BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ٴساتتى قادام» جوباسى جاس مامانداردى جۇمىسپەن قامتۋعا باعىتتالعان – ش.بايمانوۆ

فوتو: Жандос Кокумбаев

بۇگىننەن باستاپ ەلىمىز بويىنشا «ٴساتتى قادام – تاعىلىمداما» پارتيالىق جوباسىنىڭ جاڭا كەزەڭى باستاۋ الدى، دەپ حابارلايدى baq.kz ٴتىلشىسى. بۇل تۋرالى «جاس وتان» جاستار قاناتىنىڭ ٴتوراعاسى شاحماردان بايمانوۆ مالىمدەدى.

ٴتورت جىلدان بەرى جۇزەگە اسىرىپى كەلە جاتقان جوبا جوعارى وقۋ ورىندارىن ٴتامامداعان تۇلەكتەردى جۇمىسپەن قامتۋعا باعىتتالعان. ۇمىتكەر رەتىندە ٴوتىنىش بىلدىرگەن جاس ماماندار ارنايى اڭگىمەلەسۋدەن سوڭ ٴۇش ايلىق مەرزىم بويىنشا تاعىلىمنامادان وتۋگە جىبەرىلىپ، مۇمكىندىگىن سىناپ كورەدى.

«بيىل «ٴساتتى قادام جوباسىنا وزگەشە تولىقتىرۋلار ەنىپ، جۇمىسىمىزدى ەكى باعىت بويىنشا جۇرگىزگەلى وتىرمىز. وتكەن ايدا جوعارى وقۋ ورىندارى مەن كوللەدج تۇلەكتەرىنىڭ قاتارىنداعى اتا-اناسىز قالعان جاستاردى جۇمىسپەن قامتۋدى جولعا قويدىق. جوبا اياسىندا تاعىلىمداماعا قاتىسۋ ٴۇشىن قۇجاتتاردى قابىلداۋ باستالدى. بۇل جاس ماماندار ٴۇشىن الەۋمەتتىك ليفت رەتىندە اسا ماڭىزدى جوبا بولادى دەپ ۇمىتتەنەمىز»، دەدى شاحماردان بايمانوۆ.

ايتا كەتەتىنى، جوباعا قاتىسىپ تاعىلىمدامادان ٴوتۋ مۇمكىندىگىنە يە بولعان ماماندارعا «قازمۇنايگاز» اق، «قازاقستان تەمىر جولى» اق، «قازاگرو» اق، «بايتەرەك» ۇلتتىق باسقارۋشى حولدينگى اق، «قازپوچتا» اق، «قازاقتەلەكوم» اق، «kaznexinvest» اق، «قازاتومونەركاسىپ» ۇاق» اق سياقتى ەلىمىزدەگى ەڭ ٴىرى ۇلتىق كومپانيالار مەن مەملەكەتتىك ورگانداردا جولداما بەرىلەدى.

جوباعا قاتىسىپ، تاعىلىمدامادان ٴوتۋ كەزىندە جۇمىسقا ورنالاسقان دينا ابدىراحمەت مۇنداي باستامانىڭ ٴتيىمدى ەكەندىگىن ايتادى. «بۇگىندە ەڭبەك ٴوتىلىنسىز جۇمىسقا ورنالاسۋ قيىن ەكەنى بەلگىلى. جۇمىس بەرۋشى اۋەلى ەڭبەك كىتاپشاسىن سۇرايدى. سوندىقتان جاڭاشىل جوبا ارقىلى جاستارعا مول مۇمكنىدىك تۋىپ وتىر. كەزىندە مەن تاعىلىمنامادان ٴوتۋ كەزىندە ٴبىر ايدان سوڭ جۇمىسقا ورنالاسۋ تۋرالى ۇسىنىس بولدى. مەملەكەتتىك تەست تاپسىرىپ، ناتيجەسىندە جۇمىسقا ورنالاستىم. ٴبىر جىلدان بەرى قر ۇلتتىق ەكونوميكا مينيسترلىگىندە جۇمىس ىستەپ كەلەمىن»، دەيدى د.ابدىراحمەت.

اتالعان جوباعا قۇجات قابىلداۋ 20 شىلدە مەن 15 تامىز كۇندەرى ارالىعىندا وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي