BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تۇركىستان جانە وتىرار قالالارىندا «پروباسيا ٴۇيى» الەۋمەتتىك ورتالىقتارى اشىلدى

وڭتۇستىك قازاقستان وبلىسىندا ەلباسىنىڭ «ۇلت جوسپارى - 100 ناقتى قادام» باعدارلاماسى قارقىندى ىسكە اسىرىلىپ جاتىر. باعدارلاما اياسىندا تۇركىستان جانە وتىرار قالالارىندا باس بوستاندىعىنان ايىرۋ ورىندارىنان بوساپ شىققان جانە پروباسيا قىزمەتىنىڭ ەسەبىندە تۇرعان سوتتالعاندارعا جەرگىلىكتى بيلىك وكىلدەرىنىڭ، ونىڭ ىشىندە قىلمىستىق-اتقارۋ جۇيەسى پروباسيا قىزمەتى قىزمەتكەرلەرىنىڭ ٴوزارا ىقپالداستىعىمەن الەۋمەتتىك-قۇقىقتىق كومەك كورسەتەتىن «پروباسيا ٴۇيى» ورتالىعى اشىلدى، دەپ حابارلايدى baq.kz اقپارات اگەنتتىگى.

تۇزەۋ مەكەمەسىنەن شىققان نەمەسە قوعامنان وقشاۋلاۋمەن بايلانىستى ەمەس جازا تۇرىنە سوتتالعاندارعا الۋمەتتىك-قۇقىقتىق كومەك كورسەتۋ جانە ولاردىڭ قوعامعا بەيىمدەلۋى باعىتىنداعى جۇمىستار بەلسەندى ىسكە اسىرىلىپ جاتىر. قاج قىزمەتكەرلەرى وسى ساناتتاعى ادامدارعا جوعالعان قۇجاتتارىن قالپىنا كەلتىرۋ، جۇمىس تاۋىپ بەرۋ، مەديسينالىق كومەك كورسەتۋگە ىقپالداسۋعا، پسيحولوگيالىق سۇيەمەلدەۋلەر جۇرگىزىپ، ٴتىپتى جەكە ٴىسىن اشۋعا، ٴتۇرلى جەڭىلدىكتەر، زەينەتاقى رەسىمدەۋ مەن الۋعا قول ۇشىن بەرەدى.

ولاردىڭ ىشىندە بۇگىنگى تاڭدا ەڭ وزەكتى جانە سۇرانىسقا يە بولىپ وتىرعانى – ەركىندىكتەگى ومىرگە بەيىمدەلۋگە، جۇمىسپەن قامتىلۋعا دەگەن ىنتا بولىپ وتىر، سونداي-اق ەڭ باستىسى سوتتالعاندار اراسىنداعى قىلمىستىڭ ازايىپ، ولاردىڭ الدىن الۋدى قامتاماسىز ەتۋ بولىپ تابىلادى.

اتالعان بارلىق قىزمەتتەر «ٴبىر تەرەزە» قاعيداتى بويىنشا كورسەتىلەتىندىكتەن، جەرگىلىكتى جەردەگى ەسەپتە تۇرعان ازاماتتاردى باقىلاۋ ايقىن ٴارى قولجەتىمدى بولادى.

بۇگىنگى كۇنى وسىنداي پروباسيالىق ورتالىقتار شىمكەنت، كەنتاۋ قالالارىندا جانە وڭتۇستىك قزاقستاننىڭ شاردارا اۋداندارىندا ٴوز جۇمىستارىن اتقارىپ جاتىر.

تۇركىستان جانە وتىرار قالالارىندا «پروباسيا ٴۇيىن» اشۋعا باستاماشىلىق جاساعان جەرگىلىكتى اتقارۋشى ورگاندارمەن ٴوزارا ىس-ارەكەتىنىڭ ناتيجەسىندە وقو بويىنشا قاج دەپارتامەنتى بولىپ وتىر.

قر ٴىىم قاج كوميتەتىنىڭ ٴباسپاسوز قىزمەتى ٴمالىم ەتكەندەي، قازىرگى تاڭدا وڭتۇستىك قازاقستاننىڭ پروباسيا قىزمەتىندە 3259 ادام ەسەپتە تۇر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي