BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقىن كۇلاش احمەتوۆا – 70 جاستا

استانا. 25 ٴساۋىر. baq.kz – بۇگىن قازاقتىڭ اياۋلى اقىنى، قر مەملەكەتتىك سىيلىعىنىڭ يەگەرى، تاراز قالاسىنىڭ قۇرمەتتى ازاماتى كۇلاش احمەتوۆانىڭ 70 جاسقا تولعان مەرەيتويى! وسىناۋ ايتۋلى كۇندە اقىننىڭ وتباسىنا اماندىق، دەنىنە ساۋلىق، شىعارماشىلىعىنا تولايىم تابىس تىلەيمىز! 

كۇلاش احمەتوۆا 1946 جىلى 25 ساۋىردە قىرعىزستاندا تۋعان. جامبىل وبلىسىنىڭ تالاس اۋدانىنداعى ٴۇشارال ورتا مەكتەبىن بىتىرگەن.
1961 جىلى جامبىل مەديسينالىق ۋچيليششەسىن، 1973 جىلى ٴقازمۇۋدى تامامداعان.ٴۇشارال مەدپۋنكتىندە مەڭگەرۋشى، تالاس اۋداندىق «لەنين جولى»، 1973–1977 جج. رەسپۋبليكالىق «قازاقستان پيونەرى» (قازىرگى «ۇلان») گازەتتەرىندە ادەبي قىزمەتكەر، ٴبولىم مەڭگەرۋشىسى، 1977–1980 جج. «جالىن» باسپاسىنىڭ پوەزيا بولىمىندە رەداكتور بولدى.
«سەن مەنىڭ باقىتىمسىڭ» اتتى كىتابى ٴۇشىن اقىن قازاقستان جاستار وداعى سىيلىعىنىڭ لاۋرەاتى بولدى. قر مەملەكەتتىك سىيلىعىنىڭ لاۋرەاتى، «قۇرمەت» وردەنىنىڭ يەگەرى. جامبىل وبلىسىنىڭ قۇرمەتتى ازاماتى. ولەڭدەرى ورىس، ۋكراين جانە تۇركى حالىقتارىنىڭ تىلدەرىنە اۋدارىلعان، مەكتەپ وقۋلىقتارىنا ەنگەن. تاۋەلسىزدىكتىڭ ون جىلدىعىنا، استانانىڭ ون جىلدىعىنا ارنالعان رەسپۋبليكالىق جازبا اقىندار ٴمۇشايراسىنىڭ باس جۇلدەگەرى. بىرنەشە مەدالدارمەن ماراپاتتالعان.

شىعارمالارى: اق گۇلىم مەنىڭ. ولەڭدەر. ا.، «جازۋشى»، 1975; سەن مەنىڭ باقىتىمسىڭ. ولەڭدەر. ا.، «جالىن»، 1977; جاپىراق – جازدىڭ جۇرەگى. ولەڭدەر. ا.، «جازۋشى»، 1979; مەيىرىم. ولەڭدەر. ا.، «جالىن»، 1981; بۇلاقتاعى جۇلدىزدار. ولەڭدەر. ا.، «جازۋشى»، 1982; جاسىل جاعالاۋ. ولەڭدەر. ا.، «جالىن» ، 1984; لايلەكتەر قايتىپ كەلگەندە. ورىس تىلىندە. ولەڭدەر. ا.، «جازۋشى»، 1985; ارعىماقتار دالاسى. ولەڭدەر. ا.، «جالىن»، 1987; ناۋرىز نۇرى. ولەڭدەر. ا.، «جازۋشى»، 1991; كۇن شىققاندا كۇلىپ ويان. «انا ٴتىلى». 1996; وكىنىش ٴانى (ورىس تىلىندە). ماسكەۋ، 1997; باق. «اتامۇرا»، 2006; قۇت. «ٴداۋىر»، 2006; ماحاببات. «ٴداۋىر»، 2006. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي