BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەلىمبەتوۆ احقو-نىڭ حالىقارالىق تانىستىرىلىمى قاشان وتەتىنىن ايتتى

2017 جىلدىڭ جەلتوقسان ايىندا «استانا» قارجى ورتالىعىنىڭ حالىقارالىق تانىستىرىلىمىن وتكىزۋدى جوسپارلاپ وتىرمىز. بۇل تۋرالى ۇكىمەتتىڭ ٴباسپاسوز ورتالىعىندا وتكەن بريفينگتە اتالعان ورتالىقتىڭ باسقارۋشىسى قايرات كەلىمبەتوۆ ايتتى، دەپ حابارلايدى baq.kz ٴتىلشىسى.

«ٴبىز قۇجاتتاردى قابىلداۋدى جىلدىڭ اياعىنا دەيىن جۇرگىزەمىز. ال اعىمداعى جىلدىڭ جەلتوقسان ايىندا «استانا» قارجى ورتالىعىنىڭ حالىقارالىق تانىستىرىلىمىن وتكىزۋدى جوسپارلاپ وتىرمىز»، - دەدى ول.

سونىمەن قاتار باسشى «استانا» حالىقارالىق قارجى ورتالىعىنىڭ عيماراتتارى «ەكسپو-2017» كورمەسىنىڭ قاي بولىگىندە ورنالاساتىنىن تىلگە تيەك ەتتى.

«استانا ەكسپو-2017» ۇلتتىق كومپانياسى «ەكسپو» اۋماعىندا رەكونسترۋكسيا جۇرگىزگەننەن كەيىن وسى اۋماقتا ورنالاساتىن نەگىزگى كومپانيالاردىڭ ٴبىرى بولامىز. ەلباسى «ەكسپو» كورمەسىندەگى حالىقارالىق №3،4 پاۆيلوندار ياعني «مega silk way» ويىن-ساۋىق ورتالىعىنىڭ جانىندا ورنالاسقان عيماراتتاردا ٴبىزدىڭ نەگىزگى ينستيتۋتتار ورنالاسادى»، - دەدى قايرات كەلىمبەتوۆ.

ايتا كەتەيىك، قايرات كەلىمبەتوۆ «ەكسپو-2017» كورمەسىنىڭ اۋماعى زاماناۋي ۇلگىدە تەحنولوگيالاردى قولداناتىن ورتالىققا اينالاتىنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي