BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ا.ورىبايەۆ: قارا جەرگە تاپسىرسام دا دوسىمدى، دوستىعىمدى كومگەم جوق!

  استانا. 6 قاڭتار. baq.kz – جاس اقىن ايان ورىبايەۆ 1990 جىلى 21 قازاندا شقو، زايسان قالاسىندا دۇنيەگە كەلگەن. وسكەمەن قالاسىنىڭ س. امانجولوۆ اتىنداعى شقمۋ-ڭ فيلولوگيا فاكۋلتەتىنىڭ تۇلەگى. استانا قالاسىنداعى «الەم ادەبيەتى» جۋرنالىندا قىزمەت اتقارعان. قازىرگى ۋاقىتتا شقو اقپاراتتىق ورتالىعىنىڭ ٴتىلشىسى.

ادەمى

ادەمى كوڭىلىم نە كۇتتى؟
كۇمانىم «مەنىمدى» سەندىرىپ.
ادەمى شاقتارىم ٴوتىپتى،
ادەمى ەمەسپىن دەپ ٴجۇرىپ.

ادەمى رياسىز ٴسانىمدى،
ٴومىرىم تەك كەشە كۇلدىرمەي.
ادەمى بالالىق شاعىمدى،
ادەمى ۇرلادى بىلدىرمەي.

ماحاببات ادەمى سەزىم ەڭ،
ول-داعى وتىنا جاندىرىپ.
ادەمى ارۋدىڭ وزىمەن،
ادەمى قيالدار قالدى ۇمىت.

ادەمى-اۋ ٴانى ەدى بىلەتىن،
تويلاردا ٴانشى ەدى ماقتاۋلى.
ادەمى ٴان سالىپ جۇرەتىن،
ادەمى اكەم دە اتتاندى.

ادەمى كىشكەنتاي وتاۋدا،
ادەمى قوس ۇلى – الەگى.
ادەمى انام بار، و ٴتاۋبا،
ادەمى! ادەمى! ادەمى.

ادەمى مەن ٴۇشىن ار جولى،
نۇرلى يمان جانىمدى ەلىكتىر.
اللانىڭ ادەمى اق جولى،
جۇرەككە سابىردى سەرىك قىل.

ادەمى ادامي بەدەلى،
شاۋ تارتسام شاشىمنىڭ ٴتۇسى اپپاق.
ادەمى قارتايعىم كەلەدى،
ادەمى جارىمدى قۇشاقتاپ.

 

 

جيىرما جاس – جيىرما ولەڭ

(دوسىم مارقۇم اقىن ەراجات مۇحامەتقان ۇلىنىڭ رۋحىنا)

زىرلاتىپ ماشينانىڭ دوڭگەلەگىن،
ساعىنىپ تۋعان ەلگە مەن كەلەمىن!

ە. مۇحامەتقان ۇلى


ازا نەگە ارىلمايدى وسى ەلدەن؟..
اڭىرايدى اڭىزاق جەل كوشەمنەن.
اقىنىنان ەل قارالى كوز جازعان،
جاقىنىمنان مەن جارالى دوسى ولگەن.

جانىن ۇعىپ
جاقىن تىككەن قوسىمدى
ٴجيى ەسكە الام سول ورالمان دوسىمدى.
(قارا قىتاي قاپتاعان جوق ٴبىز جاقتا
قارا قازاق تۇزەمەسە كوشىڭدى).

تولاعايداي تولعانىسى ٴزىلماۋىر.
قۇيىنداعان ق ۇلىن جىرعا تىندى اۋىل.
قازىنالى قاريانىڭ سوزىمەن،
قارا ولەڭگە كوشىپ كەلگەن ٴبىر ٴداۋىر.

سەرىلىگى سەتەر ەدى ٴدۇلدۇلىم.
ساعىندىم عوي، بۇلب ۇلىن-اي بۇلب ۇلىن.
جۇرەگىمدى جۇلمالاعان ٴان قالدى،
«مىڭ كۇنىمە تەڭ ەكەن-اۋ ٴبىر كۇنىم».

تۋعان جەرگە قايتا كەلىپ ٴبۇر جارعان.
جاس ٴورىمدى جالماپ كەتتى سۇم جالعان.
دومبىراڭنىڭ قوڭىر ٴۇنىن ساعىندىم،
بابا شەرىن بالبىراتقان ٴتىلمارجان.

كوككە ۇمتىلعان تارلان جىردىڭ تاۋلىعى،
مولدىرەگەن پاك سەزىمنىڭ زارلىعى.
ساڭقىلدايدى ساحناسىندا ويىمنىڭ،
«جيىرما جاس – جيىرما ولەڭ» تاعدىرى.

وي تۇبىندە قاپ قويسا دا شەرمەن بوپ،
مەن سەنەمىن جۇلدىزى ونىڭ سونگەن جوق.
قارا جەرگە تاپسىرسام دا دوسىمدى،
دوستىعىمدى كومگەم جوق!

جيىرما جاس ولشەمى عوي عۇمىردىڭ،
جيىرما ولەڭ ول ماڭگىلىك – ۇعىندىم.
ادال وتسەم قارسى الارسىڭ الدىمنان،
ال، ازىرگە دۇعامداسىڭ تۇعىرلىم. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي