BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ادەبيەت پەن ونەر سالاسىندا مەملەكەتتىك سىيلىق بەرۋ جونىندەگى كوميسسيا وتىرىسى ٴوتتى

استانا. 6 ماۋسىم. baq.kz – قر مەملەكەتتىك حاتشىسى ادىلبەك جاقسىبەكوۆتىڭ توراعالىعىمەن ادەبيەت پەن ونەر سالاسىنداعى قازاقستان رەسپۋبليكاسىنىڭ مەملەكەتتىك سىيلىعىن بەرۋ جونىندەگى كوميسسيانىڭ وتىرىسى ٴوتتى، دەپ حابارلايدى اقوردانىڭ ٴباسپاسوز قىزمەتى.

كوميسسيا ٴماجىلىسىن اشقان مەملەكەتتىك حاتشى ەلدىڭ مادەني يگىلىكتەرىن ارتتىرۋعا ايتارلىقتاي ۇلەس قوسقان، مەملەكەتتىك قولداۋعا جانە اۆتورلاردى ىنتالاندىرۋعا باعىتتالعان جۇمىستىڭ ٴمان-ماڭىزىن جانە وسىعان بايلانىستى كوميسسيا مۇشەلەرىنىڭ ايرىقشا جاۋاپكەرشىلىگىن اتاپ ٴوتتى.
وتىرىستا كوميسسيا مۇشەلەرىنە 2014 جىلعى ادەبيەت پەن ونەر سالاسىنداعى مەملەكەتتىك سىيلىقتى الۋ ٴۇشىن ۇسىنىلعان شىعارمالار، ولاردى تىركەۋ جانە ٴتيىستى تالاپتارعا سايكەستىگىن تەكسەرۋ جۇمىستارىنىڭ قورىتىندىلارى جونىندە حابارلاما جاسالدى.
كەلىپ تۇسكەن جۇمىستاردى قاراۋ 3 سەكسيادا: ادەبيەت، مۋزىكا، تەاتر جانە كينو، بەينەلەۋ ونەرى جانە ساۋلەت سەكسيالارىندا جالعاستى. سەكسيالار جۇمىسى جاسىرىن داۋىس بەرۋ ارقىلى اياقتالدى. ونىڭ بارىسىندا كەلەسى كەزەڭگە ۇسىنىلعان شىعارمالار ىرىكتەلدى. ۇمىتكەرلەر ٴتىزىمى كوميسسيا شەشىمىمەن بەكىتىلدى.
ەرەجەگە سايكەس قوعامدا كەڭىنەن تالقىلاۋ ٴۇشىن اۆتورلار مەن شىعارمالار تۋرالى اقپارات «ەگەمەن قازاقستان» جانە «كازاحستانسكايا پراۆدا» گازەتتەرىندە جاريالانادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي