BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەملەكەتتىك قىزمەتكەرلەردى تارتىپتىك جازاعا تارتۋ دەڭگەيى ازايدى – ت.دوناقوۆ

مەملەكەتتىك قىزمەت قىزمەتكەرلەردىڭ بۇزىلعان قۇقىقتارىن قالپىنا كەلتىرۋ مەن قورعاۋ بويىنشا ناقتى شارالار قابىلداندى، دەپ حابارلايدى baq.kz ٴتىلشىسى. بۇل تۋرالى مەملەكەتتىك قىزمەت ىستەرى ٴمينيسترى تالعات دوناقوۆ مالىمدەدى.

ونىڭ ايتۋىنشا، مەملەكەتتىك مەكەمەلەرگە زاڭعا قايشى كەلەتىن قابىلدانعان شەشىمدەردىڭ كۇشىن جويۋعا باعىتتالعان 138 ۇسىنىس ەنگىزىلگەن. مۇنىڭ ىشىندە 110 ۇسىنىس ورىندالىپ، زاڭعا كەرەعار دەپ تانىلعان 39 بۇيرىق نەگىزسىز دەپ تانىلدى.

«وتكەن جىلمەن سالىستىرعاندا مەملەكەتتىك قىزمەتكەرلەردى تارتىپتىك جازاعا تارتۋ كورسەتكىشى ۇشتەن ٴبىر بولىككە ازايدى. مىسالى، ٴبىرىنشى جارتىجىلدىقتا ادەپ كودەكسىنىڭ نورمالارىن بۇزعانى ٴۇشىن وبلىستىق جانە اۋداندىق دەڭگەيدەگى 115 قىزمەتشى تارتىپتىك جازاعا تارتىلدى. بۇل وتكەن جىلمەن سالىستىرعاندا 48 ادامعا از»، - دەدى مينيستر.

بۇگىندە مينيسترلىك سىبايلاس جەمقورلىقتىڭ الدىن الۋ بويىنشا ٴتيىمدى جۇيە رەتىندە تالداۋ جاساۋ ٴادىسىن قولدانىپ كەلەدى. ماسەلەن، جىل باسىنان بەرى ورتالىق مەملەكەتتىك ورگانداردىڭ ەكى قۇرىلىمدىق بولىمشەسى مەن جەرگىلىكتى اتقارۋ ورگاندارىنىڭ 76 بولىمىنە وسى تارىزدەس تالداۋ جۇرگىزىلىپ وتىر.

«سىبايلاس جەمقورلىقتى انىقتاۋ كەزىندە ەلۋدەن اسا قۇقىقتىق اكتىلەرگە جانە 56 ستاندارت پەن رەگلامەنتكە تالداۋ جاسالعان بولاتىن. سونىمەن بىرگە، ۇلتتىق كاسىپكەرلەر پالاتاسىمەن بىرگە سىبايلاس جەمقورلىقتى انىقتاۋ ٴۇشىن 380 نورمانتيۆتىك-قۇقىقتىق اكتىلەرگە تالداۋ جاسالدى»، - دەدى مينيستر تالعات دوناقوۆ.

جەمقورلىققا قارسى مادەنيەتتى قالىپتاستىرۋ بويىنشا كەشەندى جوسپار ازىرلەنىپ، توعىز جۇزگە جۋىق ماڭىزى بار ٴىس-شارالار وتكەن. بۇعان ەلىمىزدىڭ ٴار اۋماعىنان 85 مىڭ ادام قاتىستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي