BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ادەبيەت جانە ونەر سالاسىنداعى قر مەملەكەتتىك سىيلىعىنا ۇمىتكەرلەردىڭ ٴتىزىمى جاريالاندى

 استانا. 20 ماۋسىم. baq.kz - ادەبيەت پەن ونەر سالاسىنداعى قازاقستان رەسپۋبليكاسىنىڭ 2014 جىلعى مەملەكەتتىك سىيلىعىن بەرۋ جونىندەگى كوميسسيا اتالعان سىيلىقتى الۋ ٴۇشىن الدىن الا ىرىكتەۋدەن وتكەن جانە كونكۋرستىڭ كەلەسى كەزەڭىنە جىبەرىلگەن شىعار­مالاردىڭ ٴتىزىمىن ۇسىنادى:

 ادەبيەت سەكسياسى بويىنشا

جايلىباي عالىم - اقىن. «توبىلعىجارعان» ولەڭدەر، تولعاۋ جانە پوەمالار. قازاقستان جازۋشىلار وداعى ۇسىنعان.

مۇحانبەتقالي ۇلى قاجىعالي - جازۋشى. «تار كەزەڭ» تاريحي رومانى. قازاقستان جازۋشىلار وداعى ۇسىنعان.

ورالبايەۆ وتەگەن ورالباي ۇلى - اقىن. «قاعبانىڭ قارلىعاشتارى» جىر جيناعى. استانا قالاسىنىڭ اكىمدىگى ۇسىنعان.

سالىقبايەۆا گۇلنار - اقىن. «كەشىرىڭدەر كەلگەنىمدى ومىرگە» ولەڭدەر جيناعى. «پرەزيدەنت جانە حالىق» رەسپۋب­ليكالىق قوعامدىق-ساياسي گازەتى ۇسىنعان.

 

 

 

مۋزىكا، تەاتر جانە كينو سەكسياسى بويىنشا

دۇيسەكەەۆ كەڭەس - كومپوزيتور. 2009-2013 جىلدارى جازىلعان شىعارمالارى (12 ٴان). قازاق ۇلتتىق ونەر ۋنيۆەرسيتەتى ۇسىنعان.

كەسوگلۋ پانتەلەي (لاكي) كونستانتينوۆيچ - ٴانشى. «پەسنيا دۋشا مويا» اتتى جەكە كونسەرتى. ت.جۇرگەنوۆ اتىنداعى قازاق ۇلتتىق ونەر اكادەمياسى ۇسىنعان.

قىدىربەك بالنۇر بالعا­بەك­قىزى - كومپوزيتور. «رەكۆيەم» ۆوكالدى-سيمفونيالىق شىعارما. «قازاقستان كومپوزيتورلار قاۋىم­داستىعى» قوعامدىق بىرلەستىگى ۇسىنعان.

تەمەنوۆ تالعات دوسىمعالي ۇلى - رە­جيسسەر. م.اۋەزوۆ «اي-قارا­گوز...» سپەكتاكلى (قويۋشى-رەجيسسەر). ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىنىڭ ۇجىمى ۇسىنعان.

 

 


بەينەلەۋ ونەرى جانە ساۋلەت سەكسياسى بويىنشا

دوسماعامبەتوۆ داۋرەن تولە­گەن ۇلى - ساۋلەتشى. قاراعاندى قالا­سىنداعى ق.ساتبايەۆقا ەسكەرتكىش. قاراعاندى وبلىسىنىڭ مادەنيەت، مۇراعاتتار جانە قۇجاتتاما باسقارماسى، قاراعاندى سۋرەتشىلەر وداعى، حالىقارالىق ق.ي. ساتبايەۆ قورى ۇسىنعان.

اۆتورلىق ۇجىم: ەسىم احمەت­جان سماعۇل ۇلى، ٴابىلدا تولەگەن سىزدىق ۇلى، رۇستەمبەكوۆ اقمىرزا يسا ۇلى، ەشكەنوۆ عازيز اقزام ۇلى، كۇلبايەۆ مۇراتبەك - الماتى قالاسىنىڭ مەتروپوليتەنى. قازاقستان رەسپۋبليكاسىنىڭ ساۋلەتشىلەر وداعى ۇسىنعان.

اۆتورلىق ۇجىم: مىرزاحمەتوۆ اسقار يسابەك ۇلى، اشىربايەۆ باقىتجان قۇدايبەرگەن ۇلى، رۋس­­­تاموۆ ناسير اچيلوۆيچ، شۇمەنوۆ ٴامىرحان بەكجان ۇلى، بوكەبايەۆ نۇرلىجان ماراتبەك ۇلى - قازاقستان تاۋەلسىزدىگىنىڭ 20 جىلدىعىنا ارنالعان تاريحي-مونۋمەنتالدىق ساياباق كەشەنى. قازاقستان رەسپۋبليكاسىنىڭ ساۋلەتشىلەر وداعى ۇسىنعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي