BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەۋرازيا ەكونوميكالىق كەڭىستىگىنە حالىقارالىق قارجى ورتالىعى قاجەت – ساياساتتانۋشى

ەۋرازيا ەكونوميكالىق كەڭىستىگى نارىعىنا حالىقارالىق قارجى ورتالىعى قاجەت. بۇل تۋرالى ۇكىمەتتىڭ ٴباسپاسوز ورتالىعىندا وتكەن بريفينگتە ساياساتتانۋشى، «احقو اكىمشىلىگى» اق باسقارما مۇشەسى، باسقارۋشى ديرەكتور ساياسات نۇربەك ايتتى، دەپ حابارلايدى baq.kz ٴتىلشىسى.

«استانا» حالىقارالىق قارجى ورتالىعىنا قىزىعۋشىلىق وتە جوعارى. سەبەبى، قازىرگى تاڭدا قىتاي حالىق رەسپۋبليكاسى قولعا العان «جىبەك جولى» ستراتەگياسى جاڭا ۇلكەن نارىققا شىعۋعا مۇمكىندىك بەرەدى. سوندىقتان وسى نارىققا بارلىعى قىزىعۋشىلىق تانىتۋدا. سونىمەن قاتار ۇلكەن ەۋرازيا كەڭىستىگىندە ارنايى مامانداندىرىلعان قارجى ورتالىعى جوق. قازىرگى تاڭدا ەڭ جاقىن قارجى ورتالىقتارى شانحاي، ستامبۋل، ماسكەۋ. ال ورتادا 2000-3000 شاقىرىم كەڭىستىك بوس. سوندىقتان «استانا» حالىقارالىق قارجى ورتالىعىن قۇرۋدىڭ ورايى كەلىپ تۇر. ٴبىز وسى ورتالىقتى قۇرعان جاعدايدا قىتاي، ەۋروپا، تمد ەلدەرى دە ٴبىر قارجى پلاتفورماسىنا يە بولادى»، - دەدى ول.

سونىمەن قاتار باسشى اتالعان قارجى پلاتفورماسىنا باتىستىڭ ينۆەستورلارى قىزىعا قاراپ وتىرعانىن العا تارتتى.

«وسى قارجى پلاتفورماسىنا ەۋروپا، سولتۇستىك امەريكا ينۆەستورلارى قىزىعا قاراپ وتىر. ٴبىز ولارعا باسەكەلەس ەمەسپىز. ٴبىراق جاڭا « ۇلى جىبەك جولى» مەن ەۋرازيا ەكونوميكالىق كەڭىستىگىنىڭ نارىعىنا وسىنداي قارجى ورتالىعى قاجەت»، - دەپ تۇيىندەدى ٴسوزىن «احقو اكىمشىلىگى» اق باسقارما مۇشەسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي