BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اباي مەن شاكارىم شىعارمالارى لوندوندا جارىق كوردى

استانا. 27 ٴساۋىر. baq.kz - 1 مامىر كۇنى اباي اتىنداعى وپەرا جانە بالەت تەاترىندا مارات بيسەنعاليەۆ جەتەكشىلىك ەتەتىن الماتى سيمفونيالىق وركەسترىنىڭ كونسەرتى وتەدى. الماتى سيمفونيالىق وركەسترى بيىل قالا اكىمى احمەتجان ەسىموۆتىڭ قولداۋىمەن قۇرىلعان بولاتىن. 

قازاقستاننىڭ ەڭبەك سىڭىرگەن قايراتكەرى مارات بيسەنعاليەۆتىڭ ۇلكەن ۇجىمدى باسقارۋى ٴبىرىنشى رەت ەمەس. ول وسىعان دەيىن الماتىدا «التىن الما» كامەرالىق ور­كەسترىن، باتىس قازاقستان فيلارمونيالىق وركەسترىن، ٴۇندىستان سيمفونيالىق وركەسترىن اياعىنان تۇرعىزىپ، ەۋروپالىق دەڭگەيدە تانىمال ەتكەن. ەندى قىسقا ۋاقىت ىشىندە قازاقستاندىق جانە شەتەلدىك مۋزىكانتتاردان جاساقتالعان جاڭا ۇجىمدى الەمگە ايگىلى ەتۋگە بەل بايلاپ وتىر.
سونىمەن، كەش باعدارلاماسى ەكى بولىمنەن تۇرادى. مارات بيسەنعاليەۆ سوليست رەتىندە ونەر كورسەتسە، بەلگىلى فرانسۋز مۋزىكانتى نيكولاس كراۋزە وركەسترگە ديريجەرلىك ەتەدى. قادىرمەندى قوناق قازىرگى ساتتە پاريجدەگى «nouvelle europe» كامەرالىق وركەسترىنىڭ كوركەمدىك جەتەكشىسى ٴارى باس ديريجەرى بولىپ قىزمەت جاسايدى. وسىعان دەيىن اۆستريا، يتاليا، ۆەنگريا، چەحيا، رەسەي، پولشا جانە دە باسقا ەۋروپا مەملەكەتتەرىندە تاجىريبە جيناقتاعان.
– بۇل كونسەرت ۇلكەن جولعا شىعار الدىنداعى حالىقتىڭ اق باتاسىن الۋ دەسەك تە بولادى. ونىڭ ۇستىنە، كورەرمەننەن سۇرايتىن ٴسۇيىنشىمىز دە بار. «deutsche grammophon» دىبىس جازۋ ستۋدياسىندا الماتى سيمفونيالىق وركەسترىنىڭ ورىنداۋىندا «اباي»، «شاكارىم» شىعارمالارىنىڭ سد ديسكىسىن شىعاردىق. مەنىڭ ٴوتىنىشىم بويىنشا، وركەسترگە، حورعا، ۇلتتىق اسپاپتارعا لايىقتاپ جاساعان بريتاندىق كومپوزيتور كارل دجەنكينس. ٴۇنتاسپا ٴساۋىر ايىنىڭ باسىندا جارىق كوردى. بۇل ٴبىزدىڭ مادەنيەتىمىز ٴۇشىن ۇلكەن جەتىستىك سانالادى. ويتكەنى اتالمىش ستۋديالار الەمدىك دەڭگەيدەگى وركەسترلەرمەن كەلىسىمشارتقا قول قويادى. سوندىقتان ٴبىزدىڭ ۇجىم الماتىنىڭ داڭقىن شىعارۋعا ۇلكەن ۇلەس قوسىپ وتىر دەپ ايتۋعا بولادى. تاعى ٴبىر قۋانارلىعى، «deutsche grammophon» ستۋدياسىنان شىققان تاسپالار دۇنيە­ٴجۇزىنىڭ تۇكپىر-تۇكپىرىنە تارايدى. اباي مەن شاكارىم تۋىندىلارىنىڭ قانات جايۋىنا قول ۇشىن سوزعان – شىڭعىستاۋ­دان شىققان مەسەنات، كاسىپكەر مەدعات قۇلجانوۆ. ٴقازىر لوندون قالاسىندا تۇرادى. ۇلى ويشىل شاكارىمنىڭ تىكەلەي ۇرپاقتارىنىڭ ٴبىرى. بۇيىرتسا، جاڭا البومدى ۇلىبريتانيا، تۇركيا، اقش، قىتاي، رەسەي جانە باسقا ەلدەردە تانىس­تىرىپ، تۇساۋكەسەر ٴراسىمىن وتكىزۋدى جوسپارلاپ وتىرمىز، – دەيدى قازاقستاننىڭ ەڭبەك سىڭىرگەن قايراتكەرى، سكريپكاشى مارات بيسەنعاليەۆ.

 

 

قانشايىم بايداۋلەت
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي