BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"باسپانا" باسشىسى "7-20-25" ارقىلى نەسيە العىسى كەلەتىندەرگە 5 كەڭەس بەردى

فوتو: интернеттен

"باسپانا" يپوتەكالىق ۇيىمىنىڭ باسشىسى قايرات التىنبەكوۆ "7-20-25" باعدارلاماسىنا قىزىعۋشىلىق تانىتىپ وتىرعان قازاقستاندىقتارعا 5 كەڭەس بەردى، دەپ حابارلايدى ۆaq.kz اقپارات اگەنتتىگى ۇيىمنىڭ ٴباسپاسوز قىزمەتىنە سىلتەمە جاساپ.

ۇيىم حالىق ىشىندە "7-20-25" باعدارلاماسى اياسىندا تۋىنداپ جۇرگەن كوپتەگەن سۇراقتىڭ جاۋابى رەتىندە اقپارات جينادى. وسىعان بايلانىستى، مەكەمە باسشىسىنىڭ كەڭەسىن جاريالادى.

1. تەك قانا العا ٴجۇرىڭىز

"7-20-25" باعدارلاماسىنا قاتىسۋعا شەشىم قابىلداڭىز با؟ دەمەك، ٴسىز جارتى جولعا جەتتىڭىز! ەندى تەزىرەك پاتەر تاۋىپ، قۇرىلىس كومپانياسىمەن كەلىسىپ، بانك ٴۇشىن قۇجاتتاردى دا جەدەل جيناڭىز. ەگەر جەڭىسكە جەتۋ ٴۇشىن كۇتۋ قاجەت بولسا، كۇتىڭىز! ٴقازىر ٴسىز ٴۇشىن ەڭ باستىسى، اقىرىن ٴجۇرىپ، انىق باسىپ ٴۇيلى بولۋ.

2. يپوتەكا ويىنشىق ەمەس

يپوتەكا – قارىز. سىيلىق ەمەس، كومەك ەمەس. ال قارىزدى قايتارۋ قاجەت. سوندىقتان، كەلىسىم-شارتقا قول قويماي تۇرىپ، جاقسىلاپ ويلانعانىڭىز ٴجون. مۇمكىندىگىڭىز جەتە مە؟ ەگەر بايقاساڭىز، بانكتەر قارىز الۋشىنىڭ قارجىلىق جاعدايىن ٴجىتى تەكسەرۋدە. سەبەبى، 7-20-25 باعدارلاماسى بويىنشا بارلىق قارجىلىق تاۋەكەل مەملەكەت ەمەس، بانكتەردىڭ موينىندا. ەگەر ٴسىز جەكە كاسىپكەر بولساڭىز، 7-20-25 باعدارلاماسىنا قاتىسا الاسىز. الايدا، بانكتەر ٴسىزدىڭ جىلدىق اينالىمىڭىزدى، ناقتى جۇمىس ىستەگەنىڭىزدى مۇقيات قارايدى. وعان دايىن بولىڭىز. جانە كەي بانكتەر ٴوز نەسيەلىك ساياساتىنىڭ نەگىزىندە جەكە كاسىپكەرلەرگە نەسيە بەرمەيتىنىن دە ەسكەرىڭىز.

3. "7-20-25" بويىنشا بارلىق اقپاراتتى تەكسەرىڭىز

"7-20-25" باعدارلاماسىنىڭ اتى دۇركىرەپ تۇر. نارىق تا ونى بايقاپ وتىر. بۇل جاعدايدا ٴ7-20-25تىڭ جالىنا جارماسىپ، ٴوزىنىڭ كوممەرسيالىق ماقساتتارىن شەشىپ العىسى كەلەتىن ٴتۇرلى قۇرىلىس كومپانيالارى، قارجىلىق ۇيىمدار، تۇرعىن ٴۇي كووپەراتيۆتەرى مەن الاياق جاندار دا از ەمەس. سوندىقتان كەز-كەلگەن اقپاراتقا كۇمانمەن قاراڭىز. 7-20-25 باعدارلاماسى بويىنشا نەسيەنى تەك سەرىكتەس-بانكتەر بەرەدى. ول بويىنشا 7% جىلدىق ۇستەمەدەن باسقا ەشقانداي ارتىق تولەم بولماۋى ٴتيىس.

4.قۇرىلىس كومپانياسىمەن ساۋدالاسۋعا ەش ۇيالماڭىز

كەيدە قۇرىلىس كومپانيالارىنىڭ وزدەرى تۇرعىزعان ٴۇيدى نارىقتان قىمباتىراق باعالايتىنى بار. سوندىقتان ول باعا تاۋەلسىز باعالاۋشىنىڭ اكتىسى بويىنشا بەكىتىلگەن باعامەن سايكەس كەلمەي جاتادى. بۇل جاعدايدا بانكتەر تاۋەلسىز باعالاۋشىنىڭ اكتىسى بويىنشا بەكىتىلگەن باعاعا عانا نەسيە بەرەدى. مىسالى، قۇرىلىس كومپانياسى پاتەردى 15 ميلليون تەڭگەگە، ال باعالاۋشى 12 ميلليونعا باعالاسا، بانكتەردىڭ نەسيە سوماسى 9،6 ملن. تەڭگە بولماق. وعان ٴوزىڭىزدىڭ 2،4 ملن. تەڭگە العاشقى جارناڭىزدى قوساسىز. قۇرىلىس كومپانياسى قويعان باعاعا 3 ملن. تەڭگە جەتپەي تۇر. نە ىستەۋ كەرەك؟ بۇل جاعدايدا قۇرىلىس كومپانياسىمەن ەش قىسىلماي ساۋدالاسۋ كەرەك، نەمەسە ايىرماسىن ٴوز قالتاڭىزدان تولەۋ قاجەت بولادى.

5. 25 جىلعا بايلانۋدىڭ ەش قاجەتى جوق
"7-20-25" باعدارلاماسى تەك قانا 25 جىلعا نەسيە بەرەدى دەپ ويلايتىن ازاماتتار كوپ. بۇل قاتە پىكىر. 25 جىل - ول شەكتى مەرزىم. سوندىقتان، ٴسىز نەسيەنى ٴوزىڭىز قالاعان مەرزىمگە، 1 جىل، 5 جىل، 10 جىلعا دا الا الاسىز. مەرزىمدى ٴوزىڭىز انىقتايسىز. مەرزىم نەعۇرلىم از بولسا، ۇستىنەن قوسىپ تولەيتىن سوما دا از بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي