BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كسرو كەزىنەن ساناعا ٴسىڭىپ كەتكەن ستاتيستيكاعا جۇمىس ىستەۋدى دوعارۋ كەرەك – ج. اسانوۆ

ٴبىرىنشى جارتىجىلدىقتىڭ قورىتىندىلارىنا ارنالعان باس پروكۋراتۋرا القاسىنىڭ جينالىسىندا جاقىپ اسانوۆ پروكۋراتۋرا ورگاندارىنىڭ جۇمىسىن باعالاۋدىڭ ۇستانىمدارىن تۇبەگەيلى وزگەرتۋ قاجەتتىلىگىن ايتتى.

«ستاتيستيكاعا جۇمىس ىستەۋگە ۇيرەنىپ الدىق. سيفرلاردىڭ استىنان ادامداردى كورمەيمىز. بۇل كەڭەستىك كەزەڭنەن بەرى ارىپتەستەرىمىزدىڭ ساناسىنا سىڭگەن. بۇل بارلىعىنا ىڭعايلى. كورسەتكىشتەردى سۋرەتتەپ سالۋ وڭاي. ميىمىزدى تالداۋمەن جۇكتەمەيمىز. شاعىن عانا ٴوسىم جاقسى جاعدايدىڭ كورىنىسىن عانا بەرەدى. ال ەگەر ٴوسىم بولماسا، ايلا-امالدار جاسالادى. سوندىقتان پروفيلاكتيكا جۇرگىزۋگە ەشكىم مۇددەلى ەمەس. مۇنى تۇبەگەيلى وزگەرتۋ كەرەك. قىزمەتكەر ٴاربىر ٴىس، شاعىم ٴۇشىن جەكە جاۋاپتىلىقتى سەزىنۋگە ٴتيىس. ٴاربىر پروكۋراتۋرادا ەكى ٴتىزىلىم ەنگىزۋدەن باستايىق. بىرەۋى - انىق بۇزۋشىلىقتار. ەكىنشىسى – وڭ تاجىريبەلەر ٴتىزىلىمى. ٴوزىن كورسەتكەن، باستاما بىلدىرگەن جانە ۇلگى بولعاندار – «ۇزدىكتەر» تىزىىمىنە. ال مەملەكەتتىك ايىپتاۋدى ساپاسىز قولداعاندار، ٴىستى ناشار قاراپ، شاعىمعا ناشار جاۋاپ بەرگەندەر – «ەكىلىكتەر» تىزىلىمىنە. باسشىلار دا قالىس قالمايدى، قاراماعىنداعىلار بويىنشا باعالاناتىن بولادى»،–دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي