BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«بيۋرو-100» مۇشەلەرى ەلىمىزدىڭ سولتۇستىك وڭىرلەرىن ارالاماق

مەملەكەت باسشىسى نۇرسۇلتان نازاربايەۆ ٴوزىنىڭ «بولاشاققا باعدار: رۋحاني جاڭعىرۋ» اتتى ماقالاسىندا «قازاقستانداعى 100 جاڭا ەسىم» جوباسىن جۇزەگە اسىرۋدى ۇسىندى. جوباعا قولداۋ ٴبىلدىرۋ ماقساتىندا «بيۋرو-100» توبى قۇرىلدى. الداعى ۋاقىتتا اتالمىش بيۋرونىڭ مۇشەلەرى ەرەيمەنتاۋ، پاۆلودار، پەتروپاۆل قالالارىن ارالايدى، دەپ حابارلايدى baq.kz ٴتىلشىسى.

بۇگىن استانا ماڭىنداعى قوياندى اۋىلىندا «بيۋرو-100» كوشباسشىلارى «جاستىق شاقتىڭ ەنەرگياسى» اتتى جازعى لاگەرىندەگى جاستارمەن كەزدەستى.
شاراعا «قازكونتەنت» اق باسقارما ٴتوراعاسى ەۆگەنيي كوچەتوۆ، بيزنەس كەڭەسشى ستانيسلاۆ پولۋبينسكيي، «بيۋرو-100» كوشباسشىلارى: ماحاببات ەسەن، ەرجان باعداتوۆ، الكەي مارعۇلان، ارمان نۇرعازين قاتىستى.

الدىمەن ماحاببات ەسەن جاستارعا اتالمىش باستاما توبىنىڭ قانداي ماقساتتا قۇرىلعاندىعىن ايتتى.

«بيۋرو-100» - جالپى ۇلتتىق قوزعالىس نە قوعامدىق ۇيىم ەمەس. بۇل ٴبىزدىڭ ازاماتتىق باستامامىز. ەگەر سىزدەر «100 جاڭا ەسىم» جوباسىنا جارايتىن ازاماتتاردى ٴارى وزدەرىڭىز «بيۋرو-100» مۇشەلىگىنە كىرۋدى قالاساڭىزدار بۇل ۇسىنىستاردى قاراستىرامىز. ٴبىزدىڭ ماقساتىمىز ايقىن. ول تالانتتاردى انىقتاۋعا كومەكتەسۋ»، - دەدى «بيۋرو-100» مۇشەسى.

سونىمەن قاتار ول الداعى جوسپارلارىمەن ٴبولىستى.

«ەگەر ەرەكشە تۇلعالار تۋرالى ايتاتىن بولساق، ٴبىز ولارمەن تانىسىپ ۇلگەردىك. جاقىندا ٴبىز بىرنەشە اۋىلدا بولدىق. قازىرگى تاڭدا ٴبىز تەك اقمولا ٴوڭىرىن عانا ارالاپ ۇلگەردىك. الداعى ۋاقىتتا ٴبىز پاۆلودارعا بارامىز. سونىمەن قاتار پەتروپاۆل جانە ەرەيمەنتاۋدان ارنايى شاقىرتۋ الدىق. ول جاقتا دا ەرەكشە تۇلعالار بار»، - دەدى ماحاببات ەسەن.

وسى ورايدا ونىڭ ٴسوزىن ەرجان باعداتوۆ تولىقتىردى.

«ٴيا، ٴبىز ول جاققا (پەتروپاۆل قالاسىنا – اۆتور) مىندەتتى تۇردە بارامىز. سونىمەن قاتار بىزدە وسكەمەن، ورال، قاراعاندى، قوستاناي، تالدىقورعان وڭىرلەرىندە بەلسەندىلەرىمىز بار. ولار بىزبەن بايلانىسىپ، جاڭا ەسىمدەردى ىزدەپ تابۋعا كومەكتەسەتىندەرىن ايتتى. قازىرگى تاڭدا باستاما توبى جاڭا كۇشكە يە بولۋدا. مىسالى، وڭىرلەردە اتاقتى بلوگەرلەر دە بار. بۇگىن ٴبىز تانىمال ساياساتتانۋشى ايدوس سارىممەن سويلەستىك. ول «100 جاڭا ەسىم» جوباسىنا بىرنەشە ەرەكشە ازاماتتاردى ۇسىناتىندىعىن ايتتى. ٴالى ۋاقىت بار. تامىز، قىزكۇيەك ايلارىندا جاڭا ەسىمدەر ٴتىزىمىن تولىقتىرۋعا بولادى. سوندىقتان جۇمىسقا بەلسەنە قاتىسىڭىزدار»، - دەدى ول.

ال «قازكونتەنت» اق باسقارما ٴتوراعاسى ەۆگەنيي كوچەتوۆ جاستارعا «100 جاڭا ەسىم» جوباسىنا كانديتتاردى ىرىكتەۋ قالاي جۇرگىزىلەتىندىگىن ٴتۇسىندىردى.

«100 جاڭا ەسىم» جوباسىنا ىرىكتەۋ قالاي جۇرگىزىلەدى؟ ول ٴتاسىل وتە قاراپايىم، بارلىعىنا تانىس. كەز كەلگەن ازامات ٴوزى سىيلايتىن، بارشاعا ۇلگى بولارلىقتاي تۇلعانى تىزىمگە قوسۋعا ۇسىنىس بەرە الادى. وعان كوپتەگەن مىسالدار كەلتىرۋگە بولادى. تىزىمگە قاراپايىم ازاماتتار دا ەنەدى. ٴبىزدى بەلگىلى ٴبىر ازاماتتىڭ بيوگرافياسى بويىنشا تۇسىرىلگەن گولليۆۋد فيلمدەرى شابىتتاندىرادى عوي. مىسالى، اكتەر ۋيلل ٴسميتتىڭ «باقىت ٴۇشىن كۇرەس» («ۆ پوگونە زا سچاستيام»)، «جەتى ٴومىر» («سەم جيزنەي») كينولارى بار. وسى فيلمدەر ٴبىزدى قاناتتاندىرادى عوي؟ ال ٴبىزدىڭ ارامىزدا ونداي ازاماتتار جوق دەپ سىزدەرگە كىم ايتتى؟ بۇل تولىعىمەن شىندىققا جاناسپايدى»، - دەدى ٴتوراعا.

سونىمەن قاتار ەۆگەنيي كوچەتوۆ وزىنە ەرەكشە اسەر ەتكەن وقيعا تۋرالى ايتىپ بەردى. الايدا باسقارماعا ٴتوراعاسى باستى كەيىپكەردىڭ اتىن ەسىنە تۇسىرە المادى. ول جاستايىنان كورۋ قابىلەتىن ايىرىلعان، تالانتتى مۋزىكانت سايدا حالىقوۆا ەدى.

«مەن ٴوزىمدى ەرەكشە قاناتتاندىرعان وقيعا تۋرالى ايتىپ بەرەيىن. بىزدە باتىس قازاقستان وبلىسىنان شىققان پيانيست بار. مەن ونىڭ اتىن ەسىمە تۇسىرە الماي وتىرمىن. ٴبىراق جاستايىنان وقۋ وزاتى بولعان قىز تولىعىمەن كورۋ قابىلەتىنەن ايىرىلعان. سوعان قاراماستان ونىڭ مۋزىكاعا دەگەن ىنتاسى جوعالماعان. قازىرگى تاڭدا ول الەمدە ٴوز كونسەرتىن بەرىپ ٴجۇر. پيانيست الەمدەگى ەڭ بەدەلدى مۋزىكالىق جوعارعى وقۋ ورىندارىنىڭ بىرىندە ٴبىلىمىن جەتىلدىرگەن. ول ٴبىلىمدى ساۋ ادامدارمەن تەڭ جاعدايدا العان. اتالمىش ۋنيۆەرسيتتەردىڭ مۇعالىمدەرى وتانداسىمىزدىڭ قيىن نوتالاردىڭ اۋەنىن قاتەلەسپەي ەستي الۋ قابىلەتىن قايران قالعان. بۇل ٴبىزدىڭ ارامىزداعى ادام»، - دەپ تۇيىندەدى ٴسوزىن ول.

ٴسوز سوڭىندا ۇزاق ۋاقىت بويى شەتەلدە ٴبىلىم العان، قازىرگى تاڭدا حالىقارالىق قاتىناستار جونىندەگى ساراپشى الكەي مارعۇلان «100 جاڭا ەسىم» جوباسى اياسىندا ازاماتتاردى ىرىكتەۋ بارىسىندا وتە مۇقيات بولۋ قاجەتتىگىن ايتتى.

«ادامنىڭ كۇنى اداممەن. ٴبىز قوعامدا ٴاربىر ادامنان ۇلگى الامىز. كەيبىر ادامداردىڭ جاقسى قاسيەتتەرىن قايتالاعىمىز كەلەدى. اتا-انالارىمىزدان باستاپ، دوستارىمىزعا دەيىن سولاردىڭ بويىنداعى اسىل قاسيەتتەردى بويىمىزعا جيناپ، ادام رەتىندە قالىپتاسامىز. جاستاردىڭ اراسىنداعى وزگەرىستەردى بيلىك سەزدى مە؟ مەملەكەت «100 جاڭا ەسىم» اتتى ۇلكەن باستامانى قولعا الدى. اتالمىش جوبا قازىرگى قوعامدا ٴبىز بىلەتىن شۋ شىعارىپ جۇرگەن ادامداردىڭ ەسىمىمەن جاناسپاۋى كەرەك. ول ازاماتتار بارلىعىمىزعا دا ۇلگى بولۋى قاجەت»، - دەپ تۇيىندەدى ٴسوزىن قوعام بەلسەندىسى.

ايتا كەتەيىك، ەلباسى نۇرسۇلتان نازاربايەۆ ٴوزىنىڭ «بولاشاققا باعدار: رۋحاني جاڭعىرۋ» اتتى ماقالاسىندا «قازاقستانداعى 100 جاڭا ەسىم» جوباسىن جۇزەگە اسىرۋدى ۇسىندى. ناتيجەسىندە جوباعا اقپارات جانە كوممۋنيكاسيا مينيسترلىگى مەن قازاقستان xالقى اسسامبلەياسى حاتشىلىعى جاۋاپتى بولىپ بەكىتىلدى. ال وسى جىلدىڭ ماۋسىم ايىنىڭ باسىندا «el.kz» ينتەرنەت-پورتالى بازاسىنداعى «100esim.el.kz» سايتىندا ٴوتىنىم قابىلداۋ باستالدى.

فوتو، ۆيدەو: ابزال قاليەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي