BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گەرمانيامەن قۇقىقتىق ىنتىماقتاستىق جاسالدى

«100 ناقتى قادام» ۇلت جوسپارىندا قاراستىرىلعان 5 ينستيتۋسيونالدى رەفورمانى جۇزەگە اسىرۋ اياسىندا 18-20 شىلدە كۇندەرى قۇقىق قورعاۋ جۇيەسىن جاڭعىرتۋ بويىنشا ۆەدومستۆوارالىق جۇمىس توبىنا جەتەكشىلىك ەتەتىن پرەزيدەنت كومەكشىسى - قاۋىپسىزدىك كەڭەسىنىڭ حاتشىسى ن.ب. ەرمەكبايەۆ باستاعان قازاقستان دەلەگاسياسى گەرمانيا فەدەراتيۆتىك رەسپۋبليكاسىنا ساپارلادى، دەپ حابارلايدى گفر-دەگى قر ەلشىلىگى.

ساپاردىڭ باستى ماقساتى – قۇقىق قورعاۋ ورگاندارىندا كادرلاردى ىرىكتەۋ جانە دايىنداۋ، فەدەرالدىق جانە جەر پوليسياسى اراسىنداعى ٴوزارا ٴىس-قيمىلدى ۇيىمداستىرۋ، قىلمىستىق جازالاۋ جۇيەسىن زەرتتەۋ بويىنشا الەمنىڭ الدىڭعى قاتارلى تاجىريبەلەرىمەن تانىسۋ.

ساپار بارىسىندا سىرتقى ىستەر مينيسترلىگى مەن فەدەرالدىق ىشكى ىستەر مينيسترلىگىنىڭ (بەرلين)، ايماقتىق پوليسيا ورگاندارى جانە پەنيتەنسيارلىق جۇيە، سونداي-اق پوليسيا اكادەمياسى (تومەنگى ساكسونيا) باسشىلىعىمەن كەزدەسۋلەر وتكىزىلدى. وتكىزىلگەن ٴىس-شارالار ناتيجەسى قىزمەتكەرلەردى الەۋمەتتىك قورعاۋ جانە ولاردىڭ قارجىلاي ريزالىعى، قۇقىق قورعاۋ قىزمەتىنىڭ مارتەبەسى مەن تيىمدىلىكتى ارتتىرۋ بويىنشا جۇرگىزىلىپ جاتقان جۇمىستار بارىسىندا ەسكەرىلەتىن بولادى. ساپار بارىسىندا ن. ەرمەكبايەۆ برەمەندەگى «راينمەتال گرۋپ» اسكەري-ونەركاسىپتىك كاسىپورنىندا بولدى، وندا وندىرىلەتىن ونىمدەردىڭ ۇلگىلەرى ۇسىنىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي