BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا انىقتالعان كونتراباندا كولەمى 3 ملرد تەڭگەدەن استى

قازاقستاندا 2018 جىلدىڭ ٴى توقسانىندا بەكىتىلگەن كونتراباندالىق تاۋاردىڭ سوماسى 2017 جىلدىڭ سايكەسىنشە كەزەڭىمەن سالىستىرعاندا ەكى ەسە ارتتى. بۇل تۋرالى baq.kz اقپارات اگەنتتىگى مەملەكەتتىك كىرىستەر كوميتەتىنە سىلتەمە جاساپ حابارلايدى.

ۆەدومستۆودان حابارلاعانداي، وتكەن جىلدىڭ قاڭتار-ناۋرىز ايىندا 1،7 ملرد تەڭگەنىڭ زاڭسىز تاۋارى انىقتالسا، اعىمداعى جىلى ول 3،3 ملرد تەڭگەگە دەيىن ارتتى.

«تاۋارلاردىڭ ەكونوميكالىق كونترابانداسى كوبىنە قىتايدان اكەلىنەدى. سونىمەن قاتار، تۇركيا، ٴباا، وزبەكستان، يران، بالتىق ەلدەرى (لاتۆيا مەن ليۆي) جانە وزگە دە مەملەكەتتەردەن كونتراباندالىق جولمەن تاۋار اكەلىنەدى»، - دەلىنگەن كوميتەتتىڭ حابارلاماسىندا.

كوميتەتتەن تولىقتىرىپ كەتكەندەي، قازاقستاننان «كونتارباندالىق» تاۋارلاردىڭ ەكسپورتى كەزىندە ٴبىرقاتار قىلمىستىق ٴىس تىركەلگەن. سونىمەن، 2017 جىلى مەملەكەتتىك كىرىستەر ورگانى كەدەن سالاسىندا 155 قىلمىستىق ٴىستى تىركەدى، ال 2018 جىلدىڭ i توقسانىندا 36 ٴىس تىركەلدى.

ەستەرىڭىزگە سالا كەتەيىك، جاقىندا عانا ەلىمىزدە العاش رەت ەلەكتروندىق دەكلاراسيالاۋ جۇزەگە اسىرىلىپ، ەنگىزىلدى. ەلەكتروندىق دەكلاراسيالاۋ سىرتقى ەكونوميكالىق قىزمەت قاتىسۋشىلارىنا ۇيدەن نەمەسە وفيستەن شىقپاي-اق، الەمنىڭ كەز-كەلگەن نۇكتەسىنەن كەدەندىك دەكلاراسيانى تاپسىرۋىنا مۇمكىندىك بەرەدى (لوگينى جانە ەلەكتروندى-سيفرلىق قولتاڭباسى بولعان جاعدايدا).

«استانا-1» اج ۇلت جوسپارىنىڭ 38-قادامىن جۇزەگە اسىرۋ شەڭبەرىندە ەلەكتروندىق دەكلاراسيالاۋدى دامىتۋ ماقساتىندا ازىرلەنىپ، ەنگىزىلدى. جاڭا اقپاراتتىق جۇيە دسۇ نورمالارىنا، حالىقارالىق ستاندارتتارعا جانە وزىق تاجىريبەلەرگە سايكەس ازىرلەنگەن، ەكسپورت جانە يمپورت ٴۇشىن قۇجاتتار كولەمىن، سونداي-اق ولاردى وڭدەۋ ۋاقىتىن قىسقارتۋعا، باسقاشا ايتقاندا، كەدەندىك راسىمدەردى وڭتايلاندىرۋعا مۇمكىندىك بەرەدى»، - دەلىنگەن كوميتەتتىن حابارلاماسىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي