BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

باس پروكۋرور: قۇقىق بۇزۋشىلىق كارتاسى قولجەتىمدى ٴارى پايدالى بولادى

جاقىپ اسانوۆ بىلاي دەدى: «ۇلت جوسپارى «100 ناقتى قادام» شەڭبەرىندە ٴبىز «قىلمىستىق قۇقىق بۇزۋشىلىق كارتاسىن» جاسادىق. ونىڭ نەگىزگى تۇتىنۋشىسى - تۇرعىندار. ٴبىز ونى ٴقازىر قولجەتىمدى ٴارى پايدالى ەتۋدەمىز. ول ٴاربىر ادامنىڭ قالتاسىندا، ونىڭ سمارتفونىندا بولادى.

مىسالى، قوناق ٴۇي جالداعىسى كەلەتىن ادامعا، كارتا بۇل اۋداننىڭ قاۋىپسىزدىگىن نە قاۋىپتىلىگىن، قانداي قىلمىستار بولاتىنىن جانە قانشالىقتى ٴجيى بولاتىنىن كورسەتەتىن بولادى.

اشىعىن ايتساق، ٴاربىر ادام ٴقاۋىپسىز ورىندا تۇرعىسى كەلەدى. بالاسى مەكتەپتەن قايتاردا نەمەسە دالادا ويناپ جۇرگەندە قورىقپاۋدى، اۋلادا ەسىرتكى ساتىلماۋىن، بۇزاقىلاردىڭ شابۋىل جاساماۋىن قالايدى. سوندىقتان، بارلىعى ادامداردىڭ ٴوز بەلسەندىلىگىنە بايلانىستىن بولماق، ال كارتا وسى تۇرعىدا ولارعا كومەكتەسەدى.

بۇل ماسەلە بيزنەستى دە الاڭداتاتىن بولادى. كريمينالدىق اۋداندا كىمنىڭ دۇكەنگە بارعىسى، جالعا وفيس العىسى نەمەسە قوناق ٴۇي جالداعىسى كەلەدى دەيسىز؟

ازىرشە استانا قالاسىندا سىناقتان وتكىزەمىز، كەيىن رەسپۋبليكانىڭ بارلىق قالالارىنا، ٴتىپتى اۋىلدىق جەرلەرگە دە قولدانامىز. سونداي-اق باس پروكۋرور بۇۇ كوميتەتىنە ٴىرى ٴىس-شارالاردىڭ قاۋىپسىزدىگى ماسەلەلەرى بويىنشا جۇگىنۋدى ۇسىندى.

«ونىڭ ساراپشىلارى يسپانيادا، يتاليادا، قىتايدا، رەسەي مەن اقش-تا جۇمىس ىستەگەن. قاۋىپسىزدىكتىڭ تەكسەرىلگەن، ۋاقىت سىنىنان وتكەن جۇيەلەرى بار بولا تۇرىپ، بىزگە ٴوز بەتىمىزشە جاڭا نارسەنى ويلاپ تابۋدىڭ قاجەتى جوق،- دەپ تۇيىندەدى ول ٴوز ٴسوزىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي