BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا العاش رەت «وڭالتۋ تۇرمەسى» پيلوتتىق جوباسى قولعا الىندى

فوتو: ҚАЖ комитетінің баспасөз қызметі

بۇگىن قاراعاندى وبلىسىنىڭ شاحتينسك قالاسىندا ەلىمىزدەگى پەنيتەنسيارلىق جۇيەنىڭ ەكى تۇزەۋ مەكەمەسىندە العاش رەت «وڭالتۋ تۇرمەسى» پيلوتتىق جوباسى ىسكە قوسىلدى، دەپ حابارلايدى ۆaq.kz اقپارات اگەنتتىگى.

جوبا قاراعاندى وبلىسىندا ورنالاسقان اك-159/18 (قاراباس ك.)، اك-159/20 (دولينكا ك.) مەكەمەلەرىندە ەلباسىنىڭ «ۇلت جوسپارى: 100 ناقتى قادام» جولداۋىنىڭ 33-قادامى اياسىندا ىسكە اسىرىلادى.

شاحتينسك قالاسى اكىمىنىڭ ورىنباسارى قايىرجان تىلەۋبەرگەنوۆ جوبانى ازىرلەۋگە مۇددەلى مەملەكەتتىك ورگاندار، ۇلتتىق جانە شەتەلدىك ساراپشىلار، سونداي-اق، ٴتۇرلى ۇكىمەتتىك ەمەس ۇيىمنىڭ جانە ەۋروپالىق كەڭەستىڭ «قازاقستانداعى ٴادىل سوتتى جەتىلدىرۋ» جوباسى وكىلدەرىنىڭ قاتىسقانىن اتاپ ٴوتتى.

قازاقستان رەسپۋبليكاسىنىڭ قىلمىستىق-اتقارۋ كودەكسىنە سايكەس سوتتالعانداردى قايتا الەۋمەتتەندىرۋ جانە وڭالتۋ تۇراقتى تۇردە جۇزەگە اسىپ وتىرعانىنا قاراماستان، اتالعان جوبا ماڭىزدى جاڭالىق ەنگىزگەلى وتىر.

بىرىنشىدەن، جوبا باس بوستاندىعىنان ايىرۋ ورىندارىنان بوساتىلۋىنا 6-12 اي قالعاندار مەن شارتتى تۇردە مەرزىمىنەن بۇرىن بوساتىلعاندارعا قاتىستى قولدانىلاتىن بولادى.

وسى ماقساتتا «وڭالتۋ تۇرمەسىنىڭ» اياسىندا الەۋمەتتىك-قۇقىقتىق كومەك كورسەتۋدىڭ تولىقتاي كەشەنى قاراستىرىلعان.

وقىتۋ بارىسىندا پيلوتتىق جوبانى جۇزەگە اسىرۋشىلاردىڭ قۇزىرەتتىلىگى مەن داعدىلارى، ماقساتتارى مەن مىندەتتەرى ايقىندالادى. سوتتالعانداردىڭ قاجەتتىلىكتەرى مەن تاۋەكەلدەرىنە (اشۋ-ىزانى باسقارۋ، تاۋەلدىكلىكتى ەمدەۋ، قارجىلىق ساۋاتتىلىق، ٴتۇرعىن-ۇي باعدارلامالارى ت.ب.) باعىتتالعان وڭالتۋ باعدارالامالارىن ازىرلەۋ كوزدەلىپ وتىر.

سوتتالعاندى بوستاندىققا دايارلاۋدىڭ جاڭا تاسىلدەرى – ولاردى الەۋمەتكە قوسۋدا تۇراقتى موتيۆاسيا قالىپتاستىرۋ، ٴومىر ٴسۇرۋ سالتىن وزگەرتۋ، دۇرىس ورتا قالىپتاستىرۋ جانە وسى ساناتتاعى ادامدارعا الەۋمەتتىك كومەك كورسەتۋ جۇيەسى.

سونىمەن قاتار، «وڭالتۋ تۇرمەسى» سوتتالعانداردىڭ الەۋمەتتىك بايلانىسىن نىعايتىپ، جوعالعان قۇجاتتارىن قايتا قالپىنا كەلتىرۋگە باعىتتالادى.

جوبا سوڭىندا قايتالاما قىلمىستىڭ تومەندەۋى عانا ەمەس، سونداي-اق باس بوستاندىعىنان ايىرۋ تۇرىندەگى جازالاردى ورىنداۋ كەزىندە تۋىندايتىن جاعىمسىز سالداردى بارىنشا بولدىرماۋ كوزدەلىپ وتىر.

ايتا كەتەيىك، وسى جوبانى ىسكە اسىرۋ كەزىندە اك-159/18 جانە اك-159/20 مەكەمەلەرىندە قاج قىزمەتكەرلەرىنە ارنالىپ وقىتۋ سەمينارلارى ۇيىمداستىرىلدى. قۇقىق قورعاۋشىلار مەن ۇكىمەتتىك ەمەس ۇيىمداردىڭ وكىلدەرى پەنيتەنسيارلىق جۇيە قىزمەتكەرلەرىن ٴبىرقاتار شەتەلدىك تاجىريبەمەن تانىستىردى.

قاراعاندى وبلىسىنىڭ اكىمدىگىمەن بەكىتىلگەن «وڭالتۋ تۇرمەسى» پيلوتتىق جوباسى 2018 جىلدىڭ ٴى توقسانىندا ىسكە اسىرىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي