BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«اباي جانە قازاق بولاشاعى» اتتى ەڭبەك جارىققا شىقتى

 استانا. 31 ناۋرىز. baq.kz - بەلگىلى عالىم، قوعام قايراتكەرى، اكادەميك، قر مەملەكەتتىك سىيلىعىنىڭ يەگەرى ورازالى سابدەننىڭ «اباي جانە قازاق بولاشاعى» اتتى كىتابى جارىق كوردى.

  اباي قۇنانباي ۇلىنىڭ شىعارمالارى مەن قارا سوزدەرى قازاق حالقىن، جالپى ادامزات بالاسىن ەكى عاسىردان بەرى رۋحاني قۇندىلىقتارعا جەتەلەۋدە. اباي - وي مەن ٴسوز بوستاندىعىنىڭ سيمۆولىنا اينالدى. قازاقتىڭ يدەالى – اباي. كىتاپتا ونىڭ قارا سوزدەرىندە كوتەرىلگەن ماسەلەلەردى xxi عاسىردا ىسكە اسىرۋ تەتىكتەرى ايقىندالعان. سونداي-اق، قازاق ەلىنە، جالپى وركەنيەتكە ەلەۋلى ۇلەس قوسقان ٴال-فارابي، مۇحاممەد حايدار دۋلاتي، ابىلاي حان، دىنمۇحامەد قونايەۆ سياقتى 30-عا جۋىق تاريحي ۇلى تۇلعالار تۋرالى قىسقاشا مəلىمەت بەرىلەدى.
ەگەر دəل ٴقازىر ابايدىڭ كوزى ٴتىرى بولسا، الىس - جاقىن اينالادا جəنە وزىمىزدە بولىپ جاتقان قۇبىلىستارعا، ادامزاتتىڭ جانايقايىنا نە ايتار ەدى؟
ٴسىزدى قىزىقتىراتىن،تولعاندىراتىن سۇراقتاردىڭ جاۋابىن مۇمكىن وسى كىتاپتان تابارسىز؟
- ٴبىز كىم ەدىك، ٴقازىر كىمبىز، قايدا بارا جاتىرمىز، الدا نە كۇتىپ تۇر؟
- قانداي بايلىعىمىز، پوتەنسيالىمىز بار، ونى قالاي پايدالانىپ جاتىرمىز؟
- رۋحاني قۇندىلىعىمىز قاي دەڭگەيدە، قالاي جاڭعىرتامىز؟
- تابيعات پەن ادام گارمونياسى
- جاڭا تەحنولوگياسىز باسەكەلەستىككە تۇسە الامىز با؟
- اۋىلدىڭ حال - احۋالى ، ونى قالاي كوتەرەمىز؟
- ٴبىلىم مەن عىلىمنىڭ دەڭگەيى قانداي، قالاي سەرپىلىس بەرەمىز؟
- ٴار ادامعا، وتباسىنا كەرەگى نە؟
- جاستار بولاشاعى
- مەملەكەتتى ٴتيىمدى باسقارۋ
- ادامزاتتىڭ xxi ع. ٴومىر ٴسۇرۋ جولى...
ٴبىز ابايعا قايتا بەت بۇرىپ، ونىڭ تۋىندىلارىنان اقيقات پەن شىندىقتى، ونىڭ تولىق ادامىنان ار-ۇيات، نامىس پەن مەيىرىمدىلىكتى الىپ، ٴوزىمىزدى وزگەرتۋگە، رۋحاني جان دۇنيەمىزدى تۇزەتۋگە بەت الساق ەكەن دەيدى اۆتور.
ٴار قارا ٴسوزدىڭ مازمۇنى ەكى بولىكتەن تۇرادى. ٴبىرىنشىسى - مəسەلەنىڭ قازىرگى جاعدايى قالاي، ەكىنشىسى - نە ىستەۋ كەرەك دەگەن سۇراققا جاۋاپ ىزدەپ، ۇسىنىستار بەرۋ. سونىڭ ارقاسىندا قازاقستاندى، ياعني قازاق ەلىن جاڭا وركەنيەتكە، ىزگىلەندىرۋ قوعامىنا كوتەرۋ- اۆتوردىڭ نەگىزگى ماقساتى. ٴسوز سوڭىندا ادامزاتتىڭ xxi عاسىردا ٴومىر ٴسۇرۋ جولدارى ۇسىنىلعان. اتاپ ايتقاندا: رۋحاني-مادەني، عىلىمي-تەحنولوگيالىق رەۆوليۋسيا، ەكولوگيا، عارىشتى يگەرۋ، قاۋىپسىزدىك، ەكونوميكا تۋرالى العا جەتەلەيتىن بازالىق قۇندىلىقتاردىڭ تەتىكتەرى قاراستىرىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي