BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«مەملەكەتتىك قىزمەتشىلەردىڭ تىلدىك قۇزىرەتتىلىگىن ارتتىرۋ» پيلوتتىق جوباسى باستالدى

13 ماۋسىمدا قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىندا قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتىمەن بىرلەسە وتىرىپ، اكادەميا ۇيىمداستىرعان «مەملەكەتتىك قىزمەتشىلەردىڭ تىلدىك قۇزىرەتتىلىگىن ارتتىرۋ» پيلوتتىق جوباسى باستالدى.

مەملەكەتتىك باسقارۋ اكادەمياسى مەن تىلدەردى دامىتۋ جانە قوعامدىق-ساياسي جۇمىس كوميتەتى اراسىندا بۇگىن قول قويىلعان مەموراندۋم شەڭبەرىندە ٴبىرىنشى رەت جۇزەگە اسىرىلىپ وتىرعان جوباعا قر كونستيتۋسيالىق كەڭەسى، قر جوعارعى سوتى، قر ٴسىم، قر بعم، قر قارجى مينيسترلىگى، قر ۇلتتىق ەكونوميكا مينيسترلىگىنىڭ وكىلدەرى جانە ت.ب. قاتىسادى.

اكادەميا رەكتورى بولاتبەك ابدراسيلوۆ اتاپ وتكەندەي، «مەملەكەتتىك باسقارۋ اكادەمياسى قازىرگى ۋاقىتتا «100 ناقتى قادام» ۇلت جوسپارىن جۇزەگە اسىرۋ شەڭبەرىندە مەملەكەتتىك قىزمەتشىلەردى وقىتۋدى جەتىلدىرۋ مەن ولاردىڭ تىلدىك قۇزىرەتتىلىگىن ارتتىرۋ بويىنشا جۇيەلى جۇمىس جۇرگىزۋدە». كوميتەت باسشىسى ق. اسىلوۆ «ەلباسى بەس ينستيتۋسيونالدىق رەفورمالاردا ٴبىرىنشى باسىمدىق رەتىندە كاسىبي مەملەكەتتىك اپپاراتتى قالىپتاستىرۋدى بەلگىلەپ بەردى. ەلىمىزدىڭ جانە حالقىمىزدىڭ ستراتەگيالىق باعدارلارىن ىسكە اسىرۋ مىندەتى مەملەكەتتىك قىزمەتشىلەرگە دە جۇكتەلگەن، ولار باسقالارعا وزدەرىنىڭ كاسىبيلىگىمەن، ادالدىعىمەن، پاتريوتتىعىمەن، وتانعا دەگەن ماحابباتىمەن جانە ەلگە، قازاقستان حالقىنا قىزمەت ەتۋ ارقىلى ۇلگى بولۋى ٴتيىس»، – دەپ باسا ايتتى.

اعىمداعى جىلى مەملەكەتتىك ورگانداردىڭ كاسىبي قىزمەتتە جانە كۇندەلىكتى قارىم-قاتىناستا مەملەكەتتىك ٴتىلدى قولداناتىن 300 قىزمەتكەرىن وقىتۋ بارىسىندا وندىرىستەن قول ۇزە وتىرىپ 4 لەك بويىنشا، سونداي-اق قاشىقتىقتان تۇرىندە وقىلىم، تىڭدالىم، جازىلىم، كوپشىلىك الدىندا قازاق تىلىندە ٴسوز سويلەۋ ادىستەرى مەن يننوۆاسيالىق تەحنيكالارى وقىتىلادى. ەكى اپتالىق قاشىقتىقتان وقىتۋ كەزىندە مەڭگەرگەن بىلىك- داعدىلار پراكتيكا جۇزىندە بەكىتىلەتىن بولادى.

اكادەميانىڭ جەتەكشى ماماندارى تىلدىك دايارلىقتىڭ حالىقارالىق ستاندارتتارىنا نەگىزدەلگەن قاشىقتىقتان وقىتۋ بويىنشا سەمينارلار مەن ينتەنسيۆتى ترەنينگتەر وتكىزەدى. سونىمەن قاتار بۇگىن قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى جانە قازاقستان رەسپۋبليكاسى مادەنيەت جانە سپورت مينيسترلىگىنىڭ تىلدەردى دامىتۋ جانە قوعامدىق-ساياسي جۇمىس كوميتەتى اراسىنداعى ٴوزارا تۇسىنىستىك تۋرالى مەموراندۋمعا قول قويۋ ٴراسىمى بولىپ ٴوتتى.

مەموراندۋمعا قول قويۋ راسىمىنە اكادەميا رەكتورى بولاتبەك ابدراسيلوۆ جانە قر مادەنيەت جانە سپورت مينيسترلىگى تىلدەردى دامىتۋ جانە قوعامدىق-ساياسي جۇمىس كوميتەتىنىڭ ٴتوراعاسى قۋانىش اسىلوۆ قاتىستى.

اتالعان مەموراندۋمدا ٴتىل ساياساتى بويىنشا ٴىس-شارالاردى بىرلەسىپ ۇيىمداستىرۋ جانە ورتالىق مەملەكەتتىك ورگانداردىڭ قىزمەتكەرلەرىن مەملەكەتتىك تىلدە ىسكەرلىك تىلدىك قارىم-قاتىناس جاساۋ داعدىلارىنا وقىتۋدى كوزدەيتىن بىلىكتىلىكتى ارتتىرۋ سەمينارلارىن وتكىزۋ قاراستىرىلعان. مەملەكەتتىك قىزمەتشىلەردى وقىتۋ كەزىندە ينتەنسيۆتى- ترەنينگتىك جانە قاشىقتىقتان وقىتۋدىڭ جاڭا نىساندارى قولدانىلاتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي