BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەملەكەت باسشىسى قۇقىق قورعاۋ جۇيەسىن رەفورمالاۋ جونىندە كەڭەس وتكىزدى

مەملەكەت باسشىسىنىڭ توراعالىعىمەن قازاقستاننىڭ قۇقىق قورعاۋ جۇيەسىن رەفورمالاۋ ماسەلەلەرى جونىندەگى كەڭەس ٴوتتى، دەپ حابارلايدى baq.kz اقپارات اگەنتتىگى اقوردانىڭ ٴباسپاسوز قىزمەتىنە سىلتەمە جاساپ.

كەڭەسكە پرەزيدەنت اكىمشىلىگىنىڭ باسشىسى ٴا.جاقسىبەكوۆ، جوعارعى سوت ٴتوراعاسى ق.ٴمامي، پرەزيدەنت اكىمشىلىگى باسشىسىنىڭ ورىنباسارى ت.دوناقوۆ، باس پروكۋرور ج.اسانوۆ، ۇلتتىق قاۋىپسىزدىك كوميتەتىنىڭ ٴتوراعاسى ك.ٴماسىموۆ، مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ ٴتوراعاسى ق.قوجامجاروۆ، ىشكى ىستەر ٴمينيسترى ق.قاسىموۆ، ادىلەت ٴمينيسترى م.بەكەتايەۆ، قارجى ٴمينيسترى ب.سۇلتانوۆ قاتىستى.

نۇرسۇلتان نازاربايەۆ «100 ناقتى قادام» ۇلت جوسپارىن ىسكە اسىرۋ اياسىندا زاڭنىڭ ۇستەمدىگىن قامتاماسىز ەتۋدىڭ ماڭىزدىلىعىنا نازار اۋدارىپ، وسى باعىتتا دايىندىق جۇمىستارىن ساپالى جۇرگىزۋ قاجەتتىگىن ايتتى.

«ٴبىز بۇگىن قىلمىستىق قۋدالاۋ جۇيەسىن جاڭعىرتۋدىڭ بازالىق باعىتتارىن جەتىلدىرۋ جونىندەگى ماسەلەنى قاراستىرىپ وتىرمىز. سولاردىڭ قاتارىندا، قىلمىس پروسەسىندە ازاماتتاردى قورعاۋ دەڭگەيىن ارتتىرۋ، تەرگەۋ جۇرگىزۋ ٴتارتىبىن وڭتايلاندىرۋ، قىلمىس پروسەسىندەگى جارىسپالىلىق، سوتقا دەيىنگى ساتىدا سوت باقىلاۋىن ودان ٴارى كۇشەيتۋ، قىلمىستىق قۋدالاۋ، پروكۋراتۋرا جانە سوت ورگاندارى اراسىنداعى وكىلەتتىكتەردىڭ قايتالانۋىن بولدىرماۋ جانە ولاردى ناقتى ٴبولۋ»، – دەدى ەلباسى.

سوڭىندا قازاقستان پرەزيدەنتى ٴبىرقاتار ناقتى تاپسىرما بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي