BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«7-20-25» بويىنشا قۇجاتتاردى راسىمدەۋ پروسەسى حالىق ٴۇشىن جەڭىلدەتىلۋى ٴتيىس - دەپۋتات

استانا، baq.kz ٴتىلشىسى. بۇگىن ۇكىمەت ساعاتىندا ٴماجىلىس دەپۋتاتى تۇرعىن سىزدىقوۆ ادىلەت ٴمينيسترى مارات بەكەتايەۆتان «7-20-25» باعدارلاماسى بويىنشا قۇجاتتاردىڭ نەلىكتەن ۇزاق راسىمدەلەتىنىن سۇرادى.

«مەملەكەت باسشىسى العا قويعان مىندەتتەر شەڭبەرىندە بيىل «7-20-25» يپوتەكالىق تۇرعىن ٴۇي كرەديتىن بەرۋ باعدارلاماسى جۇمىسىن باستادى. الايدا، بۇگىنگى تاڭدا ازاماتتار وسى باعدارلاما شەڭبەرىندە ساتىپ الىناتىن تۇرعىن ٴۇيدى راسىمدەۋ ٴۇشىن كوپ ۋاقىت جۇمساۋعا ٴماجبۇر بولىپ وتىر. ولار ٴبىرىنشى كەزەكتە قۇجاتتاردى راسىمدەۋ ٴۇشىن بانككە بارادى، ودان كەيىن يپوتەكانى تىركەۋ ٴۇشىن حقكو-عا بارادى جانە تاعى سونداي جەرلەرگە بارادى. باعدارلامانىڭ الەۋمەتتىك ماڭىزى بارىن ەسكەرە وتىرىپ، قۇجاتتاردى راسىمدەۋ پروسەسى حالىق ٴۇشىن بارىنشا جەڭىلدەتىلۋى ٴتيىس ەكەنى ٴسوزسىز. ادىلەت مينيسترلىگى اتالعان باعدارلامانى ىسكە اسىرۋ شەڭبەرىندە قانداي شارالار قابىلداپ جاتىر؟ وسى باعدارلامانى ىسكە اسىرۋ شەڭبەرىندە ساتىپ الىنعان جىلجىمايتىن مۇلىككە قۇقىقتاردى تىركەۋ پروسەسى قالاي جەڭىلدەيدى؟»، - دەپ سۇرادى سىزدىقوۆ.

ال، ادىلەت ٴمينيسترى مارات بەكەتايەۆ بۇل پروبلەمانى جوققا شىعارمادى.

«ارينە، باسىندا ٴسىز اتاعان ماسەلەلەر بولدى. ٴبىراق تا، بۇل باعدارلاما بويىنشا ٴبىز مەملەكەتتىك كورپوراسيامەن (ازاماتتارعا ارنالعان ۇكىمەت-اۆتور ەسكەرت.) بىرگە ٴبىرقاتار جۇمىس جۇرگىزدىك. ناتيجەسىندە، قازىرگى كەزدە ۇيىمداستىرىلعان مەحانيزم شەڭبەرىندە ازاماتتار مەملەكەتتىك كورپوراسياعا جۇگىنبەيدى جانە ەشقانداي قۇجاتتار تاپسىرمايدى. بارلىعى بانكتە ٴبىر جۇمىس كۇنى ىشىندە جاسالاتىن بولادى»، - دەپ جاۋاپ بەردى بەكەتايەۆ.

بۇعان دەيىن مينيستر جىل سايىن ەلىمىزدە جىلجىمايتىن مۇلىككە 1 ملن 700 مىڭنان استام قۇقىق تىركەلەتىنىن ايتقان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي