BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سۋديالاردى ىرىكتەۋ ەرەجەسىنە وزگەرتۋلەر ەنگىزىلۋدە

فوتو: ашық дереккөзден

بارلىق سوت ساتىلارىنان وتكەن ناقتى ىستەر مەن ورەسكەل زاڭسىزدىققا جول بەرگەن سۋديالاردى اتاعانىمدا الەۋمەتتىك جەلىلەر شۋلاپ كەتتى. سوندىقتان سۋديالاردى ىرىكتەۋ ەرەجەسىنە وزگەرتۋلەر ەنگىزىلۋدە. بۇل تۋرالى قر جوعارعى سوت ٴتوراعاسى جاقىپ اسانوۆ ارىپتەستەرىنە ارناعان ۇندەنۋىندە ايتتى، دەپ حابارلايدى baq.kz ٴتىلشىسى.

«13 شىلدەدەگى جارتىجىلدىق كەڭەستە بارلىق سوت ساتىلارىنان وتكەن ناقتى ىستەر مەن ورەسكەل زاڭسىزدىققا جول بەرگەن سۋديالاردى اتاعانىمدا الەۋمەتتىك جەلىلەر شۋلاپ كەتتى. بۇل سوت اكتىلەرى «قيسىق» شىعارىلعان. ەشكىم ەشتەڭە تۇسىنبەسىن دەپ، شەشىمنىڭ ٴتىلىن بارىنشا كۇردەلەندىرىپ تاستاعان. بۇدان شىعاراتىن قورىتىندى ەكەۋ. سۋديا نە ساۋاتسىز، ياعني زاڭدار مەن سوت تورەلىگىنىڭ پرينسيپتەرىن بىلمەيدى، نە ول بىرەۋدىڭ مۇددەسىن قورعاشتايدى. «ٴبىر قۇمالاق ٴبىر قارىن مايدى شىرىتەدى»، دەيدى. بىزدە دە سولاي. سۋديانىڭ ٴبىر «سولاقاي» شەشىمى بۇكىل جۇيەمىزگە سىن تۋعىزىپ، جۇمىسىن تازا، ساۋاتتى جاساپ جۇرگەن باسقا سۋديالاردىڭ جۇمىسىنا زيانىن تيگىزەدى»، - دەگەن جاقىپ اسانوۆ ٴتىپتى، زاڭداردى وزگەرتسەك تە ونداي سۋديالاردىڭ ٴتارتىبىن تەز وزگەرتۋ ەكىتالاي ەكەنىن العا تارتتى.

ونىڭ ايتۋىنشا، «قولمەن باسقارۋ» رەجيمىنە كوشىپ، ولاردىڭ ساناسىن، ٴوي-ورىسىن وزگەرتپەسە بولمايدى.

«بىرىنشىدەن، قورىتىندى كەڭەستە اتى اتالعان سۋديالار بويىنشا سوت ٴجيۋريى ٴتيىستى تارتىپپەن ولاردىڭ جاۋاپكەرشىلىگىن قاراۋدا، ەكىنشىدەن، الداعى ۋاقىتتا دا وسىنداي ىستەر مەن فاكتىلەردى ونلاين رەجيمدە كوپشىلىك تالقىعا شىعارامىز. قىركۇيەك ايىنان باستاپ زاڭدى اياققا تاپتاعان ٴاربىر سۋديانىڭ اتىن اتايمىز»، - دەگەن جاقىپ اسانوۆ بۇل ٴماجبۇرلى شارا ەكەنىن جاسىرمادى.

جوعارعى سوت ٴتوراعاسى حابارلاعانداي، مۇنداي قادامعا بارۋ ماعان دا وڭاي ەمەس.

«مۇنىڭ ٴبارى – سوت تورەلىگىنىڭ مۇددەسى ٴۇشىن. مۇنداي قاجەتتىلىك كەيىن جويىلاتىنىنا سەنىمدىمىن. سول ٴسات نەعۇرلىم تەزىرەك كەلسە، ودان ۇتاتىن، ەڭ الدىمەن، ٴوزىمىز»، - دەدى ول.

ايتا كەتەيىك، وتكەن 8 ايدا بىردە-بىر سۋديا جۇمىسقا قابىلدانباعان. بۇگىندە ۆاكانسيا كوپ – 10%، وعان لايىقتىلاردا جەتەرلىك. الايدا، ولاردى دۇرىس ىرىكتەۋ ماقساتىندا جسك-مەن ەرەجە تۇبەگەيلى وزگەرتىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي