BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ادەبيەت پورتالىنىڭ» تۇساۋى كەسىلدى

 استانا. 25 جەلتوقسان. baq.kz – قازاق ينتەرنەت-رەسۋرسى تاعى ٴبىر سايتپەن تولىقتى. بۇگىن قازاقستان رەسپۋبليكاسىنىڭ پرەزيدەنتى جانىنداعى ورتالىق كوممۋنيكاسيالار قىزمەتى بازاسىندا «ادەبيەت پورتالىنىڭ» تۇساۋكەسەر ٴراسىمى بولىپ ٴوتتى.

 قر مادەنيەت جانە اقپارات مينيسترلىگى جانە قر پرەزيدەنتى جانىنداعى ورتالىق كوممۋنيكاسيالار قىزمەتىنىڭ قولداۋىمەن «قازكونتەنت» اكسيونەرلىك قوعام تاراپىنان ازىرلەنگەن «ادەبيەت پورتالىنىڭ» جۇمىسىمەن «قازكونتەنت» اق باسقارما ٴتوراعاسىنىڭ ورىنباسارى نارتاي ٴاشiم تانىستىردى.

«بۇل پورتال ينتەرنەت جەلىسىندەگى ٴوز باعىتى ايقىن بۇل بىرەگەي جاڭا جوبا بولماق. قازاق ەلىنىڭ مادەني، تاريحي جانە ادەبي مۇراسىنا قىزىعۋشىلىق تانىتاتىن الەمنىڭ تۇپكىر-تۇكپىرىندەگى ينتەرنەتتى بەلسەندى پايدالاناتىن وقىرمان قاۋىمنىڭ باسىن بىرىكتىرەدى. ۆەب-پورتالدىڭ نەگىزگى ماقساتى – جاس اقىن-جازۋشىلارعا اقپاراتتىق قولداۋ كورسەتىپ، قازاق ادەبيەتىن ينتەرنەت الەمىندە جۇيەلى تۇردە ناسيحاتتاۋ. بۇگىندە پورتالدا 1411-دەن اسا كىتاپ، 1184 اۆتوردىڭ جەكە پاراقشاسى جانە «جاس اۆتورلار مىنبەرى» ايدارىندا رەسپۋبليكاعا تانىلا باستاعان 27 اۆتور ورنالاسقان»،-دەدى نارتاي ٴاشiم. 

وندا ٴسوز العان قر پارلامەنت سەناتىنىڭ دەپۋتاتى، قر جازۋشىلار وداعىنىڭ ٴتوراعاسى نۇرلان ورازان «ادەبيەت پورتالىنىڭ» اشىلۋى زامان تالابى ەكەنىن، زاماناۋي تەحنولوگيانىڭ كومەگىمەن قازاق ادەبيەتىنىڭ جاڭا تىنىسى اشىلىپ وتىرعانىن اتاپ ٴوتتى.

«بۇگىندە قازاقستانداعى جازۋشىلاردىڭ كىتاپتارى نەبارى 2000 مىڭ دانامەن جارىققا شىعادى. ول كىتاپتار ەلىمىزدەگى 40-قا جۋىق كىتاپحاناعا عانا تاراتىلادى ەكەن. سوندىقتان ينتەرنەت كەڭىستىگىندە «ادەبيەت پورتالىنىڭ» اشىلۋى قازاق ادەبيەتىنىڭ جاڭا ٴداۋىرىن باستايدى دەپ ويلايمىن»،-دەدى نۇرلان ورازالين.

ال قر مادەنيەت جانە اقپارات مينيسترلىگى اقپارات جانە مۇراعات كوميتەتىنىڭ ٴتوراعاسى بولات كاليانبەكوۆ بۇگىندە قازاقستاندا ينتەرنەت تۇتىنۋشىلاردىڭ سانى 11 ميلليونعا جۋىقتاعانىن جانە بۇل كورستەكىش كۇن ساناپ ٴوسىپ ارتىپ وتىرعانىن ايتا كەلە، «ادەبيەت پورتالى» ادەبيەت سۇيەر قاۋىمعا ۇلكەن تارتۋ ەكەنىن، قازىرگى تاڭدا قازاق، ورىس، اعىلشىن، جانە تۇرىك تىلىندەگى پورتال الداعى ۋاقىتتا توتە جانە لاتىن قارىپتەرىندە حابار تاراتاتىنىن ايتتى.

پورتالداعى كىتاپتار ونلايىن تۇردە pdf جانە epub ارنايى وقۋ جۇيەسى فورماتىنا جاريالانادى.
«ادەبيەت پورتالى» – تەك ونلاين كىتاپحانا رەتىندە عانا ەمەس، كاسىبي اقىن-جازۋشىلار مەن جاس اۆتورلار ٴۇشىن دە بىرەگەي كوممۋنيكاسيالىق ادەبي الاڭ بولىپ تابىلادى. پورتالدا «اۋدارما»، «مازمۇن»، «حات»، «يلليۋستراسيا» جانە «پوەزيا الەمى» جوبالارى شەڭبەرىندە بەلسەندى تۇردە الەمدىك شىعارمالاردى قازاق تىلىنە اۋدارۋ جانە قازاق ادەبيەتىن باسقا تىلدەرگە اۋدارۋ، ادەبيەت تۇلعالارىنىڭ قۇندى حاتتارىمەن تانىسۋ، ادەبي شىعارمانىڭ قىسقاشا مازمۇنىن جازۋ، سونىمەن قاتار، سۇيىكتى ولەڭدى مانەرلەپ وقۋ مەن ادەبيەتتە يلليۋستراسيانى – جاڭاشا ٴبىر قىرىنان قاراۋعا قول جەتكىزەدى.
«ادەبەيەت پورتالىندا» بالالار مەن جاسوسپىرىمدەردى دە ەرەكشە نازاردا. ولارعا ارنالعان اۋديوكىتاپتار مەن تانىمدىق ەنسيكلوپەديالار، ەرتەگىلەر مەن اڭىزدار توپتاستىرىلعان «بالالار ادەبيەتى» تاراۋىن دايىندادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي