BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەتى مىڭنان استام استانالىققا ورتالىق ارقىلى جۇمىس ۇسىنىلعان

2016 جىلدىڭ باسىنان بەرى استانا قالاسى بويىنشا جۇمىسپەن قامتۋ ورتالىع 4013 ادام جۇمىسقا ورنالاستىرعان، دەپ حابارلايدى baq.kz ٴتىلشىسى.

جۇمىسپەن قامتۋ اياسىندا ورتالىق ارقىلى 605 ادام قايتا دايارلاۋ جانە ماماندىعىن وزگەرتۋ بويىنشا كۋرستارعا جىبەرىلسە، ونىڭ ىشىندە 314 جاس پراكتيكادان ٴوتىپ وتىر. بۇدان بولەك، 1079 ادام قوعامدىق جۇمىستارعا قاتىسىپ ۇلگەردى.

«بۇگىندە 2339 قالا تۇرعىنى جۇمىسسىزدار قاتارىنا كىرىپ وتىر. بۇل كورسەتكىشتى وتكەن جىلمەن سالىستىرعاندا جۇمىسسىزدىق دەڭگەيى ايتارلىقتاي تومەندەگەنى بايقالادى. بىلتىر بۇل مەجە 5،1% بولسا، بيىل 4،7% دەيىن تومەندەدى، – دەپ وتىر استانا قالالىق جۇمىسپەن قامتۋ ورتالىعىنىڭ جەتەكشىسى ولجاس ومار.

ٴقازىر كۇن سايىن ٴتورت جۇزگە جۋىق ادام جۇمىسپەن قامتۋ ورتالىعىنىڭ كومەگىنە جۇگىنىپ كەلەدى. ورتالىق قالا تۇرعىندارىن جۇمىسپەن قامتۋ ماقساتىندا جىل باسىنان بەرى 7 بوس ورىندار جارمەڭكەسىن ۇيىمداستىرعان. جالپى، بيىل وسىنداي 12 شارا وتكىزۋ جوسپارلانىپ، قۇرىلىسشى، مونتاجداۋشى، ەلەكتر مامانى، گازەلەكتردانەكەرلەۋشى سىندى ماماندىقتار بويىنشا بوس جۇمىس ورىندارى كوپ ۇسىنىلىپ وتىر. سونداي-اق، داياشى، بارمەن، ساتۋشى جانە اسپازشى سياقتى قىزمەت كورسەتۋ سالاسىنىڭ ماماندارى دا سۇرانىسقا يە ەكەندىگى بەلگىلى بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي