BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«حالىقتى اشۋلاندىرىپ الامىز». دەپۋتات زاڭسىز سالىنعان ۇيلەر ماسەلەسىن شەشۋدى تالاپ ەتتى

بۇل تۋرالى بۇگىن قر پارلامەنتى ماجىلىسىندە «نۇر وتان» پارتياسى دەپۋتاتتارىنىڭ قاتىسۋىمەن «مەملەكەت باسشىسىنىڭ «قازاقستاندى ٴۇشىنشى جاڭعىرتۋ: جاھاندىق باسەكەگە قابىلەتتىلىك» اتتى قازاقستان حالقىنا جولداۋىنىڭ اياسىندا «ۇلت جوسپارى» 98-قادامدى ىسكە اسىرۋ 4 دەڭگەيدەگى بيۋدجەت پەن كوممۋنالدىق مەنشىكتى جۇزەگە اسىرۋ دايىندىعى» تاقىرىبىنداعى وتىرىستا دەپۋتات ٴۋاليحان قاينازاروۆ ايتتى، دەپ حابارلايدى baq.kz ٴتىلشىسى.

وتىرىستا دەپۋتات ەلىمىزدەگى زاڭسىز سالىنعان ۇيلەردىڭ ماسەلەسىن شەشۋ قاجەتتىگىن اتاپ ٴوتتى.

«ەلدى مەكەندەردەگى ۇيلەردى قالاي زاڭداستىرامىز؟ سونىمەن قاتار ولاردىڭ اراسىندا وسىدان 10-15 جىل سالىنعان ۇيلەر دە بار. ماسەلە - سوندا. مەن شىمكەنت قالاسىنىڭ توڭىرەگىندە (زاڭسىز سالىنعان – اۆتور) مىڭداعان ۋچاسكەنى تاۋىپ بەرە الامىن. ٴتىپتى مەن كەزىندە جۇمىس ىستەگەن اۋداننىڭ وزىندە بۇل ماسەلەنى قالاي شەشەمىز دەپ باسىمىز قاتتى. اۋدانعا قارايتىن قارابۇلاق اۋىلىنىڭ وزىندە 2500-3000 ٴۇي بولدى. ونىڭ وزىندە ولار ٴزاۋلىم ۇيلەر. سولاردى ٴبىز زاڭداستىرا المادىق. دەمەك، ٴبىز ماسەلەنى شەشۋ ٴۇشىن زاڭعا وزگەرىستەر ەنگىزۋىمىز قاجەت. زاڭدى ۋاقىتشا قابىلداپ، وسىنداي ماسەلە تۋىندامايتىنداي ەتىپ، پروبلەمانى شەشۋ كەرەك»، - دەدى ول.

وتىرىستان كەيىن حالىق قالاۋلىسى جۋرناليستەرگە اتالعان ماسەلەنىڭ وتە وزەكتى ەكەنىن ٴتۇسىندىردى.

«دەپۋتاتتاردىڭ كوتەرىپ وتىرعان ماسەلەسى زاڭسىز سالىنعان ۇيلەر تۋرالى بولدى. مىسالى، ٴبىر ازاماتتىڭ جەر ۋچاسكەسى بار دەلىك. ٴبىراق ول سول جەردى الادى دا بىرنەشە بولىككە بولەدى. سودان كەيىن ول سول جەردى حالىققا بەردى. ولار سول اۋماققا ۇيلەرىن سالىپ الدى. ٴبىراق حالىق سول جەرلەدەگى ۇيلەرىن زاڭداستىرا الماي وتىر. سەبەبى، ولاردىڭ قولىندا ەشقانداي قۇجات جوق. وتىرىستا مۇنداي ازاماتتاردىڭ الماتى، استانادا كوپ ەكەندىگى، ال شىمكەنتتە وتە كوپ ەكەندىگى ايتىلدى»، - دەدى ٴۋاليحان قاينازاروۆ.

وسى ورايدا ول شىمكەنت قالاسىنا قوسىلعان ەلدى-مەكەندەردىڭ تۇرعىندارى ٴوز ۇيلەرىن زاڭداستىرا الماي ساندالىپ جۇرگەنىن جاسىرمادى.

«شىمكەنت قالاسىنا 3 اۋداننىڭ جەرى قوسىلدى. ەگەر مەن قاتەلەسپەسەم، شاھارداعى حالىقتىڭ سانى 137 مىڭعا ارتتى. سول ۋاقىتتا ەشقانداي ماسەلە تۋىندامايدى دەلىنگەن. ٴبىراق 2017 جىلدىڭ كۇزىنەن باستاپ، قالاعا قوسىلعان ەلدى-مەكەندەردىڭ تۇرعىندارى ٴوز ماسەلەلەرىن ايتا باستادى. ولاردىڭ 20 سوتىق جەرى بولعان. ولار قالاداعى ٴتيىستى ورگانعا بارىپ، مەملەكەتتىك اكت العىسى كەلگەن. الايدا ونداعى قىزمەتكەرلەر «10 سوتىق جەرىڭىزدى زاڭداستىرامىز. ال قالعان 10 سوتىق جەردى ساتىپ الاسىز، بولماسا، جەردى مەملەكەتكە قايتاراسىز» دەگەن. ٴبىراق حالىق ول جەردى قالاي بەرەدى؟ بۇل دا شەشىلمەگەن ماسەلەلەردىڭ قاتارىندا»، - دەدى ول.

سونىمەن قاتار دەپۋتات شاھارعا قوسىلعان سايرام اۋىلىنىڭ ماسەلەسىن جەكە اتاپ ٴوتتى.

«بۇل ماسەلە سايرام اۋىلىن دا اينالىپ وتكەن جوق. ول جەردە مال شارۋاشىلىعىمەن اينالىساتىن كاسىپكەرلەر بار. ولار ەندى سۋبسيديا الا الماي وتىر. ولارعا دا قۇجاتتارىڭىزدى جوندەڭىزدەر دەگەن تالاپ قويىلدى. بۇل پروبلەما شەشىلمەسە، ۋشىعا بەرەدى»، - دەدى ٴۋاليحان قاينازاروۆ.

وسى جەردە ونىڭ ٴسوزىن جۋرناليست ٴبولدى. «وتىرىستا ادىلەت مينيسترلىگىنىڭ وكىلى زاڭسىز ۇيلەردى بۇزىپ تاستايمىز دەپ ايتىپ قالدى. وسىعان پىكىرىڭىز قانداي؟» - دەپ سۇراق قويدى.

«ەگەر زاڭمەن قاراساق، ونداي ۇيلەر بۇزىلۋى كەرەك. الايدا جوعارىدا مەن اتاعان مىسالدارداعى ۇيلەردىڭ اۋماعى وتە ۇلكەن. ول جاقتا حالىقتىڭ تۇرعانىنا 15 جىل بولدى. بۇل ماسەلەنى ايىپپۇلمەن، قورقىتۋمەن شەشە المايمىز. حالىقتى ودان ٴارى اشۋلاندىرىپ الامىز. سالدارىنان ماسەلە ۋشىعا تۇسەدى. مەنىڭ ويىمشا، بۇل ۇيلەردى زاڭداستىرۋ كەرەك. ولاي قورقىتۋدىڭ قاجەتى جوق»، - دەپ تۇيىندەدى ٴسوزىن دەپۋتات.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي