BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جارتى جىلدا 1 ميلليارد تەڭگەگە جۋىق اليمەنت ٴوندىرىلدى – ادىلەت مينيسترلىگى

فوتو: Бауыржан Жуасбев

ٴتيىستى شارالار پروبلەمالىق اليمەنتتەردىڭ 10%-عا تومەندەۋىنە وڭ اسەرىن تيگىزدى. ناتيجەسىندە، جارتى جىلدىڭ قورىتىندىسى بويىنشا 3 800 پروبلەمالىق وندىرىستەن 1 ميلليارد تەڭگەگە جۋىق اليمەنت ٴوندىرىلدى. بۇل تۋرالى ۇكىمەت ۇيىندە «100 ناقتى قادام» ۇلت جوسپارىنىڭ ىسكە اسىرىلۋ بارىسىنا ارنالعان ٴباسپاسوز ٴماسليحاتىندا قر ادىلەت ٴمينيسترىنىڭ ورىنباسارى جانات ەشماعامبەتوۆ مالىمدەدى، دەپ حابارلايدى baq.kz ٴتىلشىسى.

«تۇسكەن وتىنىشتەردىڭ جارتىسىن قۇرايتىن، ازاماتتار تاراپىنان ۇنەمى شاعىم تۋدىراتىن ٴوندىرىستىڭ الەۋمەتتىك ماڭىزدى ساناتتارىنىڭ ٴبىرى – اليمەنتتى وندىرۋگە اسا كوڭىل بولىنەدى. مينيسترلىك رەسپۋبليكالىق جەكە سوت ورىنداۋشىلار پالاتاسىمەن بىرلەسە اليمەنت تولەمەۋشىلەرگە ٴوندىرىپ الۋدىڭ بارىنشا كەشەندى ٴماجبۇرلى شارالارىن قابىلداۋ جۇمىسىن ۇيىمداستىردى، سونداي-اق جۇمىستى وڭتايلاندىرۋ ماقساتىندا ٴبىرقاتار شارالار قولدانىلىپ، ارنايى ورىندار قۇرىلدى»، - دەدى ول.

وسى ورايدا ۆيسە-مينيستر اتقارىلعان جۇمىستاردىڭ قورىتىندىسىن ايتتى.

«جالپى بۇل پروبلەمالىق اليمەنتتەردىڭ 10%-عا تومەندەۋىنە وڭ اسەرىن تيگىزدى. ناتيجەسىندە، جارتى جىلدىڭ قورىتىندىسى بويىنشا 3 800 پروبلەمالىق وندىرىستەردەن 1 ميلليارد تەڭگەگە جۋىق اليمەنت ٴوندىرىلدى»، - دەدى ول.

سونىمەن قاتار جانات ەشماعامبەتوۆ سوت ورىنداۋشىلارىنا تۇسەتىن ارىزداردىڭ وتكەن جىلمەن سالىستىرعاندا ازايعانىن ايتتى.

«سوت ورىنداۋشىلارعا قاتىستى مينيسترلىككە كەلىپ تۇسەتىن شاعىمداردىڭ سانى ازايدى. مىسالى، 2016 جىلدىڭ 6 ايى ىشىندە 805 نەگىزدى ارىز كەلىپ تۇسسە، اعىمداعى جىلدىڭ ٴدال وسى كەزەڭ قورىتىندىلارى بويىنشا ارىزدار سانى 3 ەسەگە دەرلىك ازايدى (337). الەمنىڭ الدىڭعى قاتارلى مەملەكەتتەرىنىڭ تاجىريبەسى كورسەتكەندەي، تيىمدىلىك دەڭگەيى ماجبۇرلەپ ورىنداۋ ۇردىستەرىنىڭ اقپاراتتىق جانە سيفرلىق تەحنولوگيالارمەن قامتاماسىز ەتىلۋىنە تاۋەلدى. جۇرگىزىلگەن جۇمىس ناتيجەسىندە بۇگىنگى كۇنى سوت ورىنداۋشىلارى 26 مەملەكەتتىك ورگانداردىڭ 52 دەرەك بازاسىنان جەدەل جانە ٴتيىمدى تۇردە اقپارات الۋدا»، - دەدى ۆيسە-مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي