BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شىعىس قازاقستاندا قۇقىق قورعاۋ قىزمەتتەرى ورتالىعى اشىلدى

شىعىس قازاقستان وبلىسىنىڭ پروكۋراتۋراسى ۆوروشيلوۆ كوشەسى، 58 مەكەنجايىندا ورنالاسقان عيماراتتا قۇقىق قورعاۋ قىزمەتتەرى ورتالىعى اشىلدى، دەپ حابارلايدى baq.kz اقپارات اگەنتتىگى شقو اكىمدىگىنىڭ ٴباسپاسوز قىزمەتىنە سىلتەمە جاساپ.

سالتاناتتى ٴىس-شاراعا شىعىس قازاقستان وبلىسىنىڭ اكىمى دانيال احمەتوۆ، وبلىس پروكۋرورى قۇسايىن يگەمبايەۆ، وبلىس ٴماسليحاتىنىڭ دەپۋتاتى ۆلاديمير گولوۆاتيۋك، سونداي-اق، قۇقىق قورعاۋ ورگاندارىنىڭ باسشىلارى مەن قوعامداستىق وكىلدەرى قاتىستى.

«100 ناقتى قادام» ۇلت جوسپارىن ورىنداۋ ماقساتىندا باس پروكۋراتۋرا باستاماشىلىق تانىتىپ، وبلىستىق پروكۋراتۋرا جەرگىلىكتى اكىمدىكتىڭ قولداۋىمەن جۇزەگە اسىرعانىن اتاپ ٴوتۋ قاجەت.

«مەملەكەتتىك قىزمەتتىڭ مىندەتتەرى – ازاماتتاردى قابىلداپ، تىڭداۋ، ولاردى كابينەتتەن كابينەتكە جولداماي، بارلىق، ٴتىپتى بولماشى ماسەلەلەرىن شەشۋ قاجەت، بۇل تۋرالى ەلباسى ۇنەمى ايتادى، سوندىقتان، ورتالىقتىڭ اشىلۋى ٴبىزدىڭ اۋماق ٴۇشىن ماڭىزدى وقيعا دەپ ەسەپتەيمىن»، - دەدى د.احمەتوۆ.

«ازاماتتارعا «ٴبىر تەرەزە» قاعيداسى بويىنشا قۇقىقتىق سيپاتتاعى كونسۋلتاسيالىق كەڭەس كورسەتىلەتىن بولادى. ورتالىقتىڭ نەگىزگى ماقساتى – ازاماتتاردىڭ سەنىم دەڭگەيىن كوتەرۋ، شاعىمداردى جەدەل شەشىم، اكىمشىلىك كەدەرگىلەردى جويۋ»، - دەدى وبلىس پروكۋرورى ق.يگەمبايەۆ ٴوز سوزىندە.

شىعىس قازاقستان وبلىسىنىڭ تۇرعىندارىن وسى ورتالىقتا ادۆوكاتتار، جەكە سوت ورىنداۋشىلارى، مەدياتورلار، ادىلەت دەپارتامەنتىنىڭ، قۇقىقتىق ستاتيستيكا باسقارماسىنىڭ، حالىققا قىزمەت كورسەتۋ ورتالىعىنىڭ وكىلدەرى، پروباسيا قىزمەتكەرلەرى قابىلداپ، كونسۋلتاسيا بەرىپ، «ٴبىر تەرەزە قاعيداسى» بويىنشا تەگىن كاسىبي زاڭ كومەگىن كورسەتەدى.

ورتالىقتا بارىنشا قولايلى جاعدايلار جاسالعان، قىزمەتكەرلەرگە ارنالعان اشىق كابينەتتەر، ىڭعايلى كۇتۋ زالى، ەلەكتروندى كەزەك بار. مۇمكىندىگى شەكتەۋلى ادامدار دا ۇمىتىلعان جوق. بۇل جەردە پاندۋستار، تاكتيلدى كورسەتكىش، جازبالار، مۇگەدەكتەرگە كومەك كورسەتە الاتىن مامانداردى شاقىرۋ ٴۇشىن ارنايى تەتىكتەر ورناتىلعان.

بۇدان دا باسقا، 8(7232)700-100 تەلەفونى ارقىلى ٴارتۇرلى ماماندارعا الدىن الا جازىلۋعا بولادى.

سونىمەن قاتار، كەز كەلگەن ازامات قۇزىرەتتى ورگانعا، ونىڭ ىشىندە، ورتالىق دەڭگەيدەگى ورگاندارعا بەينەوتىنىش بەرە الادى. ورتالىقتا ازاماتتاردىڭ ۇجىمدىق ارىزدارى دا قابىلدانادى.

اي سايىن ورتالىقتا وبلىس تۇرعىندارى ٴۇشىن بارلىق قۇقىق قورعاۋ ورگاندارىنىڭ باسشىلارىنىڭ قاتىسۋىمەن قابىلداۋ جۇرگىزۋ جوسپارلانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي