BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كوماندامەن قىزمەت اۋىستىرۋ جىل باسىنان بەرى 10 ەسەگە ازايدى – ن.نازاربايەۆ

«100 ناقتى قادام - ۇلت جوسپارىن» جۇزەگە اسىرۋ بويىنشا جىل باسىنان بەرى ەلىمىزدە كوماندامەن قىزمەت اۋىستىرۋ دەرەكتەرى ون ەسەگە قىسقارىپتى. بۇل تۋرالى «روسسيا24» تەلەارناسىنا بەرگەن سۇحباتىندا قر پرەزيدەنتى ن.نازاربايەۆ «100 قادامنىڭ قانشاسى ورىندالدى؟» دەگەن ساۋالعا جاۋاپ بەرۋ كەزىندە اتادى.

سۇحبات بارىسىندا ەلباسى ەلدەگى جاعدايدى اتاي كەلە: «2015 جىلى قازاقستاندا پرەزيدەنت سايلاۋى ٴوتتى. سايلاۋدا حالىقتىڭ 98 پايىزى ماعان داۋىس بەردى. سول كەزدە مەنىڭ سايلاۋالدى تۇعىرنامام «بەس ينستيۋتتىق رەفورما» بولدى. ٴقازىر سول رەفورمانى جۇزەگە اسىراتىن ۋاقىت جەتتى. بۇعان دەيىن ٴبىز رەسۋرس جيناپ، قوعامدى دايىندادىق»، - دەدى.

«بۇل رەفورمانىڭ ٴبىرىنشىسى - مەملەكەتتىك قىزمەتتەگى رەفورما بولاتىن. ەكىنشىسى، زاڭنىڭ ۇستەمدىگى. ٴۇشىنشىسى - ەكونوميكا، شاعىن جانە ورتا بيزنەستى قولداۋ. ٴتورتىنشىسى - حالىق بىرلىگى. بەسىنشى - اشىق ٴارى ەسەپ بەرەتىن ۇكىمەت. بۇل بىلتىر جاريا ەتىلگەن رەفورما. بىلتىر ٴبىز جىل بويى وسى رەفورمالاردىڭ زاڭنامالىق بازاسىن قامتۋمەن جۇمىس ىستەدىگەن بولاتىنبىز. ەلىمىزدىڭ پارلامەنتى مەن ۇكىمەتى بەلسەندى جۇمىس ىستەپ، 59 زاڭدى قابىلدادى. مىنە، وسى جىلدىڭ باسىنان بەرى، ٴتورت اي بويى رەفورمالاردى جۇزەگە اسىرىپ كەلەمىز. وسى ۋاقىت ىشىندە 100 قادامنىڭ 25 قادامى ورىندالىپ، ىسكە قوسىلدى»، - دەدى ن.نازاربايەۆ.


سونىمەن بىرگە، مەملەكەت باسشىسى مەملەكەتتىك قىزمەتتى جەتىلدىرۋ سالاسىنا دا توقتالىپ ٴوتتى.
«مەملەكەتتىك قىزمەتتى جەتىلدىرۋ پۋنكتى بويىنشا ەشكىم دە جوعارى لاۋازىمعا ٴبىر اتتاپ قول جەتكىزە المايدى. كەز كەلگەن مەملەكەتتىك قىزمەتكەر ساتى-ساتىسىمەن ٴوسىپ، جوعارى لاۋازىمعا لايىقتىلار عانا قول جەتكىزەدى. ياعني، الدىمەن تەست تاپسىرادى، ەمتيحان تاپسىرادى، پراكتيكادان وتەدى، وقيدى. جانە دە بۇرىنعىداي، شەنەۋنىك ارتىنان ٴوز توبىن ەرتىپ كەلە المايدى. ٴبىرىنشى توقساننىڭ وزىندە وسىنداي جاعداي ون ەسەگە ازايعان»، - دەدى قر پرەزيدەنتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي