BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاڭا سالىق كودەكسى سالىقتىق داۋلاردى ٴادىل قاراۋعا مۇمكىندىك بەرەدى – تيمۋر سۇلەيمەنوۆ

ۇكىمەت وتىرىسىندا ۇلتتىق ەكونوميكا ٴمينيسترى تيمۋر سۇلەيمەنوۆ جاڭا سالىق كودەكسىنىڭ جوباسىن تانىستىردى، دەپ حابارلايدى baq.kz اقپارات اگەنتتىگىنىڭ ٴتىلشىسى.

«مەملەكەت باسشىسىنىڭ «100 ناقتى قادام» ۇلت جوسپارىنىڭ 44 جانە 45-قادامدارىندا، 2015 جىلعى 30 قاراشاداعى جانە 2017 جىلعى 31 قاڭتارداعى قازاقستان حالقىنا جولداۋىندا ٴارى 2017 جىلعى 3 اقپانداعى ۇكىمەتتىڭ كەڭەيتىلگەن وتىرىسىندا بەرىلگەن تاپسىرمالارىن ورىنداۋ شەڭبەرىندە ۇلتتىق ەكونوميكا مينيسترلىگى سالالىق مينيسترلىكتەرمەن جانە «اتامەكەن» پالاتاسى بىرلەسىپ، بيزنەس قوعامداستىقپەن تىعىز ٴوزارا ٴىس-قيمىلدا جاڭا سالىق كودەكسىنىڭ جوباسىن ازىرلەدى. جالپى كودەكس جوباسىندا يدەولوگيانى وزگەرتۋ، ىنتالاندىرۋدى ەنگىزۋ جانە اكىمشىلەندىرۋدى جەڭىلدەتۋ كوزدەلگەن. يدەولوگيا ادال سالىق تولەۋشىلەردى قورعاۋعا باعىتتالاتىن بولادى. اكىمشىلەندىرۋ جەڭىلدەتىلەدى جانە سالىقتى ٴوز بەتىنشە تولەۋگە ىنتالاندىرادى»، - دەدى ول.

سونىمەن قاتار ۇلتتىق ەكونوميكا ٴمينيسترى اتالعان زاڭ جوباسىندا ەڭ ماڭىزدىسى سالىق تولەۋشىلەردىڭ مۇددەلەرى قورعالاتىنىن ايتا كەلە، زاڭ جوباسىنداعى باعىتتارعا توقتالدى.

«بىرىنشىدەن، بارلىق تۇسىنىكسىز جەرلەرى مەن قاتەلەر سالىق تولەۋشىنىڭ پايداسىنا شەشىلەتىن بولادى. مۇنداي قاعيدات سالىقتىق داۋلاردى ٴادىل قاراۋعا مۇمكىندىك بەرەدى. ەكىنشىدەن، ەگەر سالىق تولەۋشى سالىق ورگانىنىڭ تۇسىندىرۋىنە سايكەس ارەكەت ەتكەن بولسا جانە سونىڭ سالدارىنان ۇستانىم وزگەرگەن بولسا، ايىپپۇلدار مەن ٴوسىمپۇلداردى قولدانباۋ ۇسىنىلادى. ۇشىنشىدەن، تولىق ەسەپكە جازۋ نەگىزدىلىگىنە تالاپ تا كۇشەيتىلەتىن بولادى. ەندى سالىقتىق تەكسەرۋ اكتىلەرىندە ٴتيىستى نەگىزدەمەلەر بولۋى ٴتيىس. تورتىنشىدەن، بيزنەسكە زاڭناماداعى وزگەرىستەردى زەردەلەۋگە كوبىرەك ۋاقىت بەرىلەدى. تۇزەتۋلەردى 1 شىلدەدەن كەشىكتىرمەي قابىلداۋ ۇسىنىلادى. بەسىنشىدەن، جىل بويى كوپتەگەن تۇزەتۋلەردەن قورعاۋ پايدا بولادى. بارلىق تۋىنداعان تۇزەتۋلەردى شوعىرلاندىرا وتىرىپ ٴبىر زاڭ جوباسىمەن ەنگىزۋ ۇسىنىلىپ وتىر. بۇل بيزنەستىڭ سالىق كودەكسىندەگى بارلىق وزگەرىستەردەن حاباردار بولۋىنا مۇمكىندىك بەرەدى»، - دەدى مينيستر.

ٴسوز سوڭىندا ٴتيمۇر سۇلەيمەنوۆ اتالمىش جاڭا كودەكستىڭ قۇرىلىمى دا وزگەرەتىنىن اتاپ ٴوتتى.

«سونىمەن قاتار سالىق كودەكسىنىڭ قۇرىلىمى دا وزگەرەدى. ٴاربىر ٴبولىم دەربەس كورسەتىلەدى. ياعني، سالىق تولەۋشىنىڭ ٴار تيپىنە قاراي ٴوز ٴبولىمى بولادى»، - دەدى ۆەدومسۆو باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي