BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بورىشكەرلەر سوت ورىنداۋشىمەن بايلانىسقا شىقپاي-اق قارىزدارىن تولەي الادى – ادىلەت مينيسترلىگى

فوتو: Бауыржан Жуасбев

بورىشكەرلەر قارىزدارىن بەس حالىقارالىق اۋەجايدا ورنالاسقان تەرمينالدار ارقىلى، ٴارى قازپوشتانىڭ بارلىق كاسسالىق بولىمشەلەرى ارقىلى تولەي الادى. ياعني اتالعان فۋنكسيا ولارعا سوت ورىنداۋشىسىمەن بايلانىسقا شىقپاي-اق قارىزدى تولەۋگە مۇمكىندىك بەردى. بۇل تۋرالى ۇكىمەت ۇيىندە «100 ناقتى قادام» ۇلت جوسپارىنىڭ ىسكە اسىرىلۋ بارىسىنا ارنالعان ٴباسپاسوز ٴماسليحاتىندا قر ادىلەت ٴمينيسترىنىڭ ورىنباسارى جانات ەشماعامبەتوۆ مالىمدەدى، دەپ حابارلايدى baq.kz ٴتىلشىسى.

الدىمەن جانات ەشماعامبەتوۆ ٴتيىستى مەملەكەتتىك ورگانداردا قاعازباستىلىقتان قۇتىلۋ ٴۇشىن جۇمىستاردىڭ جۇرگىزىلىپ جاتقاندىعىن اتاپ ٴوتتى.

«جۇرگىزىلگەن جۇمىس ناتيجەسىندە بۇگىنگى كۇنى سوت ورىنداۋشىلارى 26 مەملەكەتتىك ورگانداردىڭ 52 دەرەكتەر بازاسىنان جەدەل جانە ٴتيىمدى تۇردە اقپارات الۋدا. بۇل ٴتۇرلى قاعاز تولتىرۋلار مەن اقپارات كۇتۋ ۋاقىتىن ەلەۋلى تۇردە قىسقارتادى. سونداي-اق، جۇمىس ىستەيتىن اقپاراتتىق جۇيە مۇلىك، مامىلەلەر، قۇقىقبۇزۋشىلىقتار، سوتتىلىق، كولىك جۇرگىزۋ كۋالىگىن الۋ، نوتارياتتىق ارەكەتتەر تۋرالى جانە وزگە دە مالىمەتتەر بەرەدى. اتقارۋ قۇجاتتارىن ەلەكتروندىق فورماتتا الۋ جانە سوتتىڭ قاۋلىلارىن ەلەكتروندى تۇردە سانكسيالاۋ بولىگىندە جوعارعى سوت جانە ىشكى ىستەر مينيسترلىگى اقپاراتتىق جۇيەلەرىمەن بىرىگۋ جۇزەگە اسىرىلعان»، - دەدى ول.

سونىمەن قاتار ادىلەت ٴمينيسترىنىڭ ورىنباسارى بورىشكەرلەرگە قارىزدارىن تولەۋ ٴۇشىن ٴتيىستى جاعدايدىڭ جاسالىپ جاتقانىن العا تارتتى.

«اتقارۋشىلىق ٴىس جۇرگىزۋلەر بويىنشا قارىز سوماسىن بەس حالىقارالىق اۋەجايدا (استانا، الماتى، قاراعاندى، شىمكەنت جانە اقتاۋ) ورنالاسقان تەرمينالدار جانە قازپوشتانىڭ بارلىق كاسسالىق بولىمشەلەرى ارقىلى تولەۋ مۇمكىندىگى ىسكە اسىرىلادى. اتالعان فۋنكسيونال بورىشكەرلەرگە سوت ورىنداۋشىسىمەن بايلانىسقا شىقپاي قارىز سوماسىن تولەۋگە مۇمكىندىك بەردى. جۇيە ٴوندىرىستى اۆتوماتتى تۇردە توقتاتادى جانە شىعۋعا قويىلعان شەكتەۋدى 30-40 مينۋت ىشىندە شەشەدى»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي