BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەلەسى جىلى زەينەتاقىنىڭ ورتاشا مولشەرى 70 مىڭ تەڭگەدەن اسادى

ەڭبەك جانە حالىقتى الەۋمەتتىك قورعاۋ ٴمينيسترى تامارا دۇيسەنوۆا وبلىستار جانە استانا، الماتى قالالارى اكىمدەرىنىڭ ورىنباسارلارىمەن حالىقتى الەۋمەتتىك قامسىزداندىرۋ جانە جۇمىسپەن قامتۋ ماسەلەلەرى جونىندە جيىن وتكىزدى، دەپ حابارلايدى baq.kz اقپارات اگەنتتىگى.

كۇن تارتىبىندە اتاۋلى الەۋمەتتىك كومەكتىڭ (ااك) جاڭا سيپاتىن قولدانىسقا ەنگىزۋ، بازالىق زەينەتاقىنى تاعايىنداۋ ادىستەمەسىن وزگەرتۋ جانە ٴوزىن جۇمىسپەن قامتىعان تۇرعىندارمەن جۇمىس ىستەۋ ماسەلەسى تالقىلاندى.

«ەگەر قازىرگى تاڭدا ااك تابىسى كۇنكورىس دەڭگەيىنەن 40% تومەن ادامدار مەن وتباسىلارعا قارجىلاي كومەك رەتىندە بەرىلەتىن بولسا، جاڭا جىلدان باستاپ جان باسىنا شاققانداعى تابىسى كۇنكورىس دەڭگەيىنىڭ 50%-نان تومەن وتباسىلارعا بەرىلەدى. سونىمەن بىرگە، جاڭا سيپاتتاعى ااك - قازىرگى تاڭداعى ااك، بالالار جاردەماقىسى جانە ارنايى مەملەكەتتىك جاردەماقى سەكىلدى 3 الەۋمەتتىك تولەمنىڭ ورنىنا ٴبىرىڭعاي جاردەماقى تۇرىندە تولەنەدى. ەڭ باستى ەسكەرەتىن جايت، جاڭا ااك مولشەرى جوعارىدا اتالعان 3 ٴتۇرلى جاردەماقىنىڭ جالپى سوماسىنان جوعارى بولادى. وسىلايشا، جاڭا ااك تەك قانا قارجىلاي جاردەماقى عانا ەمەس، كەدەيلىك دەڭگەيىنەن شىعۋدىڭ كەشەندى شاراسى بولماق. جاردەماقىنىڭ قولجەتىمدىلىگى مەن بيزنەس-پروسەستەردى وڭتايلاندىرۋ ماقساتىندا جۇمىستى ٴبىر تەرەزە جۇيەسىمەن جۇمىسپەن قامتۋ ورتالىقتارى ارقىلى جۇرگىزۋ ۇسىنىلادى»، - دەدى مينيستر.

ەڭبەك جانە حالىقتى الەۋمەتتىك قورعاۋ ٴمينيسترى كەلەر جىلدان باستاپ بازالىق زەينەتاقى تاعايىنداۋ تەتىگى وزگەرەتىنىن اتاپ ٴوتتى.

2018 جىلدىڭ 1 قاڭتارىنان باستاپ مەملەكەت باسشىسىنىڭ تاپسىرماسىنا ساي، ىنتىماقتى زەينەتاقى 8 پايىزعا وسەدى. بازالىق زەينەتاقى باسقا دا جاردەماقى تۇرلەرى سياقتى 6 پايىزعا كوبەيەدى. وسىلايشا زەينەتاقىنىڭ تومەنگى مولشەرى كەلەسى جىلى 49 019 تەڭگەنى قۇراپ، ورتاشا دارەجەسى 71 333 تەڭگەنى توڭىرەكتەمەك.

«قازىرگى ۋاقىتتا بازالىق زەينەتاقى زەينەت جاسىنا جەتكەندەرگە بارىنە بىردەي ەڭبەك ٴوتىلىن جانە زەينەتاقى جيناعىن قالىپتاستىرۋعا قاتىسۋدى ەسكەرۋسىز تاعايىندالادى. كەلەسى جىلدان بازالىق زەينەتاقى جۇيەگە قاتىسۋ وتىلىنە قاراي بەرىلەدى. وسى ورايدا 1998 جىلدان كەيىنگى جيناقتاۋشى زەينەتاقى جۇيەسىنە تۇسكەن زەينەتاقى جارنالارى عانا ەسەپتەلىنىپ قويماي، 1998 جىلعا دەيىنگى دە ەڭبەك ٴوتىلى نازارعا الىنباق»، - دەپ ٴتۇسىندىردى تامارا دۇيسەنوۆا.

مۇنداي ٴادىس 30-40 جىل ەڭبەك ٴوتىلى بولسا دا، تومەن زەينەتاقى الىپ وتىرعان ادامدارعا قاتىستى ادىلدىك ورناتادى. 1998 جىلعا دەيىن جانە ودان كەيىن 33 جىلدان استام جۇمىس ىستەگەن تۇلعالارعا بازالىق زەينەتاقى قازىرگىدەن ەكى ەسەگە كوبەيەدى. ەگەر بۇل سوما ٴقازىر 14 مىڭ تەڭگەنى كورسەتسە، 2018 جىلدىڭ 1 شىلدەسىنەن زەينەتكەرلەردىڭ اتالعان توبى ىنتىماقتى جانە جيناقتاۋشى زەينەتاقىعا قوسا 28 مىڭ تەڭگە الادى.

10 جىلدان اسقان ٴار جىل سايىن بازالىق زەينەتاقى 2 پايىزعا وسپەك. ماسەلەن، 20 جىلدىق ەڭبەك وتىلىندە بازالىق زەينەتاقى ەڭ تومەنگى كۇنكورىس دەڭگەيىنىڭ 74%-ىن قۇراسا، 30 جىلدا 94%-دى مەجەلەمەك.

ٴوزىن جۇمىسپەن قامتىعان تۇرعىندار قىزمەتىن رەتتەۋدە 2018-2019 جىلدارعا ارنالعان جول كارتاسى جاسالىپ جاتىر.

تامارا دۇيسەنوۆا ۇكىمەتتىڭ الەۋمەتتىك سالادا جۇرگىزىپ وتىرعان ساياساتىن وڭىرلەردە ٴتۇسىندىرۋ جۇمىستارىن جانداندىرۋ قاجەتتىگىن اتاپ ٴوتتى.

ەستەرىڭىزگە سالا كەتەيىك، 2018 جىلدىڭ 1 قاڭتارىنان باستاپ، ەلباسىنىڭ «ۇلت جوسپارى – 100 ناقتى قادام» يدەياسى مەن حالىققا جولداۋىنان تۋىندايتىن تاپسىرمالاردى جۇزەگە اسىرۋ ماقساتىندا الەۋمەتتىك-ەڭبەك سالاسىن جاڭعىرتۋعا باعىتتالعان كەشەندى شارالار جۇزەگە اسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي