BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كۇنىنە 30 قازاقستاندىق «7-20-25» باعدارلاماسى بويىنشا كرەديت الادى

فوتو: Túrkistan

استانا، baq.kz. 2018 جىلى 7-20-25 بويىنشا بانكتەر ورتاشا العاندا ٴبىر جۇمىس كۇنىندە 30 نەسيەنى ماقۇلداعان دەپ حابارلايدى «باسپانا» يپوتەكالىق ۇيىمى. اقشالاي شاققاندا، ادامدارعا كۇنىنە 369 ملن تەڭگە بەرىلگەن. بۇل تۋرالى «باسپانا» يپوتەكالىق ۇيىمى حابارلايدى.

2018 جىلدىڭ ناتيجەسى بويىنشا 7-20-25 ارقىلى ماقۇلدانعان نەسيە سوماسى 45 ملرد تەڭگەگە جەتەدى دەپ كۇتىلۋدە (قازىرگى كولەم 44،2 ملرد تەڭگە). جەلتوقسان ايىندا باعدارلاماعا سبەربانك قوسىلدى. وسىلايشا، جىل سوڭىندا 7-20-25 اياسىندا جۇمىس ىستەيتىن بانكتەر سانى سەگىزگە جەتتى. ولار: بانك سەنتركرەديت، اتفبانك، حالىق بانك، سەسنابانك، forte bank، ەۋرازيالىق بانك، bank rbk جانە سبەربانك.

ەڭ كوپ ماقۇلدانعان كرەديتتەر استانا قالاسىندا (18 ملرد تەڭگەگە 1224 ٴوتىنىم)، ەڭ ازى – تۇركىستان وبلىسى (0 ٴوتىنىم).

سونىمەن بىرگە بيىلعى جىلدىڭ اياعىنا دەيىن قولدانىستا بولعان ۇيلەر بويىنشا كەمىندە 2 ملرد تەڭگە يپوتەكا بەرۋ جوسپارلانىپ وتىر. «باسپانا حيت» باعدارلاماسىندا استانا قالاسى جانە شىعىس قازاقستان وبلىسى تۇرعىندارى ەرەكشە بەلسەندى. ەلوردادا 73 تۇرعىنعا 950 ملن تەڭگە سوماسىندا كەلىسىم بەرىلدى. شىعىس قازاقستان وبلىسىندا جالپى سوماسى 106 ملن. تەڭگەگە 19 كرەديت ماقۇلداندى. تۇتاس العاندا، «باسپانا حيت» باعدارلاماسى بويىنشا 1،8 ملرد تەڭگەگە 192 ٴوتىنىم ماقۇلداندى.

قازىرگى تاڭدا «7-20-25» باعدارلاماسىنىڭ بارلىق 8 سەرىكتەس-بانكى «باسپانا حيت» بويىنشا دا جۇمىس ىستەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي