BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ادەبيەت پورتالىندا» جازبا اقىندار اراسىندا رەسپۋبليكالىق ٴونلاين-مۇشايرا وتەدى

استانا. 18 اقپان. baq.kz – «قازكونتەنت» اق «ادەبيەت پورتالى» ينتەرنەت جوباسىندا ونلاين تۇردە اقمولا وبلىسىنىڭ ٴبىلىم باسقارماسى جانىنداعى «كوكشەتاۋ قالاسى، (قازاق تىلىندە وقىتىلاتىن) ج.مۋسين اتىنداعى پەداگوگيكالىق كوللەدجىنىڭ ۇيىمداستىرۋىمەن «قازاق حاندىعى - 550: ماڭگىلىك ەل - تاعدىرىم» اتتى جازبا اقىنداردىڭ رەسپۋبليكالىق ٴونلاين-مۇشايراسى وتكىزىلەدى.

ٴونلاين-مۇشايرانىڭ نەگىزگى ماقساتى – قازاق حاندىعىنىڭ 550 جىلدىعىن مەرەكەلەۋدىڭ ٴمانى مەن بۇگىنگى تاڭداعى تاريحي ماڭىزىن اشۋ. قازاق حالقىنىڭ ٴاردايىم تاتۋلىق پەن ىنتىماقتى ۇلگى ەتكەن دارحان مىنەزىن، اۋىزبىرشىلىك پەن ادالدىقتى، ەڭبەكقۇمارلىق پەن اقىل-ويدى قاسيەتتەگەن ىزگىلىكتى ٴسالت-داستۇرىن جىر تىلىمەن كەستەلەۋ.
رەسپۋبليكالىق اقىندار بايقاۋىنا قازاق حاندىعىنىڭ 550 جىلدىعى مەن «ماڭگىلىك ەل» يدەياسى تاقىرىبىندا جازىلعان بۇرىن باسپا بەتىندە جاريالانباعان 1 ولەڭ، ەركىن تاقىرىپتا جازىلعان 1 ولەڭ قابىلدانادى.
ٴمۇشايراعا قاتىسۋ ٴۇشىن الدىمەن ٴاربىر ۇمىتكەر «ادەبيەت پورتالىنا» تىركەلۋى قاجەت. ۇسىنعان ولەڭدەرى «ادەبيەت پورتالىندا» ونلاين تۇرىندە جاريالانادى جانە بايقاۋعا قاتىساتىن ولەڭدەردىڭ كوركەمدىگىنە، پورتال وقىرماندارىنىڭ داۋىس بەرۋىنە، پىكىر جازىپ تالقىلانۋىنا، الەۋمەتتىك جەلىلەردە كوپ تارالۋىنا قاراپ باعالانادى.
جەڭىمپازدار ارنايى ديپلومدار مەن قارجىلاي سىياقىلارمەن ماراپاتتالادى.

جۇلدە قورى:
• باس جۇلدە – 200 000 تگ.
• ٴى ورىن – 150 000 تگ.
• ٴىى ورىن (ەكەۋ) – 80 000تگ.
• ٴىىى ورىن (ۇشەۋ) – 40 000تگ.


قۇجاتتار 2015 جىلدىڭ تامىز ايىنىڭ 15-نە دەيىن تومەندە كورسەتىلگەن مەكەن-جاي بويىنشا قابىلدانادى:

قازاقستان رەسپۋبليكاسى، استانا ق.، ورىنبور كوشەسى، 8 «مينيسترلىكتەر ٴۇيى»، 3 كىرەبەرىس.
تەل/فاكس: +7 (7172) 79 82 12 (ىشكى 150); 8 778 999 85 89
ەل. پوشتا: adebiportal@gmail.com


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي