BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەملەكەتتىك قىزمەتشىلەر 3 جىل سايىن بىلىكتىلىگىن ارتتىرۋ قاجەت - ٴا. كومەكبايەۆ

استانا. 7 ٴساۋىر. baq.kz - بۇل تۋرالى قر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن ٴباسپاسوز ماجىلىسىندە مەملەكەتتىك قىزمەت ىستەرى مينيسترلىگىنىڭ مەملەكەتتىك قىزمەت دەپارتامەنتىنىڭ ديرەكتورى ٴالى كومەكبايەۆ ايتتى، دەپ حابارلايدى baq.kz ٴتىلشىسى.

"مەملەكەتتىك قىزمەت ىستەر مينيسترلىگى - ٴبىرىنشى ينستيتۋسيونالدى رەفورمانى جۇزەگە اسىرۋشى ورگان رەتىندە مەملەكەتتىك قىزمەتتى جەتىلدىرۋ ٴۇشىن ٴبىرقاتار اۋقىمدى جۇمىستار جۇرگىزدى. جاڭادان قابىلدانعان "قر مەملەكەتتىك قىزمەت تۋرالى" زاڭنىڭ ناتيجەسىندە مەملەكەتتىك قىزمەتتىڭ مانساپتىق مودەلىن جۇزەگە اسىرۋدان باستاۋ الىپ، مەريتوكراتيا قاعيداتى، اشىقتىق، ادەپتىلىك، سىبايلاس، جەمقورلىققا مۇلدەم توزبەۋشىلىك نەگىزىندە جانە كومپەنتاسيالىق تاسىلدەر ارقىلى مەملەكەتتىك اپپاراتتى كاسىبيلەندىرۋدىڭ وڭتايلى ولشەمدەرىنە ايتارلىقتاي جاقىنداتتى. بيىلعى جىلدان باستاپ، مەملەكەتتىك قىزمەتكە كانديداتتاردى ىرىكتەۋ كەزىندە جەكە قاسيەتتەرىن اۆتوماتتاندىرىلعان تۇردە باعالاۋ ٴادىسى قولدانىلۋدا. بۇل ٴوز كەزەگىندە مەملەكەتتىك قىزمەتتىڭ شىنايىلىعىن انىقتايدى. سونىمەن قاتار ۇمىتكەرلەردىڭ بازالىق دەڭگەيىن باعالاۋ ٴۇشىن ٴۇش ساتىلى ىرىكتەۋ جۇيەسى ەنگىزىلدى"، - دەيدى ٴا.كومەكبايەۆ.

دەپارتامەنت ديرەكتورى مەملەكەتتىك قىزمەتشىلەردىڭ بىلىكتىلىگىن ارتتىرۋ ماقساتىندا ولاردى وقىتۋعا دا اسا قاتتى ٴمان بەرىلىپ جاتقانىن ايتادى.

"مەملەكەتتىك قىزمەتشىلەردى وقىتۋعا اسا قاتتى ٴمان بەرىلۋدە. العاش رەت مەملەكەتتىك قىزمەتشىلەر وقىتۋعا بايلانىستى "قر مەملەكەتتىك قىزمەت تۋرالى" زاڭىنا بولەك تاراۋ ەنگىزىلگەن. زاڭناماعا سايكەس مەملەكەتتىك قىزمەتشىلەر 3 جىلدا ٴبىر رەت بىلىكتىلىگىن ارتتىرۋ قاجەت"، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي