BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كاسىپورىندار جۇمىسشىلارعا 2،2 ملرد تەڭگە بەرەشەك بولعان – تامارا دۇيسەنوۆا

بەرەشەگى بار 294 كاسىپورىننىڭ ماسەلەسى قارالدى. اعىمداعى جىلدىڭ 8 ايىندا جالاقى بويىنشا 2،2 ملرد تەڭگەگە جۋىق بەرەشەك وتەلدى. بۇل تۋرالى قر پارلامەنتى ماجىلىسىندەگى ۇكىمەت ساعاتىندا قر ەڭبەك جانە جانە حالىقتى الەۋمەتتىك قورعاۋ ٴمينيسترى تامارا دۇيسەنوۆا مالىمدەدى، دەپ حابارلايدى baq.kz ٴتىلشىسى.

بۇگىن ۇكىمەت ساعاتىندا «100 ناقتى قادام» ۇلت جوسپارىنىڭ 83-قادامىن ىسكە اسىرۋعا وراي قازاقستان رەسپۋبليكاسىندا ەڭبەك كودەكسىنىڭ جاڭا مودەلىن ەنگىزۋ بارىسى تالقىعا سالىندى.

«بۇگىن ەل ەكونوميكاسىندا جۇمىسپەن قامتىلعان ازاماتتاردىڭ سانى 8،5 ملن-نان استى نەمەسە ول حالىق سانىنىڭ 50 پايىزىنا جۋىقتادى. بۇل ازاماتتاردىڭ ەڭبەك قۇقىقتارىن قورعاۋ جانە ەڭبەك قاتىناستارىن رەتتەۋ قايسى قوعامنىڭ بولسا دا، وزەكتى ماسەلەسى بولىپ كەلەدى. ەلىمىزدە 2016 جىلدان باستاپ، وزدەرىڭىز قولداپ قابىلداعان، جاڭا ەڭبەك كودەكسى ىسكە اسىرىلۋدا. جاڭا كودەكستە ەڭبەك قاتىناستارىن رەتتەۋشى سۋبەكتىلەردى وكىلەتتىلىگىن ناقتىلاي وتىرىپ، ولاردىڭ اراسىندا كەلىسسوزدەر مەحانيزمىن ارىپتەستىك نەگىزىندە دامىتۋ كوزدەلگەن بولاتىن. جاڭا ەڭبەك كودەكسىنىڭ نەگىزگى ٴپرينسيپى – ەڭبەك قاتىناستارىن الەۋمەتتىك ديالوگ رەتىندە رەتتەۋ»، - دەدى ول.

سونىمەن قاتار مينيستر اعىمداعى جىلى جۇمىسشىلارىنا قارىز بولعان كاسىپورىندارمەن ٴتيىستى جۇمىستار جۇرگىزىلگەنىن العا تارتتى.

«ٴۇش جاقتى كوميسسيا وتىرىسىندا بەرەشەگى بار 294 كاسىپورىننىڭ ماسەلەسى قارالدى. اعىمداعى جىلدىڭ 8 ايىندا جالاقى بويىنشا 2،2 ملرد تەڭگەگە جۋىق بەرەشەك وتەلدى. ياعني 17 مىڭ جۇمىسكەردىڭ الدىنداعى قارىز وتەلدى. سونىمەن قاتار 396 كاسىپورىن 5 مىڭ قىزمەتكەردى جۇمىستان شىعارۋدى جوسپارلاعان. بۇل بويىنشا ٴتيىستى شارالار قولعا الىندى. 100 مىڭ ادامى بار 250 كاسىپورىن ەڭبەك زاڭناماسىن ٴجيى بۇزاتىندار توبىنا جاتقىزىلدى. مۇندا 8 مىڭ جۇمىسشى مەن جەتەكشىلەردىڭ قامتىلۋىمەن ٴتيىستى سەمينالار وتكىزىلدى»، - دەدى تامارا دۇيسەنوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي