BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەملەكەتتىك قىزمەتشىلەر كاسىبي سويلەۋ مانەرى مەن ٴبىلىمىن شىڭداماق

تاياۋ كۇندەرى الماتى وبلىسىنىڭ مەملەكەتتىك قىزمەتشىلەرى اراسىندا مەملەكەتتىك قىزمەت ىستەرى مينيسترلىگىنىڭ الماتى وبلىسى بويىنشا دەپارتامەنتىنىڭ ۇيىمداستىرۋىمەن پىكىرسايىس (دەبات) ٴتۋرنيرى وتەدى.

بۇل رەسپۋبليكا بويىنشا تۇڭعىش رەت جەتىسۋ وڭىرىندە قولعا الىنىپ وتىرعان تىڭ باستاما. كوپشىلىك الدىندا مەملەكەتتىك قىزمەتتىڭ اتىنا نۇسقان كەلتىرمەي، ٴتۇرلى پىكىرتالاستاردا كاسىبي سويلەۋ مانەرى مەن ٴبىلىمىن، لايىقتى قابىلەتىن اشىپ كورسەتۋ داعدىلارىن قالىپتاستىرۋ، دەباتشىلار پۋلىن جاساقتاۋ ماقساتىندا ۇيىمداستىرىلاتىن يگى شارا ەلىمىزدە كاسىبي كادرلاردىڭ قاتارىن تولىقتىرۋعا جانە ٴيميدجىن كوتەرۋگە سەپتىگىن تيگىزەدى. الماتى وبلىستىق وڭىرلىك كوممۋنيكاسيالار قىزمەتىندە وتكەن بريفينگتە قر مەملەكەتتىك قىزمەت ىستەرى مينيسترلىگى الماتى وبلىسى بويىنشا دەپارتامەنتىنىڭ باسشىسى – ادەپ جونىندەگى كەڭەس ٴتوراعاسى سەرىكباي نۇرعيسايەۆ وسىلاي دەيدى. الماتى وبلىسىندا بۇگىنگى تاڭدا بارلىعى 8 مىڭنان استام مەملەكەتتىك قىزمەتكەر بار. جوعارىدا اتالعان دەبات ٴوز مارەسىنە جەتىپ، وڭ ناتيجەلەرىن بەرىپ جاتسا، كەلەشەكتە وبلىستا پىكىرتالاس اكادەمياسىن قۇرۋ جوسپارلانۋدا. بريفينگتە، سونداي-اق، حالىققا كورسەتىلەتىن مەملەكەتتىك قىزمەتتەردى كوپشىلىك ٴىس-شارالار شەڭبەرىندە كورنەكى تۇردە ۇسىنۋ ماسەلەسى قوزعالدى.

مىسالى، جىل باسىنان بەرى حالىققا 3 ملن. 200 مىڭعا جۋىق ٴتۇرلى دەڭگەيدەگى مەملەكەتتىك قىزمەت كورسەتىلگەن ەكەن. دەمەك، مەملەكەتتىك قىزمەتشىنىڭ بۇقارامەن بايلانىس ورناتۋداعى كوتەرەر جۇگى اۋىر دەگەن ٴسوز. الداعى ۋاقىتتا مەملەكەتتىك كورسەتىلەتىن قىزمەتتەر اشىق اسپان استىندا، الدە جارمەڭكە، بالكىم كورمە رەتىندە ۇيىمداستىرىلماق. مۇنداي قادام بيلىك پەن حالىقتىڭ بىر-بىرىنە ەتەنە جاقىن بولۋىنا ىقپال ەتپەك. باق وكىلدەرىمەن جيىندا سەرىكباي ورىكباي ۇلى جاڭا زاڭعا سايكەس مەملەكەتتىك قىزمەتكە قابىلداۋ تەك قانا بايقاۋ نەگىزىندە ەڭ تومەنگى لاۋازىمنان باستالاتىندىعىن جانە تابالدىرىقتان ەندى عانا اتتاعان جاس مامان الدىمەن ٴۇش اي تالىمگەردىڭ الدىنان وتەتىندىگى تۋرالى دا تارقاتىپ ايتىپ بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي