BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودارلىق دارىگەرلەرگە «7-20-25» باعدارلاماسىنا قاتىسۋعا قولداۋ كورسەتىلەدى

فوتو: Автор

پاۆلودار. baq.kz ٴتىلشىسى. ەرتىس ٴوڭىرىنىڭ جاس دارىگەرلەرىنە «7-20-25» باعدارلاماسىنا قاتىسۋعا قولداۋ كورسەتىلمەك. جەرگىلىكتى بيلىك ماماندارعا العاشقى جارنانى تولتىرۋ ٴۇشىن قايتارىمسىز قارجىلاي كومەك ۇسىندى.

بۇگىندە بۇل باستاما وبلىستىق دەنساۋلىق ساقتاۋ باسقارماسى مەن ەمدەۋ مەكەمەلەرى تاراپىنان قولداۋ تاپتى. قامقورلىقتى سەزىنگەندەردىڭ قاتارىندا جۇرەك دارىگەرى ٴاسيما جانتەمىروۆا بار. سەمەيلىك ازاماتشا وتباسى قۇرعان سوڭ پاۆلودار وڭىرىنە كوشىپ كەلگەن. ەكى قولعا ٴبىر كۇرك تابىلسا دا، تۇرعىن ٴۇي ماسەلەسى شەشىلمەگەن. جاس وتباسى بۇگىنگى كۇنگە دەيىن پاتەر جالداپ تۇردى.

«الدىمەن اتا-ەنەممەن بىرگە تۇردىق. كەيىن جەكە پاتەر جالدادىق. سەمەي مەديسينالىق اكادەمياسىندا تەراپەۆ ماماندىعى بويىنشا ٴبىلىم الىپ، رەزيدەنت اتانعان سوڭ كارديولوگ ماماندىعىن يگەردىم. شىنى كەرەك، پاتەردەن پاتەرگە كوشۋدەن شارشادىق، بۇل جۇيكە جۇيەسىنە ۇلكەن اۋىرتپالىق. وعان قوسى قىزىمنىڭ بالاباشقاسىنا ۋىستىرىپ وتىرۋعا ٴماجبۇر بولدىق. ەندى بۇل قيىندىقتاردىڭ ٴبارى ارتتا قالادى دەگەن سەنىمدەمىن»، - دەيدى ٴاسيما جانتەمىروۆا.

باعدارلامانى جۇزەگە اسىرۋ بارىسىندا جاستاردىڭ قولىندا العاشقى جارنا بولماي شىقتى. سوندىقتان، جەرگىلىكتى بيلىك كومەك كورسەتۋگە كىرىستى. اكىمدىكتىڭ مۇرىندىق بولۋىمەن ساتىپ الىناتىن پاتەردىڭ 10%-دىق قۇنى بولىنەتىن بولدى، ال جارنانىڭ ەكىنشى بولىگى ماماندارعا وزدەرى ەڭبەك ەتەتىن مەديسينالىق ۇيمى تاراپىنان بەرىلەدى. باستى تالاپ – بەس جىل ەڭبەك ەتىپ، پايىزسىز قايتارىپ بەرۋ.

بۇگىنگى كۇنى مەملەكەتتىك تۇرعىن ٴۇي باعدارلاماسىنا قاتىسۋعا 20-دان استام دارىگەردەن ٴوتىنىش تۇسكەن. وبلىستىق دەنساۋلىق ساقتاۋ باسقارماسى ماماندارىنىڭ مالىمەتىنشە، قازىرگى ۋاقىتتا 7 دارىگەردى ٴڭوتىنىشى ماقۇلداندى. جاس ماماندارعا قۇجات راسىمدەۋ بارىسىندا تەگىن كومەك كورسەتىلدى.

ەسكە سالساق، پاۆلودار وبلىسىندا «7-20-25» مەملەكەتتىك باعدارلاماسىن جۇزەگە اسىرۋعا 305 پاتەر قاراستىرىلعان. وبلىس ورتالىعىندا – 95 پاتەر، ەكىباستۇز قالاسىندا 213 پاتەر بار.

بۇگىندە مەملەكەتتىك تۇرعىن ٴۇي باعدارلاماسى بويىنشا سەگىز ەكىنشى دەڭگەيلى بانك نەسيە بەرە الادى. بۇعان دەيىن 143 ملن. تەڭگە بولاتىن 123 ٴوتىنىش تۇسكەن. ولاردىڭ جەتەۋى ماقۇلدانىپ، تۇرعىندار پاتەرلى بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي