BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلەكتروندى ۇكىمەت ادام ٴومىرىن باقىلايتىن بولادى

استانا. 7 ماۋسىم. baq.kz – بۇگىنگى تاڭدا ەلەكتروندى ۇكىمەتتى (قازىرگى «ازاماتتار ٴۇشىن ۇكىمەت» مەملەكەتتىك كورپوراسياسى) دامىتۋدىڭ كەلەسى كەزەڭى ازىرلەنىپ جاتىر. سونىڭ اياسىندا ەلەكتروندى ۇكىمەت جۇيەسى ادام ٴومىرىنىڭ سان الۋان جاعدايلارىن ٴوزى باقىلىپ، ٴتيىستى مەملەكەتتىك قىزمەتتى ۇسىناتىن بولادى. قازاقستان ازاماتى ول قىزمەتتى راستاسا بولعانى، دەپ حابارلايدى baq.kz ٴتىلشىسى.

«زەردە» ۇلتتىق اقپاراتتىق كوممۋنيكاسيالىق حولدينگى» اق الىبەك يرگاليەۆتىڭ ايتۋىنشا، قازىرگى كەزدە بەس مەملەكەتتىك ورگاندا ترانسفورماسيا بويىنشا ارنايى كەڭسەلەر اشىلىپ وتىر. نەگىزگى ماقسات – قوسىمشا مەملەكەتتىك قىزمەتتەردى ەلەكتروندى فورماتقا اۋىستىرۋ.

«قازىرگى كەزدە ناقتى قىزمەت تۇرلەرى انىقتالدى. ەندى، تەحنيكالىق جاعىنان ولاردى ارالاس تۇردە قولدانۋ ماسەلەسىن شەشۋ كەرەك. ماسەلەن، ادام زەينەتكەرلىككە شىقسا، ول بىردەن قانداي قىزمەتتەردى پايدالانۋى ٴتيىس؟ تىركەۋگە تۇرىپ، بانك كارتوچكاسىن الۋى قاجەت. وسىعان بايلانىستى زەينەتاقى تولەۋ ورتالىعىنان ٴتيىستى مالىمەتتەر ٴتۇسۋى كەرەك جانە تاعىسىن تاعى. مىنە، ادام وسى قىزمەتتەردى بولەك-بولەك ەمەس، بىردەن الۋى قاجەت. ول ٴۇشىن بارلىق مەملەكەتىك قىزمەتتەر ارالاس تۇردە جۇمىس ىستەۋ ٴتيىس. وسىنىڭ بارلىعى ەلەكتروندى تۇردە اتقارىلۋى شارت»، - دەيدى ٴا.يرگاليەۆ.

سول سياقتى جۇمىسسىز قالعان ازاماتتاردىڭ بارلىق مالىمەتتەرى تىركەپ، ولاردى سان الۋان مەملەكەتتىك باعدارلامالار بويىنشا جۇمىسقا تۇرعىزۋ تەتىكتەرى دە ازىرلەنبەك. بۇدان بولەك، بالانى مەكتەپكە راسىمدەۋ، جىلجىمايتىن مۇلىكتى ساتىپ الۋ بويىنشا ٴتيىستى شارالاردى ىسكە اسىرۋ جوسپارلانعان. ٴبىر سوزبەن ايتقاندا، ەلەكتروندى ۇكىمەت ادام ٴومىرىنىڭ سان الۋان جاعدايلارىن ٴوزى باقىلىپ، ٴتيىستى مەملەكەتتىك قىزمەتتى ۇسىناتىن بولادى. قازاقستان ازاماتى وعان ٴوز كەلىسىمىن بەرىپ، پايدالانا الادى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي