BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق سوتتالعان ايەلدەر حالىقارالىق كوركەمونەر بايقاۋىندا جۇلدەلى ورىن الدى

ماسكەۋدە وتكەن حالىقارالىق كوركەمونەر بايقاۋىندا پەتروپاۆل قالاسىندا جازاسىن وتەپ جاتقان سوتتالعان ايەلدەر جۇلدەلى ورىندارعا يە بولدى، دەپ حابارلايدى ۆaq.kz اقپارات اگەنتتىگى.

باس بوستاندىعىنان ايىرۋ ورىندارىندا سوتتالعاندار اراسىندا ولاردىڭ تۇزەلۋىنە باعىتتالعان ٴىس-شارالار كەشەنى تۇراقتى تۇردە وتكىزىلىپ وتىرادى. ونىڭ ىشىندە جازاسىن وتەۋشىلەردىڭ ادامگەرشىلىك-ەستەتيكالىق تۇرعىداعى تاربيەسىنە ەرەكشە كوڭىل بولىنەدى.

«پەتروپاۆل-بۋلايەۆ ەپارحياسىنىڭ وكىلى سولتۇستىك قازاقستاندا ورنالاسقان ەس-164/6 مەكەمەسىنە كەزەكتى رەت بارعاندا سوتتالعانداردىڭ كوركەم شەبەرلىگىنە نازار اۋدارىپ، ولاردىڭ سالعان سۋرەتتەرىنە ٴتانتى بولدى. ٴدىن وكىلى وسى سۋرەتتەردى حالىقارالىق پروۆاسلاۆتى كوركەم سۋرەت بايقاۋىنا قاتىسۋعا ۇسىندى جانە ول ۇسىنىستى وڭىرلىك قاج دەپارتامەنتىنىڭ باسشىلىعى قولدادى»، - دەيدى سقو بويىنشا قاج دەپارتامەنتى باستىعىنىڭ ورىنباسارى ادىلەت مۇستافينوۆ.

قىلمىستىق-اتقارۋ جۇيەسى مەكەمەسىنىڭ اكىمشىلىگى بايقاۋعا قاتىسقان ٴۇش ونەرپازدىڭ شىعارماشىلىقپەن اينالىسۋىنا بارلىق جاعدايدى جاسادى. ۇزدىك دەپ تانىلعان جۇمىستاردى ماسكەۋ قالاسىندا وتكەن قازاقستان، رەسەي، بەلارۋس جانە وزگە دە ەلدىڭ ونەرلى ادامدارى قاتىسقان حالىقارالىق بايقاۋعا ٴدىن قىزمەتكەرى سەرافيمنىڭ ٴوزى اپاردى.

قازاقستاندىق جازاسىن وتەۋشى ايەلدەردىڭ تۋىندىلارى بايقاۋدى ۇيىمداستىرۋشىلاردىڭ، پراۆوسلاۆتى شىركەۋ قىزمەتكەرلەر مەن كاسىبي سۋرەتشىلەر تاراپىنان جوعارى باعاعا يە بولدى.

جارىس قورىتىندىسى بويىنشا 1-دارەجەلى جۇلدەلى ورىن قازاقستان رەسپۋبليكاسى بويىنشا ەس-164/6 مەملەكەتتىك مەكەمەسىنە، ال ٴبىرىنشى ورىن قۇداي انا بەينەسىندەگى «مەيىرىم» (ۋميلەنيە) يكوناسىنىڭ اۆتورى ۆ.وكساناعا بۇيىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي