BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«7-20-25». پاتەر الۋ ٴۇشىن تابىس مولشەرى قانشا بولۋ قاجەت؟

استانا، baq.kz ٴتىلشىسى. «باسپانا» يپوتەكالىق ۇيىمى» اق ديرەكتور دەپارتامەنتى قانات ابدرايموۆ ەلوردادا 15 ملن تەڭگەنىڭ پاتەرىن الۋ ٴۇشىن تابىس مولشەرى 160 تەڭگە كولەمىندە بولۋ قاجەت ەكەنىن ٴمالىم ەتتى.

قانات ابدرايموۆ «7-20-25» باعدارلاماسىنا قاتىسۋ ٴۇشىن تۇرعىنداردىڭ تابىسى قانشا بولۋى قاجەت ەكەنىن ٴتۇسىندىردى.

«مىسالى، استانادا پاتەردىڭ باعاسى 15 ملن تەڭگە دەپ الايىق. دەمەك، ازامات اي سايىن پاتەرگە 84 613 مىڭ تەڭگە تولەۋى قاجەت. ەندى وسى ساندى ەكىگە كوبەيتەمىز، شامامەن 160 مىڭ تەڭگە شىعادى. بۇل ازاماتتىڭ اي سايىن الاتىن جالاقىسى. ەندى ٴمۇعالىمنىڭ جالاقىسىن 60-80 مىڭ دەپ الايىق. استانا قالاسىنداعى ورتاشا جالاقى مولشەرىن ايتا المايمىن. ەگەر ازامات پاتەر العىسى كەلىپ، ٴبىراق تولەم قابىلەتىن راستاي الماسا، وزگە قارىز الۋشىنى كومەككە شاقىرا الادى. تۋىسى بولۋ مىندەتتى ەمەس. وسى تابىستىڭ كولەمىمەن ٴوزىن (پاتەرمەن – اۆتور) قامتاماسىز ەتۋگە بولادى. وسىلايشا، اتالعان باعدارلاماعا قاتىسا الادى»، - دەدى ول استانا قالاسى اكىمدىگىندە وتكەن بريفيگتە.

ال «باسپانا» يپوتەكالىق ۇيىمى» اق باسقارما ٴتوراعاسىنىڭ ورىنباسارى دارحان بايقۋاتوۆ قازىرگى تاڭدا «7-20-25» باعدارلاماسى بويىنشا بانكتەر جالپى 57 ملرد تەڭگەنى قۇرايتىن 4 831 ٴوتىنىشتى قابىلدانعانىن جەتكىزدى.

«ونىڭ ىشىندە بانكتەر 37 ملرد تەڭگەنى قارىزعا بەرۋگە شەشىم قابىلدادى. بۇل – 3 144 ٴوتىنىش. ٴبىز اتالعان باعدارلاما جۇمىسىن ٴساتتى باستاپ، ٴتيىمدى جۇمىس ىستەپ جاتىر دەگەن پىكىردەمىز. قازىرگى تاڭدا استانا، الماتى قالالارى مەن ماڭعىستاۋ وبلىسى كوش باسىندا كەلەدى. استانادا 15 ملرد تەڭگەنى قۇرايتىن كرەديت ماقۇلداندى. 1 مىڭنان استام ەلوردالىق (پاتەر الۋعا – اۆتور) كەلىسىم الدى. بۇل – وتە جاقسى كورسەتكىش»، - دەدى ٴتوراعا.

وسى رەتتە دارحان بايقۋاتوۆ اتالعان باعدارلاما بويىنشا حالىق بانك، سەنتركرەديت، اتفبانك، سەسنابانك، bank rbk، ەۋرازيالىق بانك، fortebank نەسيە بەرەتىنىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي