە كەلەر ٴالى تالاي قاسىم»، «سەن نەتكەن باقىتتى ەدىڭ، كەلەر ۇرپاق» توپتامالارىنا ەندى. جازۋشىلار وداعىنىڭ تاپسىرىسىمەن 2008 جىلى "جالىن" باسپاسىنان "ىستىبۇلاق" اتتى تۇڭعىش جىر جيناعى جارىققا شىقتى. 2013 جىلى "عالامنىڭ راحمان نۇرى" اتتى اقىندار ٴمۇشايراسىندا باس جۇلدە ۋمرا قاجىلىقتى ۇتىپ الدى. 1997 جىلى م.اۋەزوۆتىڭ 100 جىلدىعىنا وراي وتكىزىلگەن جازبا اقىندار ٴمۇشايراسىندا باس بايگەنى جەڭىپ الدى. رەسپۋبليكالىق جانە حالىقارالىق جىر ٴمۇشايرالارنىڭ لاۋرەاتى. بىرنەشە جىر جيناقتارىنىڭ اۆتورى.

 

نۇرسەرىك جولبارىس

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي