BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىقتار شەتەلدەگى مۇلكىن زاڭداستىرۋعا اسىقپايدى

استانا. 14 ماۋسىم. baq.kz – بۇگىندە اقشانى زاڭداستىرۋدىڭ ەكى جولى بار. ٴبىرىنشى ادىسكە سايكەس، قارجىنى بانك ەسەپ-شوتىنا سالۋعا بولادى. وندايدا 10 پايىزدىق اقى الىنبايدى. ال ەكىنشى ٴادىس بويىنشا شەتەلدەگى قارجىنى بانك ەسەپ-شوتىنا سالماي، ارىز جازىپ كورسەتۋگە مۇمكىندىك جاسالعان. ٴبىراق ول كەزدە 10 پايىزدىق الىم ەسەپتەلەدى. ونىڭ سىرتىندا مۇلىكتى دە زاڭداستىرۋعا بولادى. ۇكىمەتتىڭ بۇگىنگى وتىرىسىندا قارجى ٴمينيسترى باقىت سۇلتانوۆ وسى ناۋقاننىڭ الدىن الا قورىتىندىسىن جاريالادى، دەپ حابارلايدى baq.kz ٴتىلشىسى.

رەسمي مالىمەتكە سايكەس، بۇگىنگى تاڭدا مۇلىكتى زاڭداستىرۋعا تۇسكەن وتىنىشتەردىڭ جالپى سومماسى 1،8 ترلن. تەڭگەگە جەتتى. سونىڭ ىشىندە قازاقستانداعى مۇلىك (687 ملرد. تەڭگە) جانە قازاقستان ازاماتتارىنىڭ شەتەلدەگى مۇلكى (2 ملرد. تەڭگە) بار، قالعانى (978 ملرد. تەڭگە) – اقشا. قازىرگى كەزدە اقشا مەن مۇلىكتىڭ 1،6 ترلن. تەڭگەسى زاڭداستىرىلدى. وسىنىڭ بارلىعى 91 مىڭ ازاماتقا تيەسىلى.

قارجى ٴمينيسترى باقىت سۇلتانوۆتىڭ سوزىنە قاراعاندا، قازاقستاندىقتاردىڭ باسىم بولىگى اقشانى زاڭداستىرۋدىڭ ٴبىرىنشى جولى - بانك ەسەپ-شوتتارىنا سالۋدى تاڭداعان. وسى ۋاقىتقا دەيىن زاڭداستىرۋعا تۇسكەن قارجىنىڭ تۇگەلى دەرلىك (978 ملرد. تەڭگە) بانك ەسەپ-شوتتارىنا سالىندى. الايدا ەكىنشى جولدى تاڭداعاندار دا بار. 24 ادام 10 پايىزدىق الىم-سالىققا قاراماي، 1 ملرد. تەڭگەسىن قاعازبەن كورسەتىپ زاڭداستىرعان.

«جالپى، زاڭداستىرۋ قارقىنى كۇشەيدى. دەگەنمەن، باتىس قازاقستان، قىزىلوردا مەن پاۆلودار وبلىستارىندا سوڭعى جارتى جىلدا جىلجىمايتىن مۇلىك بويىنشا زاڭداستىرۋ شارالارىنىڭ قارقىنى 2-3 ەسەگە تومەندەپ وتىر»، - دەيدى ب.سۇلتانوۆ.

ايتا كەتەيىك، بانك ەسەپ-شوتتارىنا تۇسكەن قارجى تۋرالى اقپارات قۇپيا بولىپ سانالادى. ونى جاريا ەتكەنى ٴۇشىن قىلمىستىق جازا قاراستىرىلعان. پرەزيدەنت نۇرسۇلتان نازاربايەۆتىڭ ايتۋىنشا، زاڭداستىرۋ ناۋقانى اياقتالعاننان كەيىن بارلىق قازاقستاندىقتاردىڭ شەتەلدەگى ەسەپ-شوتتارى تەكسەرىلەتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي