BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«100 جاڭا ەسىم» جەڭىمپازى قۋانىش جۇمابەكتىڭ قازاق جانە اعىلشىن تىلدەرىندە ەكى كىتابى جارىق كوردى ەكسكليۋزيۆ

عالىم، پوليگلوت، اۋدارماشى، دوكتورانت، ەلباسىنىڭ «100 جاڭا ەسىم» جوباسىنىڭ جەڭىمپازى قۋانىش جۇمابەك baq.kz تىلشىسىمەن جاڭالىعىمەن ٴبولىستى. جۋىردا ونىڭ قازاق جانە اعىلشىن تىلدەرىندە ەكى كىتابى جارىق كورگەن ەكەن.

«ۇلكەن ٴبىر جاڭالىق، 3-4 كۇن بۇرىن سەمەيلىك كəسىپكەر ايدار عالي-ارىستان ۇلى دەمەۋشىلىك جاساپ، اتالمىش قالاداعى «zhardem» باسپاسىنان عالىم، پوليگلوت، اۋدارماشى، دوكتورانت سامال جۇمابەك، ياعني، əيەلىم ەكەۋىمىزدىڭ بىرىگىپ جازعان ٴبىر ەمەس، ەكى كىتابىمىزدى شىعارىپ بەردى. تولىعىراق ايتسام، پ.ع.د.، پروفەسسور جارقىن سۇلەيمەنوۆانىڭ العى سوزىمەن «تاپقىر بالا» اتتى قازاق جəنە اعىلشىن تىلدەرىندەگى ەرتەگىلەر جيناعى مەن «قازاقشا-اعىلشىنشا سوزدىك» جارىق كوردى. بۇل كىتاپتارىمىز مىڭ-مىڭ دانامەن شىعارىلدى»، - دەپ ٴبولىستى قۋانىش جۇمابەك.

سونداي-اق، عالىم جاقىندا «اعىلشىنشا سويلەپ ۇيرەنەيىك» اتتى وقۋلىعىنىڭ جاڭا مۇقابامەن قايتا جارىق كورەتىنىن ايتتى. بۇدان بولەك، قۋانىش جۇمابەك «اباي جولى» رومان-ەپوپەياسىن اعىلشىن تىلىنە اۋدارىپ شىعۋدى ارماندايتىنىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي