BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدە پروكۋروردىڭ سوتقا قاتىسۋى 7،8%-عا قىسقاردى – جوعارعى سوت

فوتو: Бауыржан Жуасбев

قازاقستاندا پروكۋروردىڭ سوتقا قاتىسۋ دەرەگى ازايۋدا. مىسالى، ەلىمىزدە پروكۋروردىڭ سوتقا قاتىسۋى 7،8 پايىزعا قىسقاردى. بۇل تۋرالى ۇكىمەت ۇيىندە «100 ناقتى قادام» ۇلت جوسپارىنىڭ ىسكە اسىرىلۋ بارىسىنا ارنالعان ٴباسپاسوز ٴماسليحاتىندا قر جوعارعى سوتى جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ باسشىسى نۇرسەرىك ٴشارىپوۆ مالىمدەدى، دەپ حابارلايدى baq.kz ٴتىلشىسى.

نۇرسەرىك ٴشارىپوۆتىڭ ايتۋىنشا، «100 ناقتى قادام» ۇلت جوسپارىنا سايكەس جوعارعى سوتقا بارلىعى 10 قادامدى ىسكە اسىرۋ جۇكتەلگەن. ناتيجەسىندە اتالعان 10 قادامنىڭ بارلىعى 2015-2016 جىلدارى تابىستى ىسكە اسىرىلعان.

«سوتتارداعى ازاماتتىق ىستەردىڭ جالپى ٴوتۋ مەرزىمى 2 ەسەگە قىسقارىپ، ولاردىڭ 83،5 %-ى ٴبىرىنشى سوت وتىرىسىندا اياقتالعان. بۇيرىقتىق وندىرىستەگى ىستەردىڭ سانى 25 %-عا، داۋلاردى شەشۋدىڭ بالاما ادىستەرىن قولدانۋ ارقىلى اياقتالعان ىستەر ۇشتەن بىرگە، ال مەدياسيانى پايدالانۋ ارقىلى اياقتالعان ىستەر 1،6 ەسەگە ۇلعايعان»، - دەدى دەپارتامەنت باسشىسى.

وسى ورايدا نۇرسەرىك ٴشارىپوۆ تاعى دا ٴبىرقاتار كورسەتكىشتەرگە توقتالدى.

«ازاماتتىق ىستەردىڭ 62،5 %-ى تاراپتاردى سوتقا شاقىرماستان-اق جەڭىلدەتىلگەن وندىرىستىك تارتىپپەن قارالادى. پروكۋرورلاردىڭ سوتقا قاتىسۋى 7،8 پايىزعا قىسقاردى. قىلمىستىق سوت وندىرىسىندە كەلىسىمگە كەلۋ وندىرىسىندە قارالعان ىستەردىڭ سانى 43 %-عا، قىسقارتىلعان تارتىپپەن قارالعان ىستەر 3،5 ەسەگە ارتتى. مەدياسيانى قولدانۋ ارقىلى اياقتالعان ىستەر 2،5 ەسەگە كوپ بولدى»، - دەپ تۇيىندەدى ٴسوزىن قر جوعارعى سوت وكىلى.

ەسكە سالا كەتەيىك، سونىمەن قاتار الداعى ۋاقىتتا ەلىمىزدە تەك 303 مەملەكەتتىك سوت ورىنداۋشى قالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي