BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلوداردا جەدەل جاردەم قىزمەتىنە تۇرعىنداردان كۇنىنە 800 شاقىرتۋ تۇسەدى

فوتو: Автор

پاۆلودار وبلىسىندا ەلىمىزدە العاشقىلاردىڭ ٴبىرى بولىپ جەدەل مەديسينالىق كلاستەرى قۇرىلدى. «دەنساۋلىق» باعدارلاماسى شەڭبەرىندە وڭىردەگى قالالىق جانە اۋداندىق قىزمەتتەر، سونىمەن قاتار، سانيتارلىق اۆياسيا مەكەمەلەرى ورتالىقتاندىرىلدى. ناتيجەسىندە حالىققا مەديسينالىق كومەك كورسەتۋ ساپاسى حالىقارالىق ستاندارتتارعا تەڭەستىرىلدى. سالاداعى جاعىمدى جاڭالىقتار تۋرالى baq.kz اگەنتتىگىنىڭ ٴتىلشىسى ٴبىلىپ كوردى.

قىزمەتتەگى جاڭاشىلدىقتارعا، ٴتىپتى، رەسەي، قىرعىزستان، لاتۆيا جانە ۋكراينا ەلدەرىنىڭ ماماندارى ٴتانتى.

رەسپۋبليكالىق سانيتارلىق اۆياسيا ورتالىعىنىڭ مالىمەتىنشە، ەلىمىزدە 1400-دەن استام دارىگەرلىك بريگادا كۇنبە-كۇن جۇمىسقا شىعادى. ٴبىر تاۋلىكتە 21 مىڭنان استام شاقىرۋ ٴتۇسىپ، سىرقاتتارعا ساپالى مەديسينالىق قىزمەت كورسەتىلەدى. ال ساناۆياسيالىق ۇشاقتار كۇنىنە 5-6 اۋىر ناۋقاستى اۋرۋحاناعا جەتكىزەدى. ال پاۆلودارلىق دارىگەرلەر كۇنىنە 800 شاقىرۋ الادى.

پاۆلودار وبلىستىق جەدەل مەديسينالىق ستانسياسىنىڭ باس دارىگەرى قانادان احمەتجانوۆتىڭ ايتۋىنشا، وتاندىق مەديسينا سالاسىنداعى رەفورمالار جەدەل مەديسينالىق قىزمەتتىڭ الەۋمەتتىك ماڭىزدىلىعى ارتا ٴتۇستى.

پاۆلودار وبلىسىندا گوسپيتالدىق كەزەڭدە مەديسينالىق قىزمەتتى جەتىلدىرۋ ٴىسى جۇمىس ٴۇردىسىنىڭ جاڭا ادىستەرىن ەنگىزۋ نەگىزىندە جۇرگىزىلدى. ماسەلەن، كلاستەر قۇرۋ باعىتىندا وبلىستا 12 يننوۆاسيالىق جوبا جۇزەگە اسىرىلدى.

«ناتيجەسىندە باسقارۋ جۇيەسى تولىق اتۆوماتتاندىرىلىپ، ٴار كولىكتە ناۆيگاسيالىق جۇيە ەنگىزىلدى. ٴار پاسيەنتكە ەلەكتروندىق مەديسينالىق كارتا اشىلدى. سونىمەن قاتار، تەلەمەديسينا مۇمكىندىكتەرى تولىق قولدانىلادى. وسىدان ٴتورت جىل بۇرىن جەدەل مەديسينالىق قىزمەتتىڭ جۇمىس ورنى، ياعني فەلدشەر مەن دارىگەر نوۋتبۋكتەرمەن قامتىلدى. شاقىرتۋدىڭ ەلەكتروندى كارتاسى تولتىرىلىپ، مالىمەتتەر ونلاين رەجيمدە ستانسيانىڭ جەدەل بولىمىنە جولدانادى» - دەيدى باس دارىگەر.

ايتا كەتەيىك، وبلىستا ناۋقاستىڭ ٴبىر شاقىرۋىن قابىلداۋ جانە وعان دارىگەرلەر بريگاداسىن جىبەرۋگە نەبارى 30 سەكۋند ۋاقىت جۇمسالادى. ال وقيعا جەرىنە شۇعىل جەتۋ ۋاقىتى بۇرىنعىداي 15 مينۋت ەمەس، 9 مينۋتقا ازايدى. رەسپۋبليكالىق كورسەتكىش 20 مينۋتتى قۇرايدى.

«جەدەل جاردەم قىزمەتىنىڭ قارجىلىق شىعىندارىن ازايتۋ ماقساتىندا كولىكتەردىڭ بارلىعى گاز قۇرالدارىمەن جابدىقتالدى. ناتيجەسىندە بەنزين شىعىنى 20%-عا ۇنەمدەلدى. مەديسينالىق قىزمەتكەرلەردى وقىتۋ ٴۇردىسى وڭ جولعا قويىلدى. بۇگىنگى كۇنى ٴۇش مىڭنان استام مامان مەن 456 پارامەديك بىلىكتىلىكتەرىن ارتتىردى. ال بيىلعى جىلدان باستاپ وقىتۋ حالىقارالىق ستاندارتتارعا ساي جۇرگىزىلە باستادى»، - دەيدى قانادان قاناش ۇلى.

وبلىستىق دەنساۋلىق ساقتاۋ باسقارماسىنىڭ مالىمەتىنشە، بيىل جەرگىلىكتى بيۋدجەتتەن 295 ملن. تەڭگە ٴبولىنىپ، 59 سانيتارلىق كولىك ساتىپ الىنعان. جىل سوڭىنا دەيىن تاعى 19 جەلىلى ماشينا مەن 10 رەانيموبيل قاتارعا قوسىلادى.

فوتو: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي