BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كاسىپكەر ٴۇشىن بارلىق اقپارات ونلاين رەجيمدە قولجەتىمدى بولۋى ٴتيىس - مىرزاحمەتوۆ

الماتى وبلىسىندا شاعىن جانە ورتا كاسىپكەرلىك سۋبەكتىلەرى ٴۇشىن جەر ۋچاسكىلەرىنىڭ قولجەتىمدى بولۋى، كوتەرمە جانە تاراتۋ ورتالىقتارىنىڭ قۇرىلىسى جانە ۇزاق مەرزىمدى كەلىسىمشارتتار ەنگىزۋ ماسەلەلەرى تالقىلاندى، دەپ حابارلايدى baq.kz اقپارات اگەنتتىگى.

وڭىرگە جۇمىس ساپارىمەن قر پرەزيدەنتىنىڭ بەس الەۋمەتتىك باستاماسىن جۇزەگە اسىرۋ بويىنشا رەسپۋبليكالىق قوعامدىق كەڭەستىڭ مۇشەلەرى – «اتامەكەن» ۇلتتىق كاسىپكەرلەر پالاتاسىنىڭ باسقارما ٴتوراعاسى ابىلاي مىرزاحمەتوۆ پەن قر پارلامەنتى ٴماجىلىسىنىڭ دەپۋتاتى نۇرتاي ٴسابيليانوۆ باردى.

ساپار اياسىندا وڭىرلىك پالاتا الاڭىندا كاسىپكەرلەرمەن كەزدەسۋ ٴوتتى.

كەزدەسۋ بارىسىندا تالقىلانعان باستى ماسەلەلەردىڭ ٴبىرى – جەر ۋچاسكەلەرى تۋرالى اقپاراتتىڭ قولجەتىمدىلىگى. ۇكپ باسقارما ٴتوراعاسىنىڭ ايتۋىنشا، الماتى وبلىسى قولدانىستاعى باس جوسپاردىڭ ماتەريالدارى مەن ەگجەي-تەگجەيلى جوسپارلاۋدى قامتيتىن قالا قۇرىلىسى جوبالارى بويىنشا گەواقپاراتتىق دەرەكتەر بازاسىن قۇرۋ جۇمىسىن باستادى. مۇنداي جۇمىس قىزىلوردا وبلىسى، استانا جانە الماتى قالالارىندا جۇرگىزىلۋدە.

«اكىمدىكتەردىڭ باس جوسپارلار تۋرالى، ەگجەي-تەگجەيلى جوسپارلاۋ جانە بوس جاتقان جەر ۋچاسكەلەرى تۋرالى اقپاراتتى ونلاين قولجەتىمدى ەتۋ ٴۇشىن قاراجات ٴبولۋى وتە ماڭىزدى. مىسالى، 5-6 سيىرى بار «باستاۋدىڭ» تۇلەگى ٴوز ٴىسىن كەڭەيتىپ، تاعى 10-15 سيىر ساتىپ الۋعا نيەتتى. وعان جايىلىم قاجەت. جەر ۋچاسكەسى ىزدەگەن ول جەر ۋچاسكەسىنىڭ جوقتىعىن نەمەسە بوس جاتقان جەر ۋچاسكەسى تۋرالى اقپاراتتىڭ جوقتىعىن بىلەدى. كاسىپكەر ىزدەمەۋى كەرەك. بارلىق اقپارات ونلاين رەجيمدە قولجەتىمدى بولۋى ٴتيىس. كاسىپكەرلەر بارلىق ەسىكتەردى قاقپاي، بارلىق قىزمەتتى ٴبىر جەردەن الۋى ٴۇشىن بۇل الاڭدى وڭىرلىك پالاتالار ارقىلى قۇرۋ قاجەت»، – دەدى ابىلاي مىرزاحمەتوۆ.

ۇلتتىق كاسىپكەرلەر پالاتاسىنىڭ باسقارما ٴتوراعاسى قارجى رەسۋرستارىنا قولجەتىمدىلىكتى قامتاماسىز ەتۋ، مەملەكەتتىك ساتىپ الۋلاردى جەتىلدىرۋ، وتاندىق تاۋار وندىرۋشىلەردى قولداۋ جانە كادرلاردى وقىتۋ تۋرالى اتقارىلعان جانە جوسپارلانعان جۇمىستار بارىسى تۋرالى اڭگىمەلەدى.

«ايماقتارداعى فەرمەرلەردىڭ تاعى ٴبىر ماڭىزدى ماسەلەسى – ساۋدا جەلىلەرىنە قولجەتىمدىلىك. بۇگىنگى تاڭدا الەۋمەتتىك-كاسىپكەرلىك كورپوراسيالار (اكك) ەلدى مەكەندەردە فەرمەرلەر ٴوز ونىمدەرىن وتكىزۋگە بولاتىن كوتەرمە جانە تاراتۋ ورتالىقتارىنىڭ جۇيەسىن (كتو) قۇرۋدا. وسىنداي ورتالىقتاردىڭ جوقتىعىنان ولار ٴوندىرىستىڭ 30% -ىن جوعالتادى. فەرمەرلەر نارىققا شىعۋ ماسەلەسىن وزدەرى شەشپەۋى كەرەك. ولار تەك ٴونىمدى قويماعا وتكىزىپ، تيەسىلى قاراجاتتى الۋعا مىندەتتى. قازىرگى ۋاقىتتا كتو جۇيەسى بويىنشا اۋىل شارۋاشىلىعى مينيسترلىگىمەن بىرلەسىپ جۇمىس اتقارىلۋدا»، - دەدى ابىلاي مىرزاحمەتوۆ.

كەزدەسۋ بارىسىندا الماتى وبلىسى كاسىپكەرلەر پالاتاسىنىڭ وڭىرلىك كەڭەسىنىڭ ٴتورايىمى ريمما سالىقوۆا كاسىپكەرلىككە ۇزاق مەرزىمدى كەلىسىمشارتتاردى ەنگىزۋ قاجەتتىلىگى تۋرالى ماسەلەنى كوتەردى.

«ٴبىزدىڭ زاۋىت جول قۇرىلىسى ماتەريالدارىن وندىرۋمەن اينالىسادى. نارىققا شىققانىمىزعا 10 جىل بولدى. تەندەرلەر جەلتوقسان ايىندا، كەيدە قاڭتاردا نەمەسە اقپان ايىندا وتەدى، ال تاپسىرۋشى ٴونىمدى ناۋرىز ايىندا تالاپ ەتەدى. وسى از ۋاقىت ىشىندە مەن كەلىسىمگە قول قويىپ، شيكىزات ساتىپ الىپ، ٴونىمدى دايىنداپ، بۇكىل قازاقستان بويىنشا جەتكىزىپ بەرۋگە مىندەتتىمىن. قازىرگى جاعدايدا بۇل مۇمكىن ەمەس. سوندىقتان بيزنەسكە ۇزاق مەرزىمدى كەلىسىمشارتتار بەرۋ وتە ماڭىزدى. سوندا عانا بيزنەس ٴوز جۇمىسىن جوسپارلاي الادى. بۇل ماسەلە مەندە عانا ەمەس، بۇل جۇيەلى ماسەلە. مەكتەپ اسحانالارىندا، اۋرۋحانالاردا دا وسىعان ۇقساس جاعداي، ولار دا جىل سايىن ساتىپ الۋدى جاريالاۋعا ٴماجبۇر بولادى»، – دەيدى كاسىپكەر.

ٴوز كەزەگىندە ابىلاي مىرزاحمەتوۆ «سامۇرىق-قازىنا» ۇلتتىق ٴال-اۋقات قورىمەن بەس جىل مەرزىمگە ۇزاق مەرزىمدى كەلىسىمشارتتار جاساۋ تۋرالى كەلىسىمگە قول جەتكىزىلگەنىن اتاپ ٴوتتى.

«بۇل كاسىپكەر ٴۇشىن دە، تاپسىرىس بەرۋشى ٴۇشىن دە ىڭعايلى. بۇگىندە ٴبىز ٴىرى جوبالار بويىنشا مەملەكەتتىك ساتىپ الۋدى جۇزەگە اسىرۋدى جوسپارلاپ وتىرمىز. مەنىڭ ويىمشا، مەكتەپتەر مەن اۋرۋحانالاردا كونكۋرستار وتكىزۋ دۇرىس ەمەس. مۇندا قوعامدىق جانە الەۋمەتتىك مۇددەلەر تۇرعىسىنان كەلۋ كەرەك. ٴبىز وسى باستامانى قولعا الۋعا دايىنبىز»، – دەپ اتاپ ٴوتتى ۇكپ باسقارما ٴتوراعاسى.

تاعى ەرەكشە تالقىلانعان تاقىرىپ – جۇمىسسىزدار مەن ٴوزىن-وزى جۇمىسپەن قامتىعانداردىڭ «باستاۋ» جوباسىنا قاتىسۋى. جوبانىڭ تۇلەكتەرى وزدەرىنىڭ العاشقى وقۋ ناتيجەلەرىمەن جانە كەزدەسكەن قيىندىقتارىمەن ٴبولىستى.

قازاقستان رەسپۋبليكاسى پارلامەنتى ٴماجىلىسىنىڭ دەپۋتاتى نۇرتاي ٴسابيليانوۆ وڭىرلىك بيزنەستىڭ ماسەلەلەرى مەن ۇسىنىستارى پارلامەنتتىڭ سەسسيالارىندا جاريالاناتىن بولادى دەپ مالىمدەدى.

«پرەزيدەنت بيزنەستى قولداۋعا ەرەكشە كوڭىل بولەدى. بۇل جاقىندا كاسىپكەرلىك قىزمەتى تۋرالى قول قويىلعان زاڭدا كۋالاندىرىلعان. جالپى، بارلىق بەس الەۋمەتتىك باستاما كاسىپكەرلىكپەن تىعىز بايلانىستى. بۇگىندە ٴبىز «اتامەكەنمەن»، سالالىق قاۋىمداستىقتارمەن بىرلەسىپ كاسىپكەرلىك سالانى جەتىلدىرۋ بويىنشا نورماتيۆتىك-قۇقىقتىق اكتىلەرگە وزگەرتۋلەر ەنگىزۋ بويىنشا جۇمىستاردى جالعاستىرۋدامىز»، – دەدى دەپۋتات.

سونداي-اق نۇرتاي ٴسابيليانوۆ كاسىپكەرلەر پالاتاسىنىڭ كەڭسەسى كاسىپكەرلەردىڭ ٴۇيى ەكەنىن ايتىپ ٴوتتى. ول الماتى وبلىسى اكىمدىگىنىڭ قولداۋىمەن قۇرىلعان بولاتىن. ول وزگە وڭىرلەر ٴۇشىن بيزنەس پەن بيلىك اراسىنداعى ٴوزارا قارىم-قاتىناستىڭ تابىستى ۇلگىسى.

قر پرەزيدەنتىنىڭ بەس الەۋمەتتىك باستاماسىن جۇزەگە اسىرۋدى قاداعالاۋ ٴۇشىن رەسپۋبليكالىق قوعامدىق كەڭەستىڭ مۇشەلەرى – «اتامەكەن» ۇلتتىق كاسىپكەرلەر پالاتاسىنىڭ باسقارما ٴتوراعاسى ابىلاي مىرزاحمەتوۆ، قر پارلامەنتى ٴماجىلىسىنىڭ دەپۋتاتى نۇرتاي سابيليانوۆ جۇمىس ساپارى اياسىندا وبلىس اكىمىنىڭ قاتىسۋىمەن وتكەن وتىرىسقا قاتىستى، وڭىرلىك كاسىپكەرلەر پالاتاسىنىڭ كەڭسەسىندە بولدى، كاسىپكەرلەرگە تولىق فورماتتى قىزمەت كورسەتۋ ورتالىعى جۇمىسىن بايقاپ، تالدىقورعان قالاسىنداعى 16-قاباتتى ٴۇش تۇرعىن ٴۇيدىڭ قۇرىلىسىمەن تانىستى. سونداي-اق، ساپار بارىسىندا «تالدىقورعان» اۆتوماتتاندىرىلعان گاز تاراتۋ ستانسياسىنا جانە «سارىمساقوۆ ر.ج.» شارۋا قوجالىعىنا بارۋ دا جوسپارلانىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي