استانا: 
«نۇر وتان» پارتياسى ٴتوراعاسىنىڭ ٴبىرىنشى ورىنباسارى ماۋلەن اشىمبايەۆ «پرەزيدەنتتىڭ بەس الەۋمەتتىك باستاماسىنىڭ» جۇزەگە اسىرىلۋىن باقىلاۋ جونىندەگى رەسپۋبليكالىق قوعامدىق كەڭەستىڭ مۇشەلەرىمەن بىرگە استانا قالاسىنداعى ٴبىرقاتار الەۋمەتتىك نىسانداردى ارالادى. سونداي-اق ول اتالعان كەڭەستىڭ وتىرىسىنا قاتىستى، دەپ حابارلايدى baq.kz اقپارات اگەنتتىگى.
الدىمەن ماۋلەن اشىمبايەۆ پەن كەڭەس مۇشەلەرى «millennium park» تۇرعىن ٴۇي كەشەنىندە بولدى. سەبەبى، وندا «7-20-25» باعدارلاماسى بويىنشا باسپانالى بولعان وتباسىلارى تۇرادى. سولاردىڭ ٴبىرى جاس وتباسى ازامات پەن جانار استاناعا بالقاش قالاسىنان كوشىپ كەلگەن. ٴبىر جىل بويى پاتەر جالداپ تۇرعان ولار، مەملەكەتتىك باعدارلاما ارقىلى ٴوز پاتەرلەرىنە قول جەتكىزگەندەرىنە ەرەكشە قۋانىشتى. ولاردىڭ ايتۋىنشا، «7-20-25» باعدارلاماسى بويىنشا اي سايىنعى تولەم پاتەر جالداعان كەزدەگى اقىدان اسپايتىن كورىنەدى.
«نۇر وتان» پارتياسى ٴتوراعاسىنىڭ ٴبىرىنشى ورىنباسارى جاس وتباسىن قۇتتىقتاپ، بۇل ەلباسى باستامالارىنىڭ ناقتى ناتيجەسى ەكەنىن ايتتى. سونداي-اق ول بەس الەۋمەتتىك باستامادا كوتەرىلگەن ماسەلەلەردىڭ بارلىعى استانا ٴۇشىن وتە وزەكتى ەكەنىنە نازار اۋداردى.
– استانا – ەلىمىزدىڭ باس قالاسى. ۋاقىت وتكەن سايىن جان-جاقتى دامىپ، تۇرعىندار سانى دا ارتىپ كەلەدى. بۇگىندە ەلوردامىزدا 1 ميلليوننان استام حالىق تۇرادى. سوندىقتان استانا ٴۇشىن باسپانا ەڭ وزەكتى ماسەلەلەردىڭ ٴبىرى. وسى رەتتە ەلباسىنىڭ بەس الەۋمەتتىك باستاماسى، سونىڭ ىشىندە «7-20-25» باعدارلاماسى بۇل ماسەلەنى شەشۋگە جانە قازاقستاندىقتاردىڭ ٴوز باسپانالارىنا قول جەتكىزۋىنە ۇلكەن سەپتىگىن تيگىزىپ وتىر. سول سەبەپتى باعدارلاماعا حالىق، سونىڭ ىشىندە استانالىقتار كوبىرەك قاتىسىپ، مۇمكىندىكتى ٴمۇلت جىبەرمەۋى كەرەك، – دەدى ماۋلەن اشىمبايەۆ.
سونداي-اق «نۇر وتان» پارتياسى ٴتوراعاسىنىڭ ٴبىرىنشى ورىنباسارى اتالعان باعدارلامانىڭ قۇرىلىس ٴوندىرىسىنىڭ جاڭاشا قارقىن الۋىنا دا جول اشقانىن، سول ارقىلى ەل ەكونوميكاسىنىڭ دامۋىنا ىقپال ەتىپ وتىرعانىن تىلگە تيەك ەتتى.
ساۋلەتى ەرەكشە جاڭا تۇرعىن ٴۇي ەلوردامىزدىڭ ٴدال جۇرەگىندە – «قازاق ەلى» الاڭىندا ورنالاسقان. «millennium park» كەشەنىنىڭ اكىمشىلىك عيماراتىندا ٴىرى كومپانيالاردىڭ كەڭسەلەرى، ٴبىلىم بەرۋ ورتالىقتارى، سپورت جانە بالالاردىڭ شىعارماشىلىق ۇيىرمەلەرى، ينفراقۇرىلىمدىق تۇرمىستىق نىساندار، حيميالىق تازالاۋ، تىگىن اتەلەسى، شەبەرحانالار ورنالاسقان. ال ٴۇيدىڭ ٴدال ىرگەسىندە قالالىق ساياباق پەن ٴبىرقاتار مەكتەپ ورىن تەپكەن.
«7-20-25» باعدارلاماسىنىڭ وپەراتورى «باسپانا» يپوتەكالىق ۇيىمىنىڭ مالىمەتىنە سۇيەنسەك، بيىلعى 1 شىلدەدەن باستاپ استانادا جالپى سوماسى 12،7 ملرد. تەڭگەنى قۇرايتىن 840 ٴوتىنىم قابىلدانعان. ونىڭ ىشىندە 8،8 ملرد. تەڭگەنى قۇرايتىن 584 ٴوتىنىم ماقۇلداندى. بۇل شامامەن بۇكىل ەلىمىز بويىنشا قارالعان جانە ماقۇلدانعان وتىنىمدەردىڭ ۇشتەن ٴبىر بولىگى.
بۇدان كەيىن دەلەگاسيا «جوعارى ٴبىلىم بەرۋدىڭ قولجەتىمدىلىگى مەن ساپاسىن ارتتىرۋ جانە ستۋدەنت جاستاردىڭ جاتاقحاناداعى جاعدايىن جاقسارتۋ» باستاماسىن ىسكە اسىرۋعا قاتىسۋشى «ٴال-قۋات» حوستەلىندە بولدى. كەشەن ديرەكتورى گۇلجانات ماۋسىمبايەۆانىڭ ايتۋىنشا، 400 ورىنعا ارنالعان بۇل حوستەل 2015 جىلى اشىلعان. ونىڭ جالپى اۋدانى – 5 مىڭ شارشى مەتردى قۇرايدى. ياعني مۇندا 90 بولمە، 150 ورىندىق اسحانا مەن 120 ورىندىق ٴماجىلىس زالى بار. ناتيجەسىندە حوستەل ارقىلى «ٴال-قۋات» كومپانياسى 18 ادامدى جۇمىسپەن قامتاماسىز ەتىپ وتىر.
بولمەلەردى ارالاپ، ستۋدەنتتەرگە جاسالعان جاعدايمەن تانىسقان دەلەگاسيا استانادا 35 كوللەدج بار ەكەنىنە جانە ولاردا 26 مىڭ ستۋدەنت ٴبىلىم الاتىنىنا نازار اۋداردى. ولاردىڭ 2 مىڭنان استامى جاتاقحانامەن قامتاماسىز ەتىلمەگەن. وسى رەتتە قالادا ەكسپو حالىقارالىق كورمەسىنەن كەيىن بوساپ قالعان جالپى قورى 9 000 ورىن بولاتىن 100-گە جۋىق قاراپايىم قوناق ۇيلەر مەن حوستەلدەر بار ەكەنىن ەسكەرگەن ٴجون.
ستۋدەنتتەردى جاتاقحانامەن قامتۋ دا استانا ٴۇشىن اسا ماڭىزدى ماسەلە ەكەنى بەلگىلى. ٴتىپتى بۇگىندە ەلوردادا جوعارى وقۋ ورىندارى مەن كوللەدجدەردىڭ 16 مىڭعا جۋىق ستۋدەنتى جاتاقحاناعا مۇقتاج. وسى ماسەلەنى شەشۋ ٴۇشىن قالالىق اكىمدىك ەكسپو حالىقارالىق كورمەسىنەن كەيىن بوس قالعان حوستەلدەردى ۋاقىتشا جاتاقحانا رەتىندە پايدالانۋدى قولعا العان. بۇل ارينە پيلوتتىق جوبا. ياعني الداعى ۋاقىتتا جاڭا جاتاقحانالار سالىنادى. ٴبىراق سوعان دەيىن ستۋدەنتتەر وسىنداي ورىنداردا تۇرماق.
«نۇر وتان» پارتياسى ٴتوراعاسىنىڭ ٴبىرىنشى ورىنباسارى مۇنداي قادامنىڭ ٴتيىمدى ەكەنىن ايتتى.
– جاتاقحاناعا اينالعان حوستەلدەردە ستۋدەنتتەردىڭ ساپالى ٴبىلىم الۋىنا بارلىق جاعداي جاسالعان. سوندىقتان وسىنداي قادامدى ستۋدەنتتەردى جاتاقحانامەن قامتۋدىڭ ناقتى ٴارى ٴتيىمدى جولى دەپ دەپ ايتۋعا تولىق نەگىز بار. ٴتىپتى استانانىڭ بۇل تاجىريبەسىن باسقا دا وڭىرلەردە قولدانۋدىڭ بەرەرى مول دەپ ەسەپتەيمىز. وسىلايشا ەلباسىنىڭ بەس الەۋمەتتىك باستاماسى باس قالامىزدا ٴساتتى جۇزەگە اسىرىلۋدا. باستامالاردىڭ ٴارى قاراي دا ۋاقىتىلى جانە ساپالى ورىندالۋى ٴۇشىن «نۇر وتان» پارتياسى قوعامدىق باقىلاۋ جۇمىستارىن جالعاستىراتىن بولادى. سونداي-اق مەملەكەت باسشىسىنىڭ باسقا دا باعدارلامالارى مەن باستامالارىنىڭ جۇزەگە اسىرىلۋىنا پارتيا ٴوز ۇلەسىن قوسادى، – دەدى ماۋلەن اشىمبايەۆ.
جۇمىس ساپارى بارىسىندا اتالعان توپ ساكەن سەيفۋللين اتىنداعى اگروتەحنيكالىق ۋنيۆەرسيتەتىنە باردى. نەگىزى 1957 قالانعان وقۋ ورنىنىڭ قۇرامىندا 12 – وقۋ كورپۋسى، 314 – اۋديتوريا، 220 – مامانداندىرىلعان وقۋ-ادىستەمەلىك زەرتحانا، 64 – كومپيۋتەرلىك سىنىپ، 14 – قوعامدىق تاماقتانۋ ورنى جانە 7 جاتاقحانا بار. بۇگىندە مۇندا ەلىمىزدىڭ ٴار وڭىرىنەن كەلگەن 12 881 ستۋدەنت ٴبىلىم الۋدا. سونداي-اق ۋنيۆەرسيتەتتىڭ 2012 جىلدان بەرى «توپ 800» الەمدەگى ەڭ ۇزدىك جوعارعى وقۋ ورىندارىنىڭ قاتارىنا ەنەتىنىن اتاپ وتكەن ٴجون.
«نۇر وتان» پارتياسى ٴتوراعاسىنىڭ ٴبىرىنشى ورىنباسارى ماۋلەن اشىمبايەۆ، رەسپۋبليكالىق قوعامدىق كەڭەستىڭ ٴتوراعاسى، سەنات دەپۋتاتى باقىتجان جۇماعۇلوۆ جانە پارتيا استانا قالالىق فيليالىنىڭ ٴتوراعاسى، استانا قالاسىنىڭ اكىمى باقىت سۇلتانوۆ اتالعان جوعارى وقۋ ورنىندا وتكەن ەلباسى باستامالارىنىڭ ەلوردادا جۇزەگە اسىرىلۋ بارىسى تۋرالى وتىرىسقا قاتىستى.
جيىندا ماۋلەن اشىمبايەۆ قالا بويىنشا اتقارىلعان جۇمىستارعا باعاسىن بەرىپ، بەس الەۋمەتتىك باستامانى ودان ٴارى ٴتيىمدى جۇزەگە اسىرۋعا قاتىستى ۇسىنىستارىن ايتتى.
– ٴاقپاراتتىق-تۇسىندىرۋ جۇمىستارىن جۇيەلى جۇرگىزىپ، حالىقتىڭ الەۋمەتتىك باستامالاردىڭ يگىلىگىن مولىنان كورۋدى قامتاماسىز ەتۋىمىز قاجەت. وسى جولدا رەسپۋبليكالىق جانە وڭىرلىك كەڭەستەر بەلسەندىلىك تانىتقانى ابزال، – دەدى «نۇر وتان» پارتياسى ٴتوراعاسىنىڭ ٴبىرىنشى ورىنباسارى.
ٴوز كەزەگىندە قالا اكىمى باقىت سۇلتانوۆ ەلوردادا بەس الەۋمەتتىك باستامانى ىسكە اسىرۋعا ارنالعان ناقتى جۇمىستار قولعا الىنعانىن جەتكىزدى.
– حالىقتى باسپانامەن قامتاماسىز ەتۋ، جالاقىسى تومەن ازاماتتارعا سالىقتىق جەڭىلدىكتەر جاساۋ، جاستاردىڭ ساپالى ٴبىلىم الۋى ٴۇشىن جاتاقحانالارمەن قامتۋ جانە ىنتالى ادامداردىڭ كاسىپكەرلىكپەن اينالىسۋىنا قولداۋ كورسەتۋ اكىمدىك جۇمىسىنىڭ باسىم باعىتىنا اينالدى. سول ارقىلى جاستاردىڭ ٴوز تاعدىرىن استانامەن تىعىز بايلانىستىرۋىنا تىڭ مۇمكىندىكتەر تۋىپ وتىر. سوندىقتان ەلباسى ايقىنداپ بەرگەن باستامالاردى ساپالى ٴارى ۋاقىتىلى ورىنداۋ ٴۇشىن بار كۇش-جىگەرىمىزدى سالىپ جۇمىس ىستەيمىز، – دەدى باقىت سۇلتانوۆ.
ايتا كەتەيىك، وسى جىلدىڭ 5 ناۋرىزىندا وتكەن پارلامەنت پالاتالارىنىڭ بىرلەسكەن وتىرىسىندا مەملەكەت باسشىسى «پرەزيدەنتتىڭ بەس الەۋمەتتىك باستاماسىنىڭ» جۇزەگە اسىرىلۋىن قوعامدىق باقىلاۋدى جانە حالىققا ٴاقپاراتتىق-تۇسىندىرۋ جۇمىستارىن جۇرگىزۋدى «نۇر وتان» پارتياسىنا تاپسىرعان بولاتىن.
بۇل جونىندە ەلباسى: «باستامالاردىڭ ايرىقشا ماڭىزدى ەكەنىن ەسكەرسەك، ولاردى ٴتيىمدى جۇزەگە اسىرۋدىڭ جولدارى كەڭىنەن تالقىلاۋدى قاجەت ەتەدى. حالىق پەن بيزنەس وكىلدەرى اراسىندا ٴتۇسىندىرۋ جۇمىستارىن جۇرگىزۋ دە ماڭىزدى. «نۇر وتان» پارتياسى حالقىمىز ٴۇشىن ايرىقشا ماڭىزى بار وسى شارالاردىڭ تياناقتى ورىندالۋىن باقىلاۋعا الادى»، – دەگەن ەدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2308 
0
2140
0